Այս ճակատագրական պահին հայ հասարակությանը անհրաժեշտ է համախմբում

31.10.2020/Ալեքսանդր Բոժկո/Նիդ.օրագիր

Հայաստանում ՈՒկրաինայի նախկին դեսպան

Սիրելի հայ բարեկամներ, բոլորիդ պես ես նույնպես տագնապով ու ցավով հետևում եմ ադրբեջանական զավթիչի սանձազերծած պատերազմի բոլոր զարգացումներին: Ես հիանում եմ հայ ժողովրդի քաջությամբ, լավատեսությամբ ու թշնամու դեմ հաղթանակի հավատով, իսկ հայ ռազմիկների մարտունակությունը, քաջարիությունն ու տոկունությունն ուղղակի հիացնում  են ինձ: Անչափ ցավում եմ ու, ճիշտն ասած, ամաչում, որ իմ հայրենիք Ուկրաինայում շատերը խեղաթյուրված, ճշմարտությունից հեռու գնահատականներ են տալիս Արցախի գոյամարտին ու հերոսամարտին, առանց հաշվի առնելու, թե ինչ ահռելի վտանգ է կախված Արցախի հայության, խոշոր հաշվով նաև հայ ժողովրդի գլխին: Ցավում եմ, որ պատերազմի այդ վայ-փորձագետները, որոշ կանխակալ լրագրողներ և ադրբեջանական քարոզչությամբ խեղաթյուրված մարդիկ չեն ուզում հասկանալ, թե ինչ ահավոր փորձանքի մեջ կընկնի հայ ժողովուրդը, եթե, Աստված հեռու տանի, ագրեսորին մի հրաշքով հաջողվի իրականացնել իր սարսափելի ծրագրերը, այսինքն հաշվեհարդարը Արցախի հայության նկատմամբ: Սակայն, իմ սիրելի հայ ժողովուրդ, քեզ նման, ես նույնպես լի եմ հավատով ու ոչ մի վայրկյան չեմ կասկածում, որ դու կկարողանաս քո ամբողջ կամքը, ուժն ու զորությունը, իմաստությունն ու հայի անուրանալի տաղանդը ի մի բերել և կուռ բռունցք դարձած, այս անգամ ևս հաղթանակող դուրս գալ այս պատերազմից, ինչպես դա եղավ երկու և կես տասնամյակ առաջ: Բայց  հիմա ինձ անչափ խռովում են հայ հասարակության մեջ վերջին օրերս երևան եկած խմորումները, որոշ քաղաքական գործիչների և քաղաքագետների, անհավասարակշիռ, կասեի նույնիսկ, չմտածված և ապակողմնորոշող ելույթները, որ ժամանակ առ ժամանակ հնչում են Հայաստանի լրատվական միջոցներում: Ինձ թվում է, որ նման քաղաքական գործիչները առաջնորդվում են ոչ թե Հայաստան պետության, ոչ թե հայ ժողովրդի շահերով, այլ, անտարակույս, իրենց նեղ քաղաքական նպատակներն են հետապնդում: Հասկանալի է, որ կյանքում ոչ ոք զերծ չէ սխալներից, մանավանդ կենդանի ուժով և զենքով գերակշիռ բանակ ունեցող թշնամու դեմ պատերազմելիս: Բայց չի կարելի ժամանակավոր դժվարությունները շահագործել և հայ հասարակության մեջ  անվստահություն և կասկած սերմանել: Այս ճակատագրական պահին հայ հասարակությանը անհրաժեշտ է համախմբում, ազգային համաձայնությունը և ընդհանուր շահը անձնականից վեր դասելու պատրաստակամություն: Չէ՞ որ, ինչպես պատմությունն է վկայում, ամեն ինչ չէ, որ որոշվում է զենքի ուժով, և շատ բան հենց կախված է ագրեսորի դեմ պայքարող, իրենց հայրենիքը պաշտպանող ժողովրդի համախմբվածությունից, միասնությունից, որը բանակի մարտունակության և մարտական բարձր ոգու առկայության գրավականն է: Այդ պատճառով ես դիմում և ապավինում եմ հային միշտ հատուկ ձեր ողջախոհությանը, որի շնորհիվ և պատմության թոհուբոհերում հայ ազգը կարողացել է գոյատևել հազարամյակներ: Ուստի հաստատեցեք, որ հայոց ազգի հիշողության մեջ դեռևս վառ են Սարդարապատի ուսանելի դասերը: Չէ՞ որ այսօրվա պատերազմը դա այն նույն Սարդարապատի հերոսամարտն է, երբ  հայ ժողովուրդը կարողացավ համախմբվել, հաղթել  թուրք զավթիչներին և պետականություն ստեղծել :

