Ամստերդամում Gurdjieff համույթը փայլուն ելույթ ունեցավ

Ամստերդամի Concert-Gebouw հոյակերտ համերգային սրահում` հոլանդացի հանդիսատեսի համար, Հունվարի 28-ին երեկոյան ներկայացվեց Gurdjieff Ensemble համույթի փայլուն կատարումները:  Լևոն Էսկենյանի ղեկավարած Հայկական Գյուրջիևյան խումբը ստեղծվել է 2008թ. Հայաստանում, այն եզակի համույթ է, ներկայացնում է երբեմն հանդարտ, մելամաղձոտ և մեդիտացիոն, երբեմն էլ վիրտուոզ, կրքոտ և ռիթմիկ հայկական երաժշտություն`  ավանդական, մեծամասամբ հայկական գործիքների միջոցով։

 Այս երեկո խմբի ելույթը նվիրված էր  Zartir ալբոմին, որը վերջերս է թողարկվել որակյալ ECM Records լեյբլով:

Քննադատների կողմից լավ գնահատականներ ստացած Գյուրջիևի համույթը բաղկացած է առաջատար հայ երաժիշտներից, ովքեր ավանդական հայկական գործիքներից բացի նվագում են նաև մերձավորարևելյան գործիքներ: Երգացանկում ներառված են ինչպես Կոմիտասի երաժշտությունը, այնպես էլ արևելյան ու նաև հին, միջնադարյան հայկական ժողովրդական և հոգևոր երաժշտություն, կովկասյան աշուղական երգեր: Երաժշտական ցանկում ընդգրկված են ժամանակակից կոմպոզիտորների ստեղծագործություններ։

 Համույթի դեբյուտային «Music of Georges I. Gurdjieff»  և «Կոմիտաս» ալբոմները հանրահայտ ECM Records փառատոնում արժանացան քննադատների լավաքույն գնահատանքին և արժանացան հեղինակավոր մրցանակների, որոնց թվում՝  Էդիսոնի մրցանակը: Համույթը ելույթների աշխարհագրությունը լայն է  Եվրոպայից մինչև Ավստրալիա, Հոլանդիայի փառատոնից մինչև Չիկագոյի համաշխարհային երաժշտական ​​փառատոն։

Համերգին ներկա էին Նիդերլանդների խորհրդարանի ներկա և նախկին պատգամավորներ, հասարակական, քաղաքական, մշակութային գործիչներ, հայ համայնքի ներկայացուցիչներ: Համերգին ներկա էր  և ելույթ ունեցավ Նիդերլանդների Թագավորությունում Հայաստանի հանրապետության արտակարգ և լիազոր դեսպան Վիկտոր Բիյագովը:

Գյուրջիևյան համույթին անդրադարձել են Նիդերլանդական մամուլն ու հեռուստատեսությունը:

«Նիդ.օրագրի» լրատվություն

WORLD PRESS PHOTO ՑՈՒՑԱՀԱՆԴԵՍԻ ԲԱՑՈՒՄԸ ՀԱՅԱՍՏԱՆՈՒՄ ՆԻԴԵՐԼԱՆԴՆԵՐԻ ԴԵՍՊԱՆՈՒԹՅԱՆ ԱՋԱԿՑՈՒԹՅԱՄԲ

Հայաստանում Նիդերլանդների Թագավորության դեսպանատունը Facebook  2024 թվականը մեկնարկեց World Press Photo ցուցահանդեսով ։ Ցուցահանդեսի բացումը տեղի ունեցավ 2024 թվականի հունվարի 23-ին, ժամը 15:00-ին Ճարտարապետության ազգային թանգարանում, հասցեն` Հանրապետության հրապարակ, կառավարական 3-րդ շենք։ 

Լուսանկարների աշխարհը յուրահատուկ է, նրանք մնում են մարդկային հիշողության մեջ, պատմում,են ավելին քան՝ խոսքեր։ Լուսանկարները մեր օրերի տխուր իրողությունները դարձնում են ավելի շոշափելի։ Ներկայացվել էին World Press Photo-ի 2023 թվականի համաշխարհային հաղթողները, ովքեր իրենց ֆոտոնկարներով փաստում են պատերազմի և խաղաղության արժեքը, երբ իրական զոհերը հաճախ քաղաքացիական բնակչությունն է: Հայաստանում Նիդերլանդների Թագավորության դեսպանատան գործերի ժամանակավոր հավատարմատար, դեսպան Յապ Ֆրեդերիքսը ցուցահանդեսի բացումը համարում է բացառիկ կարևորություն քանի որ այն դիտարկում է մարդու իրավունքների պաշտպանության համատեքստում։ Նիդեռլանդների թագավորության հայաստանյան դեսպանատունը իր գործունեությամբ վերահաստատում է յուրաքանչյուրի իրավունքներն իրացնելու համար հնարավորություն ապահովելու անհրաժեշտությունը, նաև օժանդակում  է, որ իրավազուրկները ունենան խոսքի ազատություն։ Փոխդեսպան Տիմեն Կաուվենարն իր ելույթում նշեց, որ խոսքի ազատությունը պետք է ընկալել կարևոր հիմնարար արժեքների շարքում։

Ցուցահանդեսի բացմանը ներկա էին դեսպաններ, ուկրաինացի լուսանկարիչ, տարվա լուսանկար անվանակարգի հաղթող Եվգենի Մալոլետկան։ Մարիուպոլի պաշարումից Մալոլետկայի դիմակայության լուսանկարը պատկերավոր կերպով է արտացոլում Ուկրաինա Ռուսաստանի ներխուժման հետևանքով մարդկային տառապանքը։

The Embassy of the Kingdom of the Netherlands in Armenia Facebook started 2024 with the World Press Photo exhibition https://www.worldpressphoto.org/. The opening of the exhibition took place today on January 23, 2024, at 15:00 at the National Museum of Architecture, address: Republic Square, Government Building 3. Photography world is unique… Photographs remain in human memory, they tell more than words. Photos make the sad realities of our days more palpable. The World Press Photo 2023 global winners were presented, with their photographs documenting the cost of war and peace when the real victims are often among the civilian population. Charge d'affaires of the Embassy of the Kingdom of the Netherlands in Armenia, Ambassador Jaap Frederiks (Jacob Rijkert Theodoor ) considers that the exhibition is of exceptional importance if seen in the context of human rights protection.

The Armenian Embassy of the Kingdom of the Netherlands reaffirms with its activities the need to ensure the opportunity for everyone to realize their human rights, and also supports those, who are deprived of their rights, to have freedom of speech. Deputy Ambassador Timen Kauvenar emphasized the importance of freedom of speech among fundamental values. 

Ambassadors, guests, the Ukrainian photographer Evgeny Maloletka - the winner of the “photo of the year” category, were present at the opening of the exhibition. About Evgeny Maloletka’s activity find here: https://www.evgenymaloletka.com/about, about his works: https://www.evgenymaloletka.com/. The photo by Maloletka's, standoff from the siege of Mariupol vividly reflects the human sufferings caused by Russia's invasion of Ukraine.

Հատուկ Niderlandakan Oragir / Diary of the Netherlands/Նիդերլանդական օրագիր լրատվամիջոցի համար

ԵՊՀ դոցենտ բ․գ․թ․ Նաիրա Գասպարյան

Երևան, 23.01.2024

Հայկ Ազիզբեկյանը Նիդերլանդներում սփյուռքի գործերի հանձնակատար

Սփյուռքի գործերի հանձնակատարների ինստիտուտի ներդրմամբ՝ ընդլայնվում են Սփյուռքի գործերի գլխավոր հանձնակատարի գրասենյակի ցանցային կարողությունները, որով սփյուռքի հայ համայնքներում սկիզբ է դրվում Սփյուռքի գործերի հանձնակատարների ինստիտուտը, որի շրջանակներում հունվարի 18-ին տեղի է ունեցել երկրորդ նշանակումը:  ՀՀ վարչապետ Նիկոլ Փաշինյանի որոշմամբ՝ Հայկ Ազիզբեկյանը նշանակվել է Նիդերլանդներում սփյուռքի գործերի հանձնակատար՝ հասարակական հիմունքներով խորհրդականի կարգավիճակով։ 

Միջազգային իրավաբան Հայկ Ազիզբեկյանը ծնվել է  1978թվականի  Հոկտեմբերի 4-ին, Երևանում: Սովորել և ավարտել է.

1985-1995թթ.  Երևանի թիվ 42 միջնակարգ դպրոցը։

1995-1999թթ. Հայկական գյուղատնտեսական ակադեմիա Ճարտարագիտության բաժինը։

2002-2006թթ. Երևանի գյուղատնտեսական համալսարան Իրավագիտության բաժինը:

2010-2013թթ. Լեյդենի համալսարանի Մագիստրոսական ծրագիր՝ «Միջազգային հանրային իրավունք» մասնագիտությամբ։

2017-2018թթ. Հարվարդի համալսարան՝  «Պայմանագրերի իրավունք» մասնագիտությամբ։

Աշխատանքային գործունեություն.

Աշխատել է իրավաբանական և միջազգային կազմակերպություններում:

2006-2008թթ. ՄԱԿ-ի «SCAD» ծրագիր Իրավախորհրդատու։

2009-2012թթ. «Mohassel Zadeh Advocaten» իրավաբանական ընկերություն՝ Իրավագետ։

2012-2014թթ. Advocatenkantoor Palm իրավաբանական ընկերություն՝ միջազգային իրավախորհրդատու/Իրավաբան։

2014-2016թթ. «Հոլանդական փախստականների խորհուրդ» Ավագ իրավախորհրդատու։

2016թ. մինչ օրս՝ «AHG JUSTITIA Իրավաբանակ ան և ֆինանսական ծառայություններ» Հիմնադիր/ Միջազգային ավագ իրավաբան։

2019թ. մինչ օրս՝  ԵՄ ներդրումային ծրագրեր Հայաստանում Հիմնադիր/ Խորհրդի նախագահ։ 

2024թ. Հունվարի 18-ից ՀՀ վարչապետ Նիկոլ Փաշինյանի որոշմամբ նշանակվել է օտարերկրյա պետություններում՝ Նիդերլանդներում սփյուռքի գործերի հանձնակատար։  Հայկ Ազիզբեկյանը անկուսակցական է: Ամուսնացած է, ունի 2 դուստր, 1 որդի:

Նման նշանակումների նպատակը  Հայաստան-սփյուռք գործակցությունը զարգացնելն է, այդ բնագավառում իրականացվող աշխատանքների արդյունավետության ապահովումը, հայ համայնքների միջեւ կայուն հարաբերությունները և համայնքի ներուժի նպատակային ներգրավումը, ինչպես նաեւ  հայ ինքնության պահպանումն ու հայրենադարձությանն ու Հայաստանում սփյուռքահայերի ինտեգրմանն ուղղված միջոցառումների կազմակերպումը:

Սփյուռքի գործերի հանձնակատարները նշանակվում են ՀՀ վարչապետի կողմից  հասարակական հիմունքներով խորհրդականի կարգավիճակով, չեն վարձատրվում, չունեն նորմավորված աշխատանքի և աշխատաժամանակի ռեժիմ: Նրանք Հայաստան-սփյուռք գործակցության ուղղություններով տրամադրելու են մասնագիտական խորհրդատվություն և աջակցելու են սփյուռքի գործերի գլխավոր հանձնակատարի կողմից սփյուռքի հետ փոխգործակցության բնագավառում իրականացվող աշխատանքներին։

«Նիդերլանդական օրագիրը» ևս մեկ անգամ շնորհավորում է Հայկ Ազիզբեկյանին՝  Նիդերլանդներում հասարակական հիմունքներով սփյուռքի գործերի հանձնակատար նշանակվելու առթիվ: Հուսով ենք, որ պարոն Ազիզբեկյանը իր գիտելիքները, հմտություններն ու կարողությունները կներդնի Նիդերլանդների հայ համայնքի կազմակերպմանն ու առաջընթացին, կնպաստի Հայաստան-սփյուռք կապին: 

Եվրոպայի հայերի համագումարը ողջունում է Ֆրանսիայի Սենատի բանաձևը

 336 կողմ եւ մեկ դեմ ձայն

Եվրոպայի հայերի համագումարը ողջունում է Ֆրանսիայի Սենատի կողմից 336 կողմ եւ մեկ դեմ ձայնով ընդունված Ադրբեջանի դեմ պատժամիջոցներ պահանջող բանաձևը:                       

Ֆրանսիայի Սենատի ընդունած բանաձեւը դատապարտում է Ադրբեջանի կողմից իր դաշնակիցների աջակցությամբ 2023 թ. սեպտեմբերի 19-ին և 20-ին իրականացված ռազմական հարձակումը Լեռնային Ղարաբաղում եւ կոչ է անում Ադրբեջանին երաշխավորելու հայ բնակչության վերադարձի իրավունքը Լեռնային Ղարաբաղ: Կարևորում է ՅՈՒՆԵՍԿՕ-ում փորձագետների միջազգային խմբի ստեղծումը և գործուղումը Լեռնային Ղարաբաղ՝ մշակութային և կրոնական ժառանգության վիճակի վերաբերյալ տեղեկատվական զեկույց պատրաստելու համար։

Բանաձևը կոչ է անում ադրբեջանական զորքերի և նրանց դաշնակիցների անհապաղ և անվերապահ դուրսբերումը Հայաստանի ինքնիշխան տարածքից: 

Բանաձևը կարևորում է նաև ամենախիստ միջոցների ձեռնարկումը, այդ թվում՝ Ադրբեջանի ղեկավարների ակտիվների առգրավումը և Ադրբեջանից գազի և նավթի ներմուծման էմբարգոն:

Ֆրանսիայի Սենատի ընդունած այս բանաձեւը հույսով խթան կլինի նաեւ Եվրոպական այլ երկրների համար, որոնք  նույնանման բանաձեւերի որդեգրումով կկանգնեն Ֆրանսիայի կողքին՝ զսպելու Ադրբեջանական սանձարձակությունները եւ Հայաստանի Հանրապետության դեմ նրա  լկտի նկրտումները, մանավանդ, երբ իր կարելիությունների չափը կորցրած Ադրբեջանական կլանը նույնանման պատժամիջոցներով եւ հոխորտանքով է դիմակայում նման բանաձեւերին: 

Սենատի կողմից բազմաթիվ հայանպաստ որոշումներ անցյալում մեծ մասամբ անտեսության են մատնվել, սակայն  հույսով Ֆրանսիայի գործադիր իշխանությունները այս անգամ, ավելի հաստատակամ, Սենատի այս բանաձեւը կյանքի կկոչեն եւ  գործնական քայլերով ցույց կտան, որ  Հայաստանի Հանրապետության կողքին են եւ պաշտպանում են արդարությունն ու որդեգրած համամարդկային արժեքները:

Հայաստանի Հանարապետության եւ հայ ժողովրդի կողքին լինելու Ֆրանսիայի նման մի երկրի որդեգրած քաղաքականությունը, բնականաբար, Հայաստանի Հանրապետության ինքնիշխանության, անվտանգության եւ զարգացման համար ունի անգնահատելի հսկայական արժեք:

Եվրոպայի հայերի համագումար

18 հունվար 2024

 Շվեդիա

Aaeurop Aae

Ահա ով է Ֆրանսիայի Սենատում միակ «դեմ» քվեարկողը

Հունվարի 17-ին Ֆրանսիայի Սենատի՝  Լեռնային Ղարաբաղի հարցով Ադրբեջանի դեմ պատժամիջոցներ սահմանելու մասին բանաձևին «կողմ» են քվեարկել Սենատի 336 անդամներ, իսկ դեմ՝ միայն մեկ սենատոր՝ Արտաքին գործերի և պաշտպանության հարցերի հանձնաժողովի փոխնախագահ, «Ցենտրիստների միության» անդամ Նատալի Գուլեն (Nathalie Goulet).

Սենատի ընդունած Բանաձևը մանրամասն սահմանում է թե՛ պատժամիջոցների ցանկը Ադրբեջանի դեմ, թե՛ Լեռնային Ղարաբաղի բնակչության՝ իրենց տները վերադառնալու պահանջներն ու պայմանները, թե՛ Հայաստանի՝ տարածքային անձեռնմխելիության պահպանման հարցերը։ 

Սակայն վերադառնանք Բանաձևին «դեմ» քվեարկած սույն տիկնոջը։ Հրեական ընտանիքից սերված մասնագիտությամբ իրավաբան Նատալի Գուլեն 1999թ․ եղել է Ֆրանսիայի Օրն դեպարտամենտի կողմից ընտրված Դանիել Գուլեի օգնականը, 2001-ին, սենատոր ընտրվելուց հետո, դարձել է Դանիել Գուլեի տեղակալը, 2004թ․ ամուսնացել է վերջինիս հետ, 2007թ․ ամուսնու մահվան հաջորդ օրը Սենատում զբաղեցրել է նրա աթոռը։ 

2000թ․ Փարիզի փաստաբանական գրասենյակը զրկում է Նատալի Գուլեին փաստաբանական արտոնագրից՝ մասնագիտական վարքականոնը խախտելու համար, Վճռաբեկ դատարանը վերահաստատում է այդ որոշումը։ 

Նատալիի ամուսինը՝ Դանիել Գուլեն, ևս աղմկահարույց կենսագրություն է ունեցել։ 2003թ․ Ադրբեջանի նախագահի ընտրությունների ժամանակ ԵԽԽՎ-ի դիտորդական խմբի նրա զեկույցը համարվել է բավական չեզոք՝ տեղի ունեցած աղմկահարույց ընտրախախտումների և բռնարարքների կողքին։ Այնուհետև Գուլեն պարտադրաբար վերանայել է իր զեկույցը՝ ստիպված լինելով «վերանայել իրականությունը», իսկ հարցազրույցներում մեղադրելով Ադրբեջանի ընդդիմադիր «Մուսաֆաթ» կուսակցությանը երկրում իրավիճակը սրելու համար։ 

Դանիել Գուլեի հանկարծամահությունը պատճառ է դարձել, որ նրա 1-ին ամուսնությունից ծնված երկու դուստրերը հոր մահը համարեն սպանություն՝ դրանում մեղադրելով Նատալի Գուլեին։ Արտաշիրիմումը և դատական գործընթացը բնական մահն են վերահաստատել, թեպետ դուստրերը կասկած են հայտնել, որ հոր երկրորդ կինը կարող էր ազդել դատարանի որոշման վրա։

Նատալի Գուլեն Սենատում հանդես է գալիս Ֆրանիսա-Թուրքիա հարաբերությունների խորացման օգտին՝ ներկայացնելով համապատասխան օրենք այդ հարաբերությունների խորացման մասին, աջակցում է Իրանի՝ Միջուկային ծրագիր ունենալու իրավունքին։

2014թ․ Ադրբեջանում արժանացել է Հեյդար Ալիևի հիմնադրամի  սահմանած «Ոսկե չինար» մրցանակին։  

2016 թվականին Քառօրյա պատերազմի ժամանակ կոչ է արել ՄԱԿ-ի Անվտանգության խորհրդին դատապարտել  «Ադրբեջանի դեմ հայերի ագրեսիան»։ 

Նատալի Գուլեն Սենատում իր գործունեությամբ առանձնանում է ընդգծված թրքամետությամբ և ադրբեջանամետությամբ։

Այս տարվա հունվարի 17-ի Սենատի նրա «դեմ» քվեարկությունից հետո ֆրանսահայ լոբբին հարկ է, որ բողոքի նամակներով և միջոցառումներով խստորեն դատապարտի  Նատալի Գուլեին, որի քաղաքական գործունեությամբ մեջ արտաքին, տվյալ դեպքում՝ ադրբեջանական և թուրքական ազդակները լուրջ դերակատարում են ունեն, նրա քվեարկությունը դեմ  է նաև Ֆրանսիայի շահերին և արժեքներին։ 

 Նարինե Մկրտչյան

facebook.com

-------------------------------

Ֆրանսիայի Սենատը 336 կողմ և 1 դեմ ձայների հարաբերակցությամբ ընդունեց Լեռնային Ղարաբաղում Ադրբեջանի ռազմական հարձակումը դատապարտող բանաձևը, նշված է Սենատի X-ի էջում:

Ըստ Սենատի պաշտոնական կայքէջի՝ բանաձևով կոչ է արվում պատժամիջոցներ կիրառել Ադրբեջանի դեմ, այդ թվում՝ Ադրբեջանից գազի և նավթի ներմուծման էմբարգո սահմանել։ Բանաձևով նաև պահանջվում է Լեռնային Ղարաբաղ հայ բնակչության վերադարձի իրավունքի երաշխիքներ։

Կոչ է արվում կառավարությանը հնարավոր ամեն ինչ անել, որպեսզի Ադրբեջանը հրատապ և խաղաղ կերպով միանա դիվանագիտական ուղիներով բանակցային գործընթացին՝ Հարավային Կովկասում կայուն խաղաղության հաստատմանը հասնելու համար։

Ի թիվս այլ դրույթների՝ Ֆրանսիայի Սենատի բանաձևը.

▶️Աջակցում է Հայաստանի տարածքային ամբողջականությանն ու ինքնիշխանությանը,

🔴Դատապարտում է Ադրբեջանի կողից իր դաշնակիցների աջակցությամբ 2023 թ. սեպտեմբերի 19-ին և 20-ին իրականացված ռազմական հարձակումը Լեռնային Ղարաբաղում,

🟢Կոչ է անում Ադրբեջանին երաշխավորելու հայ բնակչության վերադարձի իրավունքը Լեռնային Ղարաբաղ երաշխավորելով այնպիսի պայմաններ, որոնք կապահովեն նրանց անվտանգությունն ու բարեկեցությունը,

🟠Կոչ է անում ադրբեջանական զորքերի և նրանց դաշնակիցների անհապաղ և անվերապահ դուրսբերումը Հայաստանի ինքնիշխան տարածքից,

Նշում է, որ Հայաստանն իրավունք ունի պաշտպանելու իր տարածքային ամբողջականությունը և ունենալու միջոցներ՝ ապահովելու իր անվտանգությունը, այդ թվում՝ ռազմական ճանապարհով,

🔸️Դատապարտում է Լեռնային Ղարաբաղի քաղաքական առաջնորդների կամայական ձերբակալությունները,

🔹️Կոչ է անում հեռացնել Ադրբեջանին Զինված ընդհարման դեպքում մշակութային արժեքների պաշտպանության միջկառավարական կոմիտեից,

🔸️Կարևորում է ՅՈՒՆԵՍԿՕ-ում փորձագետների միջազգային խմբի ստեղծումը և գործուղումը Լեռնային Ղարաբաղ՝ մշակութային և կրոնական ժառանգության վիճակի վերաբերյալ տեղեկատվական զեկույց պատրաստելու համար,

🟣Կարևորում է նաև ամենախիստ միջոցների ձեռնարկումը, այդ թվում՝ Ադրբեջանի ղեկավարների ակտիվների առգրավումը և Ադրբեջանից գազի և նավթի ներմուծման էմբարգոն՝ Ադրբեջանի կողմից իրականացվող ռազմական ագրեսիայի դեմ պատժամիջոցներ կիրառելու համար:

ՍՈՒՐԲ ԾՆՆԴՅԱՆ ՏՈՆԻ ՊԱՏԱՐԱԳ ԵՎ ՋՐՕՐՀՆԵՔԻ ԿԱՐԳ` ԿԱԼԿԱԹԱՅԻ ՍՈՒՐԲ ՆԱԶԱՐԵԹ ՀԱՅՈՑ ԵԿԵՂԵՑՈՒՄ

 11.01.2024/Լիանա Փիրումյան/ՆիդՕրագիր

Տարվույս հունվարի 6-ի առավոտյան Կալկաթայի սուրբ Նազարեթ հայոց եկեղեցում մատուցվեց Սուրբ Ծննդյան տոնի Պատարագ, հավարտ որի կատարվեց Ջրօրհնեքի կարգ։ Սուրբ Պատարագին և Ջրօրհնյաց արարողությանը ներկա էին Հնդկաստանում ՀՀ արտակարգ և լիազոր դեսպան տիար Վահագն Աֆյանը` ընտանիքի հետ, դեսպանության դիվանագետները՝ իրենց ընտանիքների հետ, Արևմտյան Բենգալիայի Անշարժ գույքի պետական կոմիտեի գլխավոր տնօրեն տիար Բիփլաբ Ռոյը, Կալկաթայի սուրբ Նազարեթ հայոց եկեղեցու հոգաբարձուներ տիկին Սյուզան Ռուբենը և տիար Սյունիլ Սոբտին, հավատավոր հայեր Նյու Դելիից, Չեննայից, Կալկաթայից, Հայոց մարդասիրական ճեմարանի ուսուցիչներն ու աշակետները։

Նույն օրը Կալկաթայի Հայոց մարդասիրական ճեմարանում տեղի ունեցավ դեսպան տիար Վահագն Աֆյանի և դեսպանության դիվանագետների պաշտոնական դիմավորման արարողությունը, որի ընթացքում ճեմարանի կառավարիչ և Հնդկահայոց հոգևոր հովիվ Տ. Տաճատ վարդապետ Ծատուրյանը ողջունեց հյուրերին Սուրբ Ծննդյան ավետիսով և ի մոտո ծանոթացրեց ու ներկայացրեց ճեմարանի աշակերտներին և ուսուցիչներին։ ՀՀ դեսպանը խորին շնորհակալություն հայտնեց տեսուչ Հայր Սուրբին ջերմ դիմավորման և հյուրընկալության համար։Իսկ հետո 

 կարճատև զրույց ունեցավ աշակերտների և ուսուցիչների հետ՝ երախտագիտություն հայտնելով վերջիններիս իրենց կատարած աշխատանքի և հայապահպանության համար։ Ավարտին  դեսպանը գրառում կատարեց ճեմարանի հուշամատյանում։

Հիշյալ միջոցառումը լուսաբանվել է հնդկական թերթերում։

Նիդերլանդների հայկական եկեղեցիներում նշվեց Հիսուսի Սուրբ Ծնունդը

°

Նիդերլանդների բոլոր հայկական եկեղեցիներում

Surp Karapet- Armeens Apostolische Kerk Maastricht,  Armeens Apostolische Kerk Almelo

Armeens Apostolische Kerk - SURP HOKI - Amsterdam ինչպես նաև Armeens Apostolische Kerk Noordbrabant  Ըստ պատշաճի նշվեց Հիսուս Քրիստոսի Սուրբ Ծննդյան ու Աստվածահայտնության տոնը: Բոլոր եկեղեցիները նախօրոք հրապարակել էին տոնացույցի օրերը ու մեծ պատիվ էր, որ Նիդերլանդներ իր այցով պատվել էր ու պատարագի արարողակարգը տեղի հոգևոր հովիվների հետ իր վրա էր վերցրել  Արևմտյան Եվրոպայի Հայրապետական Պատվիրակ և Վատիկանում Մայր Աթոռի ներկայացուցիչ  Գերաշնորհ Տեր Խաժակ արքեպիսկոպոս Պարսամյանը։

Ձեզ ենք ներկայացնում Սուրբ հոգի եկեղեցու գեղեցիկ մաղթանքը:

«Քրիստոս ծնավ, մեծ փառք բոլորիս։ Օրհնյալ է հայտնությունը Քրիստոսի»։

Քրիստոսը՝ Աստծո Որդին, իր ծնունդով առաջնորդում է աշխարհը դեպի նոր կյանք: Նոր կյանք է սերմանվում մեր մեջ, երբ Քրիստոսը ծնվում է մեր հոգիներում և լուսավորում մեր ողջ էությունը՝ առաջնորդելով մեզ դեպի լույսը, դեպի բարին, դեպի խաղաղություն և, ի վերջո, դեպի Արարիչ Աստված:

Հիսուս Քրիստոսի ծնունդը մարդկության պատմության հրաշքն է, որտեղ մարդ Աստծո շնորհի շնորհիվ կարող է հիանալ իր կյանքով: Մեզ կյանք է տրված, որպեսզի ստեղծենք ինչ-որ գեղեցիկ բան մեր ազատ կամքով, որը սնվում է ծառայության կրակով: Իհարկե, կյանքը հաճախ իրեն չի արդարացնում։ Այստեղ Հիսուսի ծնունդը կյանքի այդ օրինակելի ընթացքի հավասարակշռությունն է, որով վերածնվում է և՛ մարդ անհատապես, և՛ ողջ մարդկությունը։

Այսօրվա մարդկությունը հոգևոր կյանքի նորոգության է ձգտում: Հիսուսը պետք է ծնվի մեր հոգիներում, որպեսզի յուրաքանչյուրիս կյանքը հրաշք դառնա։ Մեզանից յուրաքանչյուրի կյանքը դառնում է խաղաղության ձայն աշխարհի ցավի մեջ։

Մենք Աստծո կողմից մեզ տրված կյանքի հոգևոր ճարտարապետներն ենք, և մեզ մնում է այդ կյանքը լրացնել Հիսուսով, որպեսզի նրա ծնունդը մեզ հավիտյան տանի դեպի վերածնունդ և նոր կյանք:

Մեզ համար սկսվող նոր տարին նոր է Հիսուսի ծնունդով: Հավատի և քրիստոնեական կյանքի ընթացքի գիտակցությամբ կատարենք մեր պարտականությունները աշխարհի և մարդկության հանդեպ՝ որպես մարդկության կողմից նշանակված վերակացուներ։ Առջևում նոր տարվա սկիզբը հրավեր է, որը տանում է դեպի Հիսուսի ծնունդ: Այս կյանքի ցիկլը պետք է անպայման գործնական արտահայտություն ստանա՝ գնահատելով մեր մատուցած ծառայությունների միջոցով:

Ամանորի և Սուրբ Ծննդյան տոների կապակցությամբ սրտանց մաղթում ենք ամենայն բարիք։ Թող Ամենակարող Աստված խաղաղության մեջ պահի աշխարհը։ Թող մարդիկ իրենց խնդրանքներն ուղղեն Աստծուն և իրենց մեջ գտնեն Աստծո հետ համագործակից դառնալու տեսլականը: Թող 2024 թվականը լինի ծառայության, ներողամտության ոգի ունենալու, միասնության ու ազգային կերտման տարի, սիրո և վերջապես առ Աստված հավատի զարգացման ու զորացման տարի։

«Քրիստոս ծնավ, մեծ փառք բոլորիս։ Օրհնյալ է հայտնությունը Քրիստոսի»։

Նիդերլանդական օրագիրը 2024-ն սկսում է 35 000-ից ավելի բաժանորդով

ՈՒնեցանք մեր 35 000-րդ բաժանորդը: 

Շնորհակալություն, որ ընթերցում եք Նիդերլանդահայ կյանքը լուսաբանող մեր պարբերականը:

Նկարում` տեսարան Մաստրիխտից։