Ներկայացնում ենք Նիդերլանդների Թագավորությունում ՀՀ դեսպանության կայքի հրապարակումների օգոստոս-սեպտեմբեր ամիսների կարևոր և համառոտ տեսությունը:
2 օգոստոս
Նիդերլանդների հանրային հեռուստատեսության հեղինակային հոդվածների կայքում հրապարակված խմբագրականում դեսպան Տիգրան Բալայանն անդրադարձել է Ադրբեջանի բռնապետի սադրանքներին ԵՄ ոչ համարժեք գործողություններին, որը Բաքվի կողմից նոր պատերազմ հրահրելու նախադրյալներ է ստեղծում։
Անգործությունն ու բռնապետին հաճոյանալու ԵՄ քաղաքականությունը հանգեցնում է նոր պատերազմի
Արցախի (Լեռնային Ղարաբաղի) դեմ սանձազերծված ադրբեջանաթուրքական 44-օրյա ագրեսիայի ավարտից ի վեր Ադրբեջանը մշտապես խախտում է փաստաթուղթը, որով վերջ դրվեց ռազմական գործողություններին: Ոչ համարժեք գործողությունները և Բաքվում իշխող, աշխարհի ամենակոռումպացված և բռնապետական ռեժիմներից մեկին հաճոյանալու ԵՄ քաղաքականությունը հանգեցնում է նոր ռազմական բախումների՝ խլելով երիտասարդ կյանքեր։
Ինչպես բազմիցս զգուշացրել եմ, Ադրբեջանի բռնապետը, ոգեշնչված իր անպատժելիությունից, շարունակելու է ագրեսիվ գործողությունները և արդեն իսկ կանգնեցրել է տարածաշրջանը նոր պատերազմի եզրին։
Չդատապարտվելով «Human Rights Watch»-ի կողմից փաստագրված ռազմական հանցագործությունների համար՝ Ալիևն այժմ հպարտորեն հայտարարում է, որ Լեռնային Ղարաբաղի հակամարտությունը լուծել է ուժի միջոցով՝ չմտածելով անգամ հետևանքների մասին և համոզված լինելով, որ անձեռնմխելի է ցանկացած տիպի պատժիչ գործողությունից։
Փորձելով մոլորեցնել միջազգային հանրությանը և արդարացնել իր մեղքերը, Ադրբեջանը սկսել է հայելային մեղադրանքներ ներկայացնել, քանի որ դա լավագույն միջոցն է միջազգային հանրության ուշադրությունն իր գործողություններից շեղելու համար: Ավելին, ի պատասխան բոլոր ռազմագերիներին և որպես պատանդ պահվող քաղաքացիներին ազատ արձակելու միջազգային հանրության պահանջներին՝ Բաքուն վերջիններիս դեմ սկսել է իրականացնել կեղծ դատավարություններ՝ հիմնված շինծու մեղադրանքների վրա։ Ի հակադրություն նոյեմբերի 9-ի հայտարարության և միջազգային մարդասիրական իրավունքի համաձայն բոլոր ռազմագերին և որպես պատանդ պահվող անձանց վերադարձնելու իր պարտականությանը՝ Բաքուն առաջ է քաշել ականապատ տարածքների քարտեզների կեղծ օրակարգը։
Այս կեղծ օրակարգն ավելի ընդլայնվեց ԵՄ պաշտոնյաների քաջալերող հայտարարությունների միջոցով, ովքեր «ծափահարում էին ականապատ տարածքների քարտեզների և ռազմագերիների փոխանակումը», այցելում էին Ալիևին Բաքվում՝ պատրաստակամություն հայտնելով սովորականի պես շարունակել համագործակցությունը բռնապետի հետ, որի կոռումպացված դաշնակիցները եվրոպական դատարանների դատապարտվում են Ալիևի տարիներով կաշառվելու համար։
Ոգեշնչված իր անպատժելիությամբ՝ Իլհամ Ալիևն ամրապնդել է տարածքային նկրտումները Հայաստանի նկատմամբ՝ խոստանալով վերադառնալ «իր նախնիների երկիրը»։ Ավելին, այս նկրտումների մասին նա խոսում է Եվրոպական խորհրդի նախագահի կողքին կանգնած և ապա «գովաբանում» վերջինիս «կարգավիճակ» և «Լեռնային Ղարաբաղ» արտահայտությունները չօգտագործելու համար՝ նշելով, որ Հայաստանը պետք է դրանից հետևություններ անի:
Սա ակներև է դարձնում այն հանգամանքը, որ ԵՄ-ի՝ «շարունակել, ասես ոչինչ չի եղել» մոտեցումը, չեզոք դիրքորոշումը և «երկու կողմերին ուղղված կոչերը» ոչ միայն չեն նպաստում կայունության, այլև խրախուսում են Ադրբեջանին ավելի ագրեսիվ լինել ինչպես իր հռետորաբանության, այնպես էլ գործողությունների մեջ: Ալիևը, վստահ լինելով, որ ոչ ոք չի կարող կանգնեցնել իրեն, կարծում է, որ ազատ է անել այն ինչ ցանկանում է և չկա որևէ սահման, որն ինքը պատրաստ չէ հատել։
Խնդիրն այն է, որ ԵՄ-ն և իր անդամ երկրները լուրջ չեն վերաբերվում Ալիևի շարունակական սպառնալիքներին և ռազմատենչ հայտարարություններին, ինչպես ԴԱԻՇ-ից կամ Թալիբանից եկող սպառնալիքների դեպքում էր, կամ երբ մեկ տարի առաջ Հայաստանը նախազգուշացնում էր, որ բռնապետը պատրաստվում է ագրեսիվ պատերազմ սկսել, և, որ տարածաշրջանի անվտանգությունն ու կայունությունը վտանգված են: Եթե այդ ժամանակ ԵՄ-ն ավելի հաստատակամորեն պաշտպաներ իր իսկ սեփական արժեքները, բռնապետն այդքան հանգիստ չէր լինի վերոնշյալ արժեքների՝ նման բացահայտ ոտնահարման հարցում։
Բրյուսելում և այլուր որոշում կայացնողների համար պետք է պարզ լինի, որ ցանկացած այց Բաքու և Ալիևի ռեժիմի հետ հարաբերությունները «սովորականի պես» շարունակելու ցանկացած խոստում ծառայում է որպես իրավիճակի վատթարացման, սադրիչ և ագրեսիվ գործողությունների իրականացման խթան: Այս առումով, դեսպանների դատապարտելի քարոզչական ուղևորությունը դեպի էթնիկ զտումների ենթարկված Շուշի՝ առանձնահատուկ պատասխանատվություն է պարունակում։
Մինչդեռ, ի տարբերություն ԵՄ-ի «երկկողմանիության» և «չեզոքության» քաղաքականության, Ադրբեջանը ոչ միայն Եվրոպայի կոչերին և ակնկալիքներին հակառակ գործողություններ է անում, այլև միանում է թուրքական սադրանքներին Կիպրոսում՝ բարձրաստիճան պատվիրակություն ուղարկելով օկուպացված հյուսիսային հատված և խոստանալով ճանաչել այն՝ այդպիսով անտեսելով ԵՄ-ին և վերջինիս արժեքներն ու քաղաքականությունը:
Հատկանշական է նաև, որ Ալիևը փորձում է խոչընդոտել Հայաստանի և Ադրբեջանի սահմանին իրավիճակը վերահսկելու նպատակով անկախ դիտորդական առաքելության տեղակայումն այնպես, ինչպես արգելափակել էր այդ գործընթացը 2016 թվականին։ Այս ամենը շատ ակնհայտ բացատրություն ունի․ դիտորդներ պետք չեն այն կողմին, որը պատրաստվում է նոր պատերազմի։ Նոր ռազմական գործողությունները հրահրվում, սրվում և կազմակերպում են նրա կողմից։
Եվրոպացիները պետք է լուրջ վերաբերվեն տարածաշրջանում առկա ծայրահեղ վտանգավոր իրավիճակին և գործեն դրան համահունչ: Նրանք պետք է միասնական լինեն այն արժեքների պաշտպանության հարցում, որոնց հավատում են, ինչը պահանջում է ագրեսիվ գործողությունների նվազեցմանն ուղղված հստակ քայլեր։ ԵՄ պատժամիջոցները՝ համաձայն Ներկայացուցիչների պալատի բանաձևերի, միակ միջոցն են Ադրբեջանի ղեկավարին ստիպելու, որպեսզի վերջինս հարգի միջազգային իրավունքը։
Ցավոք, մենք հետ չենք բերի Ալիևի ռեժիմի կողմից սպանված տղամարդկանց և տղաներին, կանանց և երեխաներին, բայց կարող ենք այնպես անել, որ Իլհամ Ալիևն ու նրա շրջապատը և մարդու իրավունքները նման ձևով ոտնահարողներն արդարադատության առջև կանգնեն:
Tigran Balayan: De passiviteit van de EU tegenover de Azerbeidzjaanse dictator leidt tot een nieuwe oorlog
2 օգոստոս
Հայաստանի խաղողագործության ավանդույթների մասին հետաքրքիր դիտարկում.
"Part of what makes Armenian wine so unique is Armenia’s “terroir,” the combination of climate, soil and elevation, which give Armenia’s unique indigenous grape varieties a flavor and aroma profile that is pleasant, top notch and reminiscent of other fine wines from around the world."
Reviving Armenia’s Viticulture Heritage
The revival of Armenia’s viticulture heritage and indigenous grape varieties is an investment that has already begun to pay dividends. The past ten years are considered the renaissance of winemaking in Armenia. It is a return to 6,100 years of history.
EVNREPORT.COM
6 օգոստոս
Առաջին ալիքի (Հ1) հարցազրույցը Նիդերլանդների դեսպանի հետ
Watch the interview of Dutch Ambassador to Armenia Nico Schermers to Առաջին ալիք on his first year in the host country, his feeling in Yerevan, history and prospects of centuries old bilateral relations.
Embassy of the Netherlands in Armenia
9 օգոստոս
Tigran Balayan, ambassadeur Armenië: ‘Het is tijd om een kant te kiezen’
Նիդերլանդական հեղինակավոր The Post Online կայքը հրապարակել է դեսպան Տիգրան Բալայանի «Կողմնորոշվելու ժամանակն է» խորագով խմբագրական հոդվածը
Կողմնորոշվելու ժամանակն է
«Մենք չենք ցանկանում ինչ-որ մեկի կողմն անցնել»․ շատ եմ լսում այս արձագանքը, երբ եվրոպացի գործընկերներիս հետ զրուցում ենք Կովկասում խաղաղության և Ադրբեջանի բռնապետի ագրեսիվ և անհանդուրժելի գործողությունների կանգնեցմանն ուղղված Նիդերլանդների Ներկայացուցիչների պալատի բանաձևերի իրականացման հարցում հավելյալ գործողությունների անհրաժեշտության մասին։
Թեև զրուցակիցներս ընդհանուր առմամբ համաձայնում են և հազվադեպ են վիճարկում փաստարկներս, նրանք պնդում են, որ կարևոր է աջակցել Լեռնային Ղարաբաղի հակամարտությանը տևական լուծում գտնելուն ուղղված ԵԱՀԿ Մինսկի խմբի ջանքերին՝ միաժամանակ աչք փակելով այն փաստի վրա, որ խուսափելով ինչ-որ մեկի կողմն անցնել, նրանք խոչընդոտում են Մինսկի խմբի համանախագահության ջանքերի արդյունավետությանը, ինչն ամենօրյա պարբերականությամբ խաթարվում է Ադրբեջանում իշխող ռեժիմի կողմից։
Զրույցների ընթացքում զգում ու հասկանում եմ, թե որքան հոգնած են զրուցակիցներս Հարավային Կովկասում տեղի ունեցող խառնաշփոթից և նոր բռնությունների մասին անընդհատ նախազգուշացումներից: Ես միայն չեմ կարող հասկանալ այն, որ մարդու հիմնարար իրավունքներին առնչվող հարցերը Հարավային Կովկասում պակաս ուշադության է դարձվում, քան այլուր:
Ի վերջո, եթե մի կողմ դնենք նախորդ տարվա ադրբեջանաթուրքական ագրեսիայի հետևանքները, Հայաստանի նկատմամբ Ալիևի տարածքային պահանջները և մշտական սադրանքներն ու պարզապես կենտրոնանանք Ալիևի ռեժիմի կողմից բուն Ադրբեջանում իրականացվող գործողությունների վրա, ցանկացած դիտորդ կարող է եզրակացնել, որ Իլհամ Ալիևն իր «կոռուպցիան արտահանելու», եվրոպացի քաղաքական գործիչներին կաշառելու, ինչպես նաև արտերկրում իր ընդդիմադիրներին հետապնդելու և սպանելու (վերջերս Ստամբուլում և Թբիլիսիում անհայտ հանգամանքներում մահացել են երկու հայտնի ընդդիմադիր բլոգերներ) մարտավարությունը նորություն չէ Արևմուտքի համար: Նա «գողացել է» բազմաթիվ ընտրություններ (2013թ. ընտրությունների արդյունքները հրապարակվել են քվեարկությունից մեկ օր առաջ), դաժանաբար ճնշել ընդդիմությանը և տարիներ շարունակ արհամարհել միջազգային կանոններն ու նորմերը: Եվրոպան աչք է փակել այդ ամենի վրա՝ փորձելով հանգստացնել, խնդրել, բանակցել և ձեռք մեկնել, սակայն ապարդյուն:
Ալիևների ընտանիքի՝ տասնամյակներ ձգվող բռնապետական կառավարման ընթացքում հազարավոր անմեղ ադրբեջանցի քաղաքացիներ են ձերբակալվել, խոշտանգվել և սպանվել` ընտրությունների կեղծման և երկրի ածխաջրածնային հարստությունը թալանելու և ահագնացող կոռուպցիայի դեմ իրենց բողոքն արտահայտելու համար:
Այս տողերը գրելիս, որոնք կարող են դիտարկվել չափազանց ոչ դիվանագիտական կամ էլ հուսահատության ճիչ, ես դեռ շարունակում եմ հավատալ արդարությանը և համոզված եմ, որ առկա սպառնալիքների լրջության թերագնահատումը միայն կվատթարացնի իրավիճակը: Եվ հիմա ինքս ինձ հարց եմ տալիս, թե որն է հիմնավորումը չկանգնելու՝
- միլիոնավոր հայերի և ադրբեջանցիների կողքին, ովքեր չեն ցանկանում պատերազմել միմյանց դեմ և ցանկանում են ապրել խաղաղության և ներդաշնակության մեջ,
- Ադրբեջանական զնդաններում տանջվող հազարավոր քաղբանտարկյալների, ճնշված կամ դաժանաբար սպանված լրագրողների, ընդդիմության ներկայացուցիչների, քաղաքացիական հասարակության ակտիվիստների, իրավապաշտպանների և բլոգերների կողքին;
- ադրբեջանական կալանավայրերում ապօրինաբար պահվող և խոշտանգումների ենթարկվող հարյուրավոր հայ զինծառայողների և քաղաքացիական անձանց, ինչպես նաև ադրբեջանական ռազմական ագրեսիայի հետևանքով տասնյակ հազարավոր զոհերի կողքին,
- տարածաշրջանում ապրող բնիկ ժողովրդի կողքին, որի դարավոր մշակութային հուշարձանները ոչնչացվում, պղծվում կամ փոփոխությունների են ենթարկվում՝ ՅՈՒՆԵՍԿՕ-ի անդամ երկրի կողմից։
Ալիևը դարձել է պատերազմ ու հակամարտություն խթանող, քաոս ու անկայունություն արտահանող: Ալիևի ռեժիմի ագրեսիվ պահվածքը դուրս է գալիս Հարավային Կովկասի սահմաններից՝ ազդելով հարևան երկրների վրա և սպառնալիք ներկայացնելով ողջ տարածաշրջանի համար:
Կողմնորոշվելու հարցում Եվրոպայի դժկամությունը քայքայում է եվրոպական արժեքների նկատմամբ հավատն ու հաշտության հույսերը, որոնք փայփայում են միլիոնավոր հայեր և ադրբեջանցիներ:
Ցանկանում եմ եզրափակել այս տողերը Էլի Վիզելի խոսքերով, ով հիանալի կերպով ձևակերպել է. «Մենք միշտ պետք է կողմեր ընտրենք: Չեզոքությունն օգնում է ճնշողին և ոչ երբեք զոհին: Լռությունը քաջալերում է տանջողին և ոչ երբեք տանջվողին: Երբ մարդկային կյանքերը վտանգված են, երբ մարդկային արժանապատվությունը վտանգված է, ազգային սահմաններն ու զգայունությունը դառնում են անկարևոր»:
15 օգոստոս
Օգոստոսի 15-ին դեսպան Տիգրան Բալայանն Ամստերդամի «deBALIE» կենտրոնում մասնակցեց «Եզդիների շարունակական ցեղասպանությունը» խորագրով հանդիպմանը, որին մասնակցում էին Նիդերլանդների խորհրդարանի անդամներ, լրագրողներ, մարդու իրավունքների պաշտպանության առաջամարտիկներ և այլք:
Իր ելույթում դեսպանն ընդգծեց, որ պատիվ ունի ներկայացնելու նաև Հայաստանի Եզդիական համայնքը և փոխանցելու ՀՀ Ազգային ժողովի եզդի պատգամավորի ուղերձը:
Տիգրան Բալայանն ընդգծեց, որ Հայաստանը լինելով առաջին երկիրը, որ ճանաչել է Եզդիների ցեղասպանությունը կանգնած է մեր եզդի քույրերի և եղբայրների կողքին: Դեսպանն ընդգծեց, որ ցեղասպանությունների կանխարգելման օրակարգը կենտրոնական նշանակություն ունի Հայաստանի համար և կարևորեց եզդի ժողովրդին նոր տառապանքներից փրկելուն ուղղված քայլերի անհապաղ ձեռնարկման անհրաժեշտությունը:
On 15 August Ambassador Tigran Balayan attended the meeting entitled “The ongoing genocide on the Yazidis” in the “deBalie”Amsterdam.
The meeting was attended by the Members of Parliament of the Netherlands, journalists, human rights activists and others. In his remarks the Ambassador noted that he has an honor to also represent the Yazidi community of Armenia and to convey the message from the Yazidi Member of Armenian Parliament.
Tigran Balayan noted that Armenia, being the first country to recognize the Yazidi Genocide, stands in solidarity with our Yazidi sisters and brothers. The Ambassador underlined the central role of the Genocide prevention agenda for Armenia and emphasized the need for taking urgent actions to save the Yazidi people from new sufferings.
23 օգոստոս
Caucasus Heritage Watch-ը պարզել է ավելի քան տասնյակ հայկական եկեղեցիներ, գերեզմանոցներ, սրբազան խաչքարեր եւ այլ մշակութային արժեքներ, որոնք ոչնչացվել, կամ վնասվել են Ադրբեջանի կողմից.
Caucasus Heritage Watch has identified over a dozen Armenian churches, cemeteries, sacred cross-stones, and other cultural properties that have been destroyed, damaged, or threatened by Azerbaijan.
27 օգոստոս
Armenian Picsart Studio has become officially 1st one-billion-company engaging 130 million dollars investments.
27 օգոստոս
Հաջողություն ենք մաղթում 🇦🇲 ծովափնյա կորֆբոլի ազգային հավաքականի մեր մարզիկներին վաղը Հաագայի 🇳🇱 ծովափնյա մարզադաշտում (Սխեֆենինգեն ) կայանալիք կորֆբոլի միջազգային մրցաշարում։
Նիդերլանդահայությանը հրավիրում ենք առավոտյան ժամը 10-ին ներկա գտնվել մարզադաշտում՝ մեր թիմին աջակցելու և վայելելու հաճելի սպորտային միջավայրը։
On Saturday 28 August, Beach Korfball National Team of 🇦🇲 will participate in an International Korfball Turnoment at The Hague 🇳🇱 Beach Stadium in Scheveningen (The Hague).
Let's gather together tomorrow at 10am and support our athlets meanwhile enjoying the atmosphere of sport at the seaside.
Korfball Armenia
1 սեպտեմբեր
Այսօր դեսպան Տիգրան Բալայանը հյուրընկալեց Լյովա Խաչատրյանին, ով Նիդերլանդները մանկական Եվրատեսիլին ներկայացնելու նպատակով մասնակցում է նախընտրական մրցույթին՝ հասնելով եզրափակիչ փուլ:
Դեսպան Տիգրան Բալայանն իր աջակցությունը հայտնեց և հաջողություն մաղթեց տղային և իր խմբի անդամներին: Եզրափակիչ փուլին Լյովան «SHiNE» խմբի կազմում կներկայացնի «A million little things» երգը, որը կհեռարձակվի սեպտեմբերի 25-ին՝ ժամը 19:25-ին, NPO Zapp հեռուստաալիքով:
Նիդերլանդահայությանը հրավիրում ենք աջակցելու Լյովային
Today, Ambassador Tigran Balayan hosted Lyova Khachatryan, who in order to represent the Netherlands in the Junior Eurovision is participating in the qualifying competition and reached the final.
Ambassador Tigran Balayan expressed his support and wished good luck to the boy and the members of his group. In the final round, Lyova will perform the song "A million little things" as part of the "SHiNE" band, which will be broadcasted on September 25 at 19:25 on NPO Zapp TV channel.
We invite the Armenians of the Netherlands to support Lyova
3 սեպտեմբեր
Սեպտեմբերի 3-ին պաշտպանության նախարար Արշակ Կարապետյանն ընդունել է ՀՀ-ում Նիդերլանդների Թագավորության արտակարգ և լիազոր դեսպան Նիկո Սխերմերսին:
11 սեպտեմբեր
ԱԳ նախարարի հանդիպումը ՀՀ-ում Նիդեռլանդների դեսպանի հետ
Սեպտեմբերի 11-ին ՀՀ ԱԳ նախարար Արարատ Միրզոյանն ընդունել է Հայաստանում Նիդեռլանդների դեսպան Նիկոլաս Սխերմերսին։
17 սեպտեմբեր
Հայաստանի Հանրապետությունը գանգատ է ներկայացրել ՄԱԿ-ի Արդարադատության միջազգային դատարան ընդդեմ Ադրբեջանի՝ Խտրականության բոլոր ձևերի վերացման միջազգային կոնվենցիայի խախտման հիմքով:
Միաժամանակ Հայաստանը խնդրել է դատարանին կիրառել մի շարք հրատապ միջոցներ՝ այդ թվում ռազմավարի պուրակի փակումը և ռազմագերիներին ու պահվող քաղաքացիական անձանց վերադարձը:
ՄԻԵԴ-ում ՀՀ ներկայացուցիչ/Representative of Armenia before the ECHR
21 սեպտեմբեր
Շնորհավորում ենք Նիդերլանդներում և Լյուքսեմբուրգում բնակվող մեր բոլոր հայրենակիցներին Հայաստանի անկախության 30-ամյակի կապակցությամբ։
Շնորհակալ ենք Հայրենիքի զարգացմանը ձեր նվիրումի և հավատարմության համար։
21 սեպտեմբեր
Նիդերլանդների մի շարք քաղաքներում Հայաստանի անկախության առիթով եռագույն դրոշ են ծածանել շենքերին, կամ էլ դրանք դրոշի գույնի լույսերով զարդարել
Armeense kleuren op Asser watertoren lichtpunt in donkere periode
Het liefst had Stichting Armenia uit Assen dit jaar uitgebreid stilgestaan bij het feit dat Armenië dertig jaar geleden officieel onafhankelijk werd verklaard, maar de recente oorlog met Azerbeidzjan heeft daar volgens de stichting een flinke schaduw over geworpen. Daar past volgens hen geen...
WWW.RTVDRENTHE.NL
22 սեպտեմբեր
ՀՀ անկախության 30-ամյակի կապակցությամբ նիդերլանդացի գործարարներին ներկայացվեցին Հայաստանի ներդրումային միջավայրը և տնտեսական ներուժը
Սեպտեմբերի 21-ին դեսպանության և Էյնդհովենում ՀՀ պատվավոր հյուպատոս Վիլլի ֆան դե Կերկհոֆի նախաձեռնությամբ Նիդերլանդների ՏՏ կենտրոն համարվող Ֆելդհոֆեն քաղաքում տեղի ունեցավ ՀՀ անկախության 30-ամյակին նվիրված հայաստանյան ներդրումային միջավայրի վերաբերյալ շնորհանդես, որն առցանց եղանակով իրականացրեց Էնթերփրայզ Արմենիան։
Միջոցառմանը բացման խոսքով հանդես եկան դեսպան Տիգրան Բալայանը և պատվավոր Հյուպատոս Վիլլի ֆան դե Կերկհոֆը։
Տ. Բալայանը ներկաներին պատմեց անկախությունից ի վեր Հայաստանի երեսնամյա անցած ճանապարհի, ունեցած դժվարությունների, պետական կառավարման ոլորտում և տնտեսությունում իրականացվող ընթացիկ բարեփոխումների, հայ-նիդերլանդական դարավոր կապերի, ներկայիս փոխգործակցության և հեռանկարների մասին։
Այնուտեհև Էնթերփրայզ Արմենիայի գործընկերները տեսակապի միջոցով հյուրերին ներկայացրեցին Հայաստանի ընդհանուր ներդրումային միջավայրը, օրենսդրական դաշտը, Հայաստանի և Նիդերլանդների միջև երկկողմ տնտեսական հարաբերությունների ներկա մակարդակը, ՀՀ տարածքով ավելի մեծ շուկաներ մուտք գործելու հնարավորությունները։
Առցանց շնորհանդեսի ավարտին ներկաներին բաժանվեցին նաև Հայաստանում տնտեսական գործունեության և ներդրումային հնարավորությունների վերաբերյալ տեղեկատվական նյութեր։
Ներկայացումից հետո տեղի ունեցավ ընդունելություն։
Միջոցառմանը ներկա էին Նիդերլանդների մեքենաշինական, բժշկական սարքավորումների արտադրության, տեղեկատվական տեխնոլոգիաների և գյուղատնտեսության ոլորտի առաջատար ընկերությունների ղեկավարներ և ներկայացուցիչներ, խորհրդարանի ներկա և նախկին պատգամավորներ, տեղական իշխանությունների ներկայացուցիչներ, գործարարներ, սպորտի ասպարեզում անվանի անձինք։
On the occasion of the 30th Anniversary of Armenia’s Independence investment climate and economic potential of Armenia were presented to the Dutch businessmen
On 21st of September, 2021 on the occasion of the 30th Anniversary of Armenia’s Independence an online presentation on the investment climate of Armenia was held by the Enterprise Armenia in Veldhoven city, which is considered the IT center of the Netherlands.
The event was organized by a joint initiative of the Embassy and the Honorary Consul of Armenia in Eindhoven Willy van de Kerkhof.
Ambassador Tigran Balayan and Honorary Consul Willy van de Kerkhof opened the event.
In his welcome remarks Ambassador Balayan briefed the attendees about the path Armenia has passed through since its independence, the encountered hardships, ongoing reforms in governance and economy. T. Balayan also referred to the centuries-old Dutch-Armenian bonds, current state of bilateral collaboration and its prospects.
Afterwards the colleagues from Enterprise Armenia virtually presented a general overview on the investment environment in Armenia, its legislation, current level of the Armenian-Dutch economic relations and the possibilities Armenia can offer to enable foreign investors’ entrance into bigger markets.
At the end of the presentation the participants received informative booklets on economic activities and investment possibilities of Armenia.The presentation was followed by a reception.
CEOs and representatives of Dutch leading companies for car production, medical equipments, IT and agricultural, as well as present and ex members of the Dutch Parliament, representatives of local authorities, businessmen, dignities from the sphere of sport were present at the event.
Opening Remarks of Ambassador Tigran Balayan
on the Occasion of the 30th Anniversary of Armenia’s Independence
Meneer Burgemeester,
Meneer Honorair Consul van de Kerkhof,
Geachte vrienden,
Distinguished guests,
Dames en heren,
It is my utmost pleasure to welcome you here on this special occasion. 30 years ago, Armenians, united in their dream, voted for independence and embarked on the state-building process. Those 30 years were marked not only with many achievements and milestones, but also with defeats, challenges and struggles. Hence, on this day, I would like to pay tribute to those who sacrificed their lives to defend our Motherland.
Today, as we enter the next decade of our re-established statehood, we have a clear vision and forward-looking aspirations of having a strong democratic state with vigorous market economy, serving as a bridge between different civilisations.
Geachte vrienden,
Marking this day in the Netherlands has a unique symbolism, given the rich history of Armenian-Duch relations throughout history and the strong partnership we enjoy today.
The first indications of Armenian-Dutch contacts date back to the 4th century, when the Armenian clergyman Saint Servatius was established in Maastricht and became the first bishop of the Netherlands. The Armenian-Dutch relations were especially active during the 13th century, when on the way to the East, Dutch merchants visited Cilician Armenia and established business contacts with the local Armenian merchants. In the 16th century Armenian merchants were travelling to Amsterdam, where they established trading houses, engaged in the sale of paints, spices, carpets, precious stones, silk. It is remarkable that the trade monopoly of silk belonged to the Armenians until 1765. In this period, the city of Amsterdam became the center of their activities. The local Armenians even had established a market (known as the "Eastern Market") in the Netherlands.
Based on this rich legacy, since independence, the relationship between Armenia and the Netherlands has been built upon shared values and strong people-to-people ties, not only in the bilateral framework, but also in the context of the cooperation with the European Union. The Comprehensive and Enhanced Partnership Agreement, which entered into force last year, gives additional impetus to our already strong relations and opens up new opportunities for Dutch investors to come to Armenia.
The promotion of investment is one of the key priorities of Armenian economic policy. The Government of Armenia embarked on comprehensive reforms to provide incentives to foreign investors, creating a favorable investment and business environment, increasing the transparency of the regulatory framework, and ensuring sustainable economic growth in Armenia. The “open door” investment policy makes Armenia one of the most open investment regimes among emerging market countries.
Today, as we gathered here to discuss the business opportunities in Armenia, I am confident that the presentations of my colleagues on investment possibilities in Armenia will give you a better understanding of the business environment in such sectors as Smart agriculture, High tech (IT), Tourism, Winemaking, etc and will guide you to explore the vast opportunities of our country.
With this, I would like to thank you for being with us today and wish you a true Dutch gezellig!
23 սեպտեմբեր
Made in Kurtan -ը Հայաստանում աշխատատեղերի ստեղծմանն ուղղված Նիդերլանդներից բարեգործական ծրագրի գերազանց օրինակ է։
Շնորհակալություն Mensenkinderen-ին և Little Star Charitable Fund / Աստղիկ բարեգործական հիմնադրամ նախաձեռնության ու այն իրականացնելու համար։
27 սեպտեմբեր
A year after the start of the Azerbaijan|i-Turkish aggression against Artsakh, we present you the collection of op-eds, interviews and and statements by Ambassador Balayan in the Dutch and Luxembourg's Media.
Արցախի դեմ ադրբեջանա-թուրքական ագրեսիայի մեկնարկից մեկ տարի անց. Դեսպան Բալայանի կողմից հոլանդական եւ Լյուքսեմբուրգյան լրատվամիջոցներում զետեղած հոդվածների շարքը
No comments:
Post a Comment