Կարո ՓԱՅԼԱՆ. Թուրքիայի իշխանությունը բացայայտ պատերազմի քարոզչություն է իրականացնում

 2 հոկտեմբեր 2020/Նիդ.օրագիր

ԿԱՐՈ ՓԱՅԼԱՆ

Ըստ ՄԱԿ-ի քաղաքացիական ու քաղաքական իրաւունքի համաձայնագրի 20-րդ հոդվածի, որ ստորագրել է նաեւ Թուրքիան, սահմանադրության 90/4 հոդվածի համաձայն գերադաս է ներքին իրավունքին, «պատերազմի որեւէ քարոզչութիւն արգիլուած է օրէնքով»։ Իշխանութեան ներկայացուցիչները հանցանք են գործում՝ իրականացնելով պատերազմի քարոզչութիւն։

-----------------

Ատրպէյճանի ու Հայաստանի միջեւ Լեռնային Ղարաբաղի խնդրի պատճառով շարունակուող լարուածութիւնը, դժբախտաբար, վերջին օրերուն կ՚ընթանայ դէպի պատերազմ։

Հակառակ ողջ աշխարհի հակամարտութեան դադարեցման ու հրադադարի կոչերուն, ԱՔՓ-ՄՀՓ դաշինքը բացայայտօրէն ռազմատենչ պահուածք մը որդեգրած է՝ մեր երկրի հարեւանները հանդիսացող Ատրպէյճանի ու Հայաստանի միջեւ առկայ լարուածութեան դիմաց։

Իշխանութիւնը բացայայտօրէն պատերազմի քարոզչութիւն կ՚իրականացնէ՝ իր ռազմատենչ ընթացքով, Հայաստանի պետութեան դէմ բացայայտ թշնամական յայտարարութիւններով եւ նեցուկ ըլլալով պատերազմին՝ փոխանակ հրադադարի ու բանակցութեան կոչ ուղղելու երկու երկիրներուն։

Ըստ ՄԱԿ-ի քաղաքացիական ու քաղաքական իրաւունքի համաձայնագրի 20-րդ յօդուածին, զոր ստորագրած է նաեւ Թուրքիա, եւ որ Սահմանադրութեան 90/4 յօդուածին համաձայն գերադաս է ներքին իրաւունքէն, «պատերազմի որեւէ քարոզչութիւն արգիլուած է օրէնքով»։ Իշխանութեան ներկայացուցիչները յանցանք կը գործեն՝ իրականացնելով պատերազմի քարոզչութիւն։

ՀՏՓ ու իր ներկայացուցիչները մշտապէս խաղաղութիւնն է որ պաշտպանած են։ Իմ ընկերներս ու ես, կեանքի ու քաղաքականութեան բոլոր ոլորտներէն ներս, թէ՛ ներքին, թէ՛ արտաքին քաղաքականութեան մէջ, ընդդիմանալով պատերազմին, տեւապէս պաշտպանեցինք խաղաղութիւնը եւ պիտի շարունակենք պաշտպանել։

Այն բոլոր հարցերուն մէջ, ուր իշխանութիւնները կողմ էին հակամարտութեան, բռնութեան եւ ռազմի քաղաքականութեան, ինչպէս Էգէականի հարցը, Քրտական հարցը, Ղարաբաղեան հարցը, միշտ կողմ եղայ խաղաղ լուծման։ Հակամարտութեան առաջին պահէն իսկ, ջանք թափեցի փոխելու Թուրքիոյ դիրքը այս պատերազմին դիմաց, որու հետեւանքով հայ ու ատրպէյճանական ժողովուրդները պիտի ունենան մեծ կորուստներ։ Կատարած յայտարարութիւններուս մէջ կողմ եղայ միմիայն խաղաղութեան։

Այսօր ես ու իմ կուսակցութիւնը ԱՍԱՄ (Եւրասիական ռազմավարական հետազօրութիւններու կեդրոն) ստորագրութեամբ հրապարակուած ծանուցումով մը որպէս թիրախ ցոյց տրուեցանք, որովհետեւ խաղաղութիւն կ՚ուզէինք։ Ատելութեան խօսքով լեցուն ԱՍԱՄ-ի յայտարարութիւնը կատարողներու մասին դիմած եմ դատական գործընթացի։

Իշխանութիւնը ռազմական քաղաքականութեամբ մեր երկիրն ու ողջ տարածաշրջանը դէպի խաւար կ՚առաջորդէ։ Անոնք, որոնք պատերազմի փողեր կը հնչեցնեն, կը փորձեն լռեցնել խաղաղութեան ձայն բարձրացնել փորձողները։ Ինչ որ ալ ընեն՝ ես ու ընկերներս պիտի շարունակենք «խաղաղութիւն» գոչել։

Որովհետեւ ՊԱՏԵՐԱԶՄԸ ՉՈՒՆԻ ՅԱՂԹՈՂ, ԻՍԿ ԽԱՂԱՂՈՒԹԻՒՆԸ՝ ՊԱՐՏԵԱԼ։

Կը տեսնեմ, որ կարգ մը շրջանակներ շարժման անցած են զիս լռեցնելու համար։ Շատ լաւ գիտեմ, թէ ինչ կը նշանակէ այս յայտարարութիւնը։ Հակառակ այս իրողութեան, պիտի չնահանջեմ պատասխանատուութիւն ստանձնելէ՝ պատերազմները կանխելու համար։ Անձիս դէմ հաւանական բոլոր յարձակումներուն պատասխանատուն, իշխանութիւններուն չափ, ԱՍԱՄ եւ նման կազմակերպութիւններն են, որոնք անցեալին պատահած ատելութեան յարձակումներուն ալ պատասխանատուներն էին։

Կոչ կ՚ընեմ բոլոր այն անձերուն ու կազմակերպութիւններուն, որոնք կը հաւատան խաղաղութեան, որպէսզի խաղաղութիւնը պաշտպանելու համար բարձրացնեն իրենց ձայնը՝ ընդդէմ պատերազմի։

Կարօ ՓԱՅԼԱՆ

ՀՏՓ-ի փոխհամանախագահ

------------------------

ԱՅՑԵԼԵ ՛Ք

«Հայաստան համահայկական հիմնադրամ»՝ https://www.himnadram.org/en

Նիդերլանդների տարածքային կառույց՝ https://www.armeniefonds.nl/

«Զինծառայողների ապահովագրության» հիմնադրամ՝ https://www.1000plus.am/hy/donation-types/