Դեպի նոր ավագանու ընտրություններ, ընտրեք արժանավորին
Ալմելոյի հետ՝ միասին, նոր LAS ( Lokaal Almelo Samen - LAS ) կուսակցության համահիմնադիրներից է մեր հայրենակից՝ Robin Haik Gelici-ն, ով 3-րդ ընտրացուցակի՝ 8-րդ համարի ներքո, մարտի 16-ին մասնակցում է Ալմելոյի ՏԻՄ ընտրություններին: Ալմելոյի ազգությամբ Հարգելի հայ քաղաքացինե՛ր, ակտիվորեն մասնակցեք քաղաքապետարանի ավագանու ձևավորմանը, ընտրե՛ք ձեր թեկնածուին՝ հանուն Ալմելոյի զարգացման ու բարգավաճման:
Մարտի՝ 14,15 և 16-ին Նիդերլանդներում անցկացվող տեղական մարմինների ընտրություններին մասնակցում են մի խումբ կրթված ու հրաշալի հայազգի երիտասարդներ, որոնք արդեն ինտեգրվել են երկրի հասարակական, քաղաքական կյանքին: Այս անգամ ներկայացնում ենք էնկհուզենի քաղաքապետարանի PvdA կուսակցությունը ներկայացնող, 6-րդ ցուցակի երկրորդ համարին՝ Արշակ Մազլումյանին (Arshak Mazloumian): Նիդերլանդների հայազգի քաղաքացիներին կոչ ենք անում մասնակցել քվեարկություններին ու իրենց ձայնը տալ հայազգի այն թեկնածուներին, ովքեր գրանցված են իրենց տարածքային ընտրատեղամասերում:
Մարտի՝ 14,15 և 16-ին Նիդերլանդներում անցկացվող տեղական մարմինների ընտրություններին մասնակցում են նաև հայազգի թեկնածուներ: ՈՒրախ ենք այս անգամ ներկայացնել Gemeente De Bilt քաղաքապետարանի ավագանու թեկնածու Կարինե Քլյանին, նա զբաղեցնում է VVD կուսակցության 2-րդ համարը և մեծ է հավանականությունը, որ նա ընտրություններում հաջողություն ապահովի:
Նիդերլանդների հայազգի քաղաքացիներին կոչ ենք անում մասնակցել քվեարկություններին ու իրենց ձայնը տալ հայազգի այն թեկնածուներին, ովքեր գրանցված են իրենց ընտրատեղամասերում:
Շարունակում ենք ներկայացնել Մարտի 16-ին Նիդերլանդներում անցկացվող տեղական մարմինների քաղաքապետարանի ավագանու ընտրություններին մասնակցող հայազգի թեկնածուներին: Եվ այսպես Տավրոս Ասլանյան, նրան շատերդ եք ճանաչում: Տավրոսը ևս մեկ անգամ որոշել է իր ներկայությամբ ու մասնակցությամբ օգտակար լինել Ամստվելենի քաղաքապետարանին: Նա D66 կուսակցության 2-րդ ցուցակի 4-րդ համարն: Այնպես որ մեծ է ընտրություններում նրա հաղթելու հավանականությունը՝ եթե այս տարածաշրջանում բնակվող մեր շատ հայրենակիցները քվեարկեն նրա կուսակցության օգտին:
Արմանդ Կարաօղլանը' իր թեկնածությունն է առաջադրել Մերսենի ( Meerssen, Մաստրիխտի քաղաքապետարանի հարևանությամբ). Քաղաքապետարանի ընտրություններում' CDA կուսակցության կողմից, եղեք ակտիվ և քվեարկեք մեր հայրենակցի օգտին
Ցուցակ 3 Նո. 6
չորեքշաբթի, 16 մարտի, 2022 թ.
Ռիտա Թոմաս Ավանեսյանը որոշել է CU կուսակցության կողմից Ալմելո քաղաքում առաջադրվել ավագանու թեկնածու: Նա կուսակցության ցուցակում 4-րդ համարն է: Ռիտան հուսով է, որ աջակցություն կստանա ոչ միայն հայ համայնքից, նաև իր շատ համաքաղաքացիներից:
2022 թ. Մարտի 16-ի նիդերլանդական համայնքների ավագանու ընտրություններում Դելֆտում CDA կուսակցության 6-րդ ցուցակի 4-րդ համարում Դավիթ Սարկիսյանն է:
Նա ևս մեծ հնարավորություն ունի ընդգրկվելու Delft-ի քաղաքապետարանի ավագանու կազմում:
Հաջողություն մաղթենք Դավիթին
Այս անգամ ներկայացնում ենք Ալմելոյից Սառա Շահինյան: Նա Almelo Centraal կուսակցության 14 համարի ցուցակի 3-րդ համարով մասնակցելու է 2022թ մարտի 16-ի Նիդերլանդների համայնքների ավագանու ընտրություններում (Ալմելո քաղաքապետարան): Սառային՝ հայազգի մեր մասնակցին, մաղթում ենք հաջողություն:
#ՄԵՐ_ՀԱՅԱԶԳԻ_ԹԵԿՆԱԾՈՒՆԵՐԸ Նիդերլանդների համայնքների ավագանու ընտրություններում:
Այս անգամ ներկայացնում ենք Haarlemmermeer-ից Անի Զալինյանին: Նա GroenLinks-ի 5-րդ ցուցակի 3-րդ համարն է և մասնակցելու է 2022թ մարտի 16-ի Նիդերլանդների համայնքների ավագանու ընտրություններին : Հաջողություն ենք մաղթում Անի:
ՄԵՐ ՀԱՅԱԶԳԻ ԹԵԿՆԱԾՈՒՆԵՐԸ Նիդերլանդների համայնքների ավագանու ընտրություններում:
Արմեն Մինասյանն է: Տեղական ինքնակառավարման մարմինների 2022 թվականի մարտի 16-ի ընտրություններին մասնակցում է Ռոտերդամում «Հանուն կենդանիների» կուսակցության անունից: Իր գեղեցիկ քաղաքն ուզում է տեսնել կոկիկ ու կանաչ, իսկ կենդանիներին պաշտպանված ու խնամված: Partij voor de Dieren-ը ընտրություններին մասնակցում է 9-րդ համարի ցուցակով, որի 14-րդ համարը Արմենն է: Հարգելի Ռոտերդամում ապրող հայեր եղեք ակտիվ ու ձայն տվեք արժանի թեկնածուին:
Քրիստինա Վիրաբյանն իր սեփական պատկերացումներն ունի համայնքային կյանքը արժևորելու ու վերափոխելու համար: Քրիստինան ծնվել է Երևանում, 1994 թվականից բնակվում է Նիդերլանդներում։ Նա ինչպես սիրում է իր ծննդավայրը՝ այնպես էլ հոգեհարազատ է իր հայրենի քաղաքը Veluwe-ն, որի բարգավաճման համար էլ Քրիստինա Վիրաբյանը ցանկանում է իր ուժն ու եռանդը ներդնել :
Ներկայացնում ենք Ալմելո քաղաքից ավագանու ընտրությունների ևս 3 մասնակիցների, որոնց լուսանկարները չնայած մեր ջանքերին ձեռք բերել չհաջողվեց.
#Almelo
Naam: Gayana Helder-Vardanian
Partij: Volkspartij voor Vrijheid en Democratie (VVD) – Lijst 2
Plaats op de lijst: 13
Kandidatenlijst VVD Almelo
Naam: Hovik Mosesian
Partij: Leefbaar #Almelo – Lijst 11
Plaats op de lijst: 5
Kandidatenlijst Leefbaar Almelo
Naam: Nina Simonian
Partij: ChristenUnie (CU) – Lijst 6
Plaats op de lijst: 26
Kandidatenlijst ChristenUnie Almelo
Եվ այսպես FAON: Federation of Armenian Organisations in The Netherlands հետ համատեղ ջանքերով կարողացանք ներկայացնել Նիդերլանդների համայնքների ավագանու (Gemeenteraad - համայնքային խորհուրդ) ընտրությունների հայազգի թվով 15 մասնակիցների: Համեմատության համար ասենք, որ նախորդ 2018թ. ընտրությունների համեմատ այս անգամ 7 թեկնածու ավելին ունենք (8-ի փոխարեն 15 հոգի): Եթե 2018թ. համայնքային խորհրդում ունեցանք 3 ավագանի, ապա այս անգամ հնարավոր է ավելին ունենալ:
Այսօր և վաղը կարող եք այցելել ընտրատեղամասեր և քվեարկել ձեր թեկնածուին:
No comments:
Post a Comment