Աբովյան միության 40-ամյակը .Հայկական մշակութային շաբաթավերջ Հաագայում

 

Հաագայի  «Աբովյան»  մշակութային  միության վարչության նախագահ պարոն Մաթո Հախվերդյանին

Հոլանդահայ Աբովյան մշակութային միության հարգարժան անդամներին, բարեկամներին

Հոլանդահայ Աբովյան մշակութային միության հարգարժան անդամներին, բարեկամներին

Այս օրերին լրանում է Հաագայում գործող Աբովյան մշակութային միութան 40-ամյակը, որի կապակցությամբ այս շաբաթավերջը կնշանավորվի ընդունելությամբ, Հայկական կինոյի օրով, ու կեզրափակվի նոյեմբերի 17-ի տոնական համերգով:

Հաագայում գործող Աբովյան մշակութային միութունը Նիդերլանդներում գործող ամենակայացած ու ազգային ավանդույթները անշեղորեն գծով տանող հայ համայնքներից է, որի բազմաբնույթ գործունեությունը կարևոր օրինակ է շատերի համար:

Այսքան տարի, բառի բուն իմաստով լծվել հայապահպանության գործին, կրել ու տարածել հայ մշակույթը, հայոց լեզուն և հայկական ավանդույթները, նաև օտարներին ներկայացնել ու տեսանելի դարձնել Հայաստանը` արդեն մեծածավալ աշխատանք է : Աբովյանցիները այս ճանապարհը հարթել են աշխատասիրությամբ ու անձնազոհությամբ, նաև լավ գործերի համարձակ նախաձեռնությամբ, հանդես են բերելով կամք ու միասնություն: Միջազգային մշակութային բազմաթիվ փառատոնների հաջող մասնակցությունն ու լավ արդյունքներ գրանցելը դրա վառ ու փայլուն վկայություններից է:

Աբովյան մշակութային միութունն իր անգերազանցելի բարձրությունում է` Հատկապես մեծ տեղ հատկացնելով մայրենիի պատշաճ մակարդակին: Մշակութային միության կայքը եռալեզու է` որից մեկը պարտադիր եղել է ու կա հայերենը: Արդեն իսկ Հայալեզու կայքի առկայությունը վկայում է ամուր հայկական բռունցքված համայնքի մասին: Բացի երեխաների և մեծահասակների համար հայոց լեզվի, երգի ու պարի դասերից, Աբովյան միությունը կազմակերպում է թեմատիկ օրեր և դասախոսություններ` տարբեր թեմաներով, հրավիրելով ճանաչված մասնագետներ: Մեծ տեղ է հատկացվում հայոց ավանդական տոներին և կարևոր հոբելյաններին: Աբովյան միությունը դարձել է հայոց պատմության և մշակույթի մասին վավերագրության և տեղեկատվության կենտրոն: Բացի մշակութայինից իր հիմնադրման օրվանից միությունն ակտիվորեն ծավալել է հասարակական-քաղաքական տարբեր մակարդակների գործունեություն:

Արդարև Հաագայի Աբովյան մշակութային միության անցած 40 տարիները կարելի է համարել սերունդների հայեցի կրթության ու դաստիարակության, օտար ափերում հայոց լեզվի և հայկական ավանդույթների պահպանման ժամանակաշրջան: Կարևորվել ու անհրաժեշտ է համարվել ոչ միայն Նիդերլանդների տարբեր վայրերում գործող հայկական կառույցների ու կազմակերպությունների հետ համագործակցությունը: Միության Weesperstraat 91 – 2574 VS հասցեն Հաագայում հանդիսացել է ոչ միայն հայ, նաև օտարազգի բարեկամների հանդիպման ու ծանոթությունների սիրելի վայր:

Անգնահատելի է «Աբովյան» մշակութային միության` անձամբ Մաթո Հախվերդյանի, Ինգե Դրոստի ու բոլոր նվիրյալների ջանքերը:

«Նիդերլանդական օրագիրը» ջերմորեն շնորհավորում է բոլոր աբովյանցիներին, մեզ բոլորիս` «Աբովյան» մշակութային միության հիմնադրման 40-ամյակի կապակցությամբ:

«Նիդերլանդական օրագիր»

Աբովյան միության 40-ամյակը

Հայկական մշակութային շաբաթավերջ Հաագայում

Աբովյան մշակութային միության 40-ամյակը մենք կնշենք նոյեմբերին Հաագայում՝ «Հայկական կինոյի օր» նոյեմբերի 16-ին և «Տոնական համերգ» նոյեմբերի 17-ին միջոցառումներով։

I

Թեմա` «Հայկական կինոյի օր»՝ «Վավերագրական հնչյուններ հայկական լեռնաշխարհից և սփյուռքից»։ Միջոցառումը կազմակերպել են Աբովյան միությունը և Filmhuis Den Haag կինոթատրոնը։

Թվականը` Շաբաթ, 16 նոյեմբերի 2024

Ժամերը` 13:00, 15:00, 16:45 և 19:00

Հնարավոր է ժամերի փոփոխություն

Վայրը` Filmhuis Den Haag

Հասցեն` Spui 191 – 2511 BN Հաագա

Մուտքը` Ստանդարտ գին. €12.00, տոմսերի վաճառքը կինոթատրոնում

II

Թեմա` Տոնական համերգ Theater aan het Spui թատրոնում, որտեղ հայկական երգով, պարով և երաժշտությամբ ելույթ կունենան հայտնի երգիչ Սևակ Ամրոյանը Հայաստանից, Black Swan հնգյակը Հոլանդիայից և Աբովյան մշակութային միության երգչախումբը և պարայխումբը։

Թվականը` Կիրակի, 17 նոյեմբերի 2024

Ժամը` 16:00-ին

Վայրը` Theater aan het Spui (Het Nationale Theater)

Հասցեն` Spui 187 – 2511 BN Հաագա

Մուտքը` € 30.00

Տեղերի ամրագրում` info@abovian.nl էլ. նամակով