Ես հավատում եմ Ձեզ և Ձեր   հաղթանակին, իմ քաջ հայ եղբայրներ և քույրեր:

Դե, Աստված Ձեզ հետ

https://www.facebook.com/NidOragir/posts/3565643233500388

Որտեղի՞ց Հայաստանին այդքան զենք պատերազմ վարելու համար

 ԱԼԻԵՎՆ ԻՆՔՆ ԻՐԵՆ ՀԱՐՑ Է ՏԱԼԻՍ ՈՒ ՉԻ ԿԱՐՈՂԱՆՈՒՄ ՊԱՏԱՍԽԱՆԵԼ

Ադրբեջանի նախագահ Իլհամ Ալիևը վերջերս ձեռք է բերել երկարամյա զարմանալու հիվանդության նոր ախտանիշներ: Գերմանական ARD Mediathek & Das Erste հեռուստաալիքը նրան այսպիսի հարց է տվել.

- Երկու օր առաջ ռադիոյով լսեցի, թե ինչպես եք ինքներդ ձեզ հարցնում ՝ որտեղի՞ց Հայաստանին այդքան զենք պատերազմ վարելու համար: ՈՒնե՞ք դրա պատասխանը:

Ալիևն ասել է, որ դրա պատասխանը մեկ ամիս է դեռ չունի: Լրագրողը համառությամբ շարունակել է.

- Ինձ թվում է, որ այս հարցը անընդհատ տվող մարդը, ինչ-որ իմաստով, պետք է ունենա պատասխան:

Ալիևը պնդել է, որ հարցի պատասխանը չունի, եթե ունենար ինքն իրեն այդ հարցը չէր տա «Եթե ​​ես դեռ տալիս եմ այս հարցը, ուրեմն դեռ պատասխան չեմ ստացել» ասել է նա ու ավելացրել` որտեղի՞ց նրանց այդ փողերը: Հայաստանը աղքատ երկիր է: նրա բյուջեն 2 միլիարդ դոլարից էլ պակաս է: նրա արտաքին պարտքը $ 8 մլրդ է:

Հետո լրագրողը փորձել է իմանալ` արդյո՞ք Ռուսաստանը սատարում է Հայաստանին: Ալիևը կարծես զարմացել է հարցից` «Սա ձեր կարծիքն է»: Լրագրողը իրենն է պնդել ասելով, որ այդտեղ գաղտնիք չկա, այդպես պաշտոնապես շատ անգամ են հաղորդել: Ալիևը զարմացած ասել է, որ հնարավոր է, բայց ինքը չգիտի այդ մասին ու դրա համար այդ հարցը իրեն տալիս է «հարցնում եմ, բայց ոչ ոք չի պատասխանում: Այնպես որ, ես անընդհատ հարցնելու եմ» ասել է նա:

Ադրբեջանը կիրառում է ֆոսֆորային զինատեսակներ

📌 The hostile force used phosphorous munitions containing elements of chemical weapons in the Artsakh-Azerbaijani conflict zone, which is a gross violation of International Humanitarian Law, norms, and principles of Customary Law, Geneva Conventions, as well as the provisions of the relevant UN conventions and documents. Apart from the intent to inflict damage on the Armenian forces, the enemy also aims to cause massive forest fires and create real environmental disaster hazards in the area. Prohibition of the above-mentioned actions and the concomitant rights and values rest primarily in the realm of customary law, whereas the use of such weapons, which do not distinguish between military and civilian targets, while causing environmental disasters and possible human losses, constitute war crimes. 📌 Вражеские силы применили в зоне азербайджанско-арцахского конфликта фосфорные боеприпасы, содержащие элементы химического оружия, что является грубейшим нарушением норм и принципов международного гуманитарного права и обычного права, Женевских конвенций, положений и документов соответствующих конвенций ООН, а также помимо нанесения ущерба армянским силам, также преследуют цель разжечь масштабные лесные пожары и создать на данной территории реальную угрозу экологической катастрофы. Запрет на указанные действия и защищаемые в результате этого под защитой права и ценности находятся в плоскости, в первую очередь, обычного права, а использование подобного оружия, которое не дает возможности четко различить объекты военного и гражданского значения, одновременно являются причиной экологической катастрофы и возможных человеческих потерь, и является военным преступлением. 📌 Արցախա-ադրբեջանական հակամարտության գոտում թշնամական ուժերը կիրառել են քիմիական զենքի տարրեր պարունակող ֆոսֆորային զինատեսակ, ինչը միջազգային մարդասիրական իրավունքի, սովորութային իրավունքի նորմերի ու սկզբունքների, Ժնևյան կոնվենցիաների, ինչպես նաև ՄԱԿ-ի համապատասխան կոնվենցիաներով ու փաստաթղթերով նախատեսված դրույթների կոպտագույն խախտում է: Բացի հայկական ուժերին վնասներ պատճառելու նպատակ հետապնդելուց, նաև խնդիր ունի առաջացնել մասսայական անտառային հրդեհներ ու տվյալ տարածքում ստեղծել բնապահպանական աղետի իրական վտանգներ: Վերոնշյալ գործողությունների արգելքը և արդյունքում պաշտպանվող իրավունքներն ու արժեքները նախևառաջ սովորութային իրավունքի տիրույթում են, իսկ նման զենքերի օգտագործումը, որոնք հնարավորություն չեն տալիս հստակ տարբերակելու ռազմական և քաղաքացիական նշանակության օբյեկտները, միաժամանակ պատճառ են բնապահպանական աղետի ու հնարավոր մարդկային կորուստների, պատերազմական հանցագործություններ են։

Մուսասու հաղթանակը նվիրված էր Արցախին

Խառը մարտարվեստի Bellator 250-ի մրցաշարում կիսամիջին քաշային կարգում նիդերլանդացի մեր հայրենակից Գեղարդ Մուսասի հաղթելով գործող չեմպիոն Դուգլաս Լիմային իրեն վերադարձրեց չեմպիոնական տիտղոսը:

«Նախ և առաջ ցանկանում եմ այս մենամարտը նվիրել իմ երկրին, որն այս պահին պատերազմի մեջ է: Ես ձեզ շատ սիրում եմ, իմ քույրեր ու եղբայրներ։ Ձեզ հետ եմ։ Մեր սրտի ու աղոթքների մեջ եք։ Հույս եմ, որ շուտով խաղաղություն կլինի այնտեղ»,- հայտարարել է մարզիկը:

Ռազմաճակատից մինչև մարզական արենա (լուրեր)

 ԿԱՐՃ ՈՒ ԿԱՐԵՎՈՐ  ԼՈՒՐԵՐ 30.10.2020

Սկսենք ռազմաճակատից եկած լավ լուրով: Գեներալ Գագիկ Մելքոնյանը հաղորդել է.«Գիշերը Շուշիի կիրճի մեջ 400 հոգու լցրին ու ջարդին մերոնք»(տեսանյութ) 

Այսօր Կարսի անկման 100-ամյակն է։ Թուրքերը ցանկանում էին նշել խորհրդանշական այս օրը Շուշիում, բայց հարյուրներով կոտորվեցին նրա մատույցներում։ Պատմական ռևանշը մասամբ, թեկուզ դեռևս փոքր չափով, բայց կայացավ։ Սա շատ լավ նշան է։ Աստվածն առաջ։

--------------------------------

Երեկ Նիդերլանդներում և Լյուքսեմբուրգում Հայաստանի դեսպան Տիգրան Բալայանի ծննդյան տարեդարձն էր, որի առիթով դեսպանն «ընդունեց» մոտ 15.000Եվրոյի նվիրատվություն` փոխանցված  «Հայաստան» համ. հիմնադրամի հաշվին: Դեսպանը շնորհակալություն է հայտնել և կոչ արել պարբերաբար վճարումներ անել նաև www.1000plus.am կայքին՝ թեկուզ 2 եվրոյի չափով։ 

Նիդերլանդներում գործող Արամեացիների (ܣܘܪ̈ܝܝܐ ܐܪ̈ܡܝܐ) ֆեդերացիան Արցախի հարցով իր իրաջակցություն է հայտնել Ալմելոյի հայ համայնքին: Նախագահ Յոհան Կուրտն ու փոխնախագահ Դիկրան Իսիկը հանդիպմանը ընդգծել են, որ կողմ են խնդրի խաղաղ հանգուցալուծմանը` լինելու և աշխատելու են հայ համայնքի հետ:Կողմերը միակամ են Արցախի ինքնորոշմանհարցում: Հյուրերին ընդունել և ողջունել են տեղի հայ համայնքի ղեկավար Օնիկ Գելիչին, հոգևոր հովիվ Մաստոց տեր Բաղդասարյանը և Սարկիս Բիդրոսյանը` Հայ Դատից:

Հոլանդահայ նկարիչ Ալիկ Ասատրյանը շարունակում է վաճառել իր ստեղծագործությունները: Վաճառված և հիմնադրամ փոխանցված գումարը մոտենում է 20'000Եվրոին: Նկար գնած և Հիմնադրամ գումար փոխանցած անձանց թվում են տարբեր զբաղմունքի ու մասնագիտության տեր մարդիկ, այդ թվում Նիդերլանդների Թագավորությունում և Լյուքսեմբուրգի Դքսությունում Հայաստանի Հանրապետության դեսպանի տիկինը` Հասմիկ Հակոբյանը: 

Իրենց ստեղծագործություներն են հիմնադրամին փոխանցելու պայմանով վաճառում Նիդերլանդահայ մեր մյուս արվեստագետները` Էդուարդ Բրոն Հարությունյանը (Eduard Broon Arutjnian) , Անի Ռոզ Նահապետյանը (AnnyRose Nahapetian) և ուրիշներ...

-----------

Իր ֆեյսբուքյան էջում Էրդողանի ու ծայրահեղ իսլամի հասցեին շարունակում է գրառումներով հանդես գալ Նիդերլանդացի քաղաքական գործիչ Գերտ Վիլդերսը Geert Wilders. Նա գրել է.

« Եվս մեկ անգամ անմեղ մարդիկ սպանեցին եւ առաջ գնացին ։ Քանի դեռ մենք չենք կանգնեցնում իսլամիզմի դրսևորումը և իսլամաֆաշիստներին բռնի չենք արտաքսում մեր երկրից, նման բարբարոսական ակտերը կշարունակեն տեղի ունենալ»:  

«Ոչ Մոհամեդին, 

Ոչ Էրդողանին,

 Ոչ տեռորին

Խաղաղությանն` այո, Իսլամին` ոչ...»

Նիդերլանդներից կազմակերպվող երրորդ չվերթն է տեղ հասել...

Առողջապահության նախարարության պահեստարաններում տեսակավորվում և տեղավորվում են  Ամստերդամի «Գրիգոր Նարեկացի» հիմնադրամի և  հոլանդահայ բժշկությանն աջակցող հանրության ուղարկած բժշկական պիտույքներն ու պարագաները:

Խառը մարտարվեստի Bellator 250-ի մրցաշարում կիսամիջին քաշային կարգում նիդերլանդացի մեր հայրենակից Գեղարդ Մուսասի հաղթելով գործող չեմպիոն Դուգլաս Լիմային իրեն վերադարձրեց չեմպիոնական տիտղոսը:

«Նախ և առաջ ցանկանում եմ այս մենամարտը նվիրել իմ երկրին, որն այս պահին պատերազմի մեջ է: Ես ձեզ շատ սիրում եմ, իմ քույրեր ու եղբայրներ։ Ձեզ հետ եմ։ Մեր սրտի ու աղոթքների մեջ եք։ Հույս եմ, որ շուտով խաղաղություն կլինի այնտեղ»,- հայտարարել է մարզիկը:

Տարածաշրջանը ՝ հրի բոցերում. Իրավաբանը դիմում է աշխարհի առաջադեմ մարդկությանը

 Դիմում եմ բարի կամքի տեր մարդկանց, պառլամենտականներին, իշխանությունների ներկայացուցիչներին։

Արդեն երրորդ անգամ տապալվում են Մինսկի խմբի համանախագահող երեք երկրների` Ռուսաստանի, Ֆրանսիայի և ԱՄՆ-ի ղեկավարների ջանքերով հայտարարված հրադադարն ու զինադադարը։

 Չի հաջողվում կանգնեցնել Արցախին պարտադրված դաժան պատերազմը, քանի որ գործ ունենք ՄԱԿ-ի կանոնադրությունը, Ժնևյան բոլոր կոնվենցիաներն ու լրացուցիչ արձանագրությունները, միջազգային մարդասիրական իրավունքի այլ աղբյուրները կոպտորեն խախտող, ստանձնած միջազգային պարտավորությունները չկատարող, իր իսկ կողմից ստորագրված հանձնառություններն անտեսող պետության ղեկավարի հետ, ով, ապավինելով այլ երկրների և օտար ուժերի, փորձում է էթնիկ զտումներ, այսինքն՝  ցեղասպանական գործողություններ կատարել հազարավոր տարիներ իր Հայրենիքում ապրող Ղարաբաղի հայության նկատմամբ, իր դիկտատորական նկրտումները տարածել ժողովրդավարության կղզյակ հանդիսացող Լեռնային Ղարաբաղի Հանրապետության՝ Արցախի նկատմամբ։

Անպատժելիությունը և հանդգնությունը հասել է այն աստիճանի, որ թշնամին խախտում է Հայաստանի Հանրապետության պետական սահմանը, սպառնում նրա ամբողջականությանը․․․ 

Հարավային Կովկասը թուրք-ադրբեջանական տանդեմի, վարձու ահաբեկիչների  կողմից վերածվել է արյան ծովի․․․ Էրդողանը, որին Արևմուքի կողմից, իր անդամակցած ՆԱՏՕ-ի  կողմից, կարծեք ներվում է ամեն ինչ, մեծացնում է իր ծավալապաշտական և հեռուն գնացող հավակնությունները։ 

Մեր հերոսական  Բանակը մեկ ամսից ավելի համառ մարտերի գնով պաշտպանում է Հայոց Արցախ աշխարհը, միաժամանակ՝ պաշտպանելով մարդկայինի և բարձ արժեքների սահմանները, ահաբեկիչներից զերծ քաղաքակրթության բնագծերը։ Ավա՜ղ,  զոհվում են մեր քաջարի երիտասարդներից, որոնք ունեին պայծառ երազանքներ, չիրականացված նպատակներ․․․

Խորին խոնարհում և խնկարկում նահատակ հերոսների սուրբ հիշատակի առաջ, խորին խոնարհում նրանց ծնողների և ընտանիքների ծանր վշտի առաջ։

 Ընթերցելով, դիտելով և լսելով սահմանի ողջ երկայնքով մեր հայրենապահ և հայրենապաշտ երիտասարդների սխրանքների, մեր անպարտ Բանակի  մտածված գործողությունների, Սփյուռքի կազմակերպած ակցիաների մասին,  հոգիդ ուռչում է աննկարագրելի հուզմունքից․․․ Ցավի ու հպարտության, ազգային  արժանապատվության զգացումները միախառնվում են, սեղմում  կոկորդդ, և ի լուր բոլորի ուզում ես գոռալ՝ կա՛նգ առ, աշխա՛րհ, բռնի՛ր չարի ու ամբարիշտի ձեռքը, կանգնի՛ր ցեղասպանություն տեսած, բայց չցեղասպանված հայ բիբլիական ժողովրդի կողքին, որպեսզի կյանքի ու մահվան, բարու և չարի, լույսի և խավարի դաժան պայքարում հաղթեն կյանքն ու լինելիությունը, բարի լույսն ու խաղաղությունը,  մարդասիրությունն ու  քաղաքակրթությունը։  

 Հարյուր միլիոն բնակչություն ունեցող  երկու՝  այսպես կոչված, եղբայրական երկրներ, նավթային դոլարներով կուտակելով սպառազինության ահռելի պաշարներ, դրանք օգտագործում են ոչ միայն ռազմադաշտում, այլ նաև ավերակների են վերածում քաղաքներն ու գյուղերը, վտանգում քաղաքացիական բնակչությանն ու օբյեկտները։ Հազարավոր մարդիկ /շուրջ 90 հազար/ լքել են իրենց տները։

Վիճակն  օրհասական է․․․

Ես ավելի քան քսան տարի եղել եմ պառլամենտի անդամ, ընդգրկվել եմ միջազգային կառույցների հետ աշխատող Հայաստանի պառլամենտի պատվիրակությունների կազմում և լավ գիտեմ պառլամենտականների  համախմբված ուժն ու հնարավորությունները՝ տարբեր միջազգային գործնթացների վրա ազդելու առումով։

Ուստի, դիմում եմ  բարի կամքի տեր մարդկանց,  պառլամենտականներին, իշխանություն ունեցող գործիչներին, միջազգային կառույցների ղեկավարներին և խնդրում ու հորդորում՝ կոնկրետ գործնական քայլեր ձեռնարկել Թուրքիային և Ադրբեջանին զսպելու համար․ հապաղումի յուրաքանչյուր վայրկյան խլում է մարդկային կյանքեր։

Սոսկ ափսոսանք հայտնելը, պարտադրանք չբովանդակող կոչերը, հայտարարությունները, երկու կողմերի միջև հավասարության նշան դնելու փորձերն անիմաստ են․ դրանցով մարդկային կյանքեր չեն փրկվում։

Տարբեր երկրների  /Ռուսատանի Դաշնության, Ֆրանսիայի,  ԱՄՆ-ի/ պառլամենտականներ արդեն հանդես են եկել նախաձեռնություններով՝ ուղղված Թուրքիայի և Ադրբեջանի դեմ բանաձևեր, որոշումներ ընդունելուն, հիմնվելով տարբեր աղբյուրներից ստացած տեղեկությունների վրա։  Կան քաղաքներ ու նահանգներ, որոնց իշխանությունները ճանաչել են Արցախի անկախությունը։ Ավստրալիայի Նոր Ուելս նահանգը երկու տարի առաջ ճանաչեց Լեռնային Ղարաբաղի անկախությունը։ Եվ այս գործընթացը պետք է շարունակվի, քանզի միայն Արցախի ճանաչմամբ է հնարավոր կասեցնել  արյունահեղությունը,  կանխել թուրքական ավերիչ նկրտումները։

Փորձենք  ամփոփ  ներկայացնել, թե ինչ է իրականում կատարվում և հուսանք, որ որոշումներ ընդունող կառույցները քայլեր ձեռնարկելիս՝ հաշվի կառնեն նաև այս փաստերը։ Անհրաժեշտ է օգնել պետությունների գործադիր իշխանություններին՝  կիրառելու այնքան անհրաժեշտ սանկցիաներ, քանի որ․

1. Արցախի Հանրապետության պաշտպանության Բանակը պայքարում է վարձու ահաբեկիչների դեմ, որը միջազգային  հակաահաբեկչական կոալիցիայի խնդիրն է, մինչդեռ այս փոքր երկիրն ու նրա խիզախ  ժողովուրդը միայնակ է մարտնչում հազարավոր տեռորիստների դեմ,
2. թշնամին օգտագործում է միջազգային մարդասիրական իրավունքի կողմից անթույլատրելի զենք և զինամթերք, կիրառում պատերազմ վարելու արգելված միջոցներ և մեթոդներ,
3. խախտելով բոլոր միջազգային նորմերը՝ ադրբեջանցիները հայ գերիներին խոշտանգում են, անմարդկային կտտանքների ենթարկում, գնդակահարում, անգամ՝ գլխատում։ Իսկ Արցախում ադրբեջանցի գերիներին վիրահատում են, նրանց ցուցաբերում բազմակողմանի մարդասիրական օգնություն,
4. Տարածաշրջանում հումանիտար աղետ է, քանի որ կան անթաղ մնացած դիակներ՝ ըստ Կարմիր խաչի միջազգային կազմակերպության դիտորդների, որոնց արգելում են  մասնակցելու դիակների հավաքման, փոխանակման աշխատանքներին,
5. իրենց իսկ վիրավոր զինվորներին թողնում են անօգնական մարտի դաշտում,
6. ռմբակոծում են քաղաքացիական խաղաղ բնակչությանն ու բնակավայրերը։ Արդեն  Արցախի քաղաքացիական բնակչության շրջանում կան շուրջ 50  զոհված և հարյուրավոր վիրավորներ,
7. հրետակոծում են կենսապահովման օբյեկտներ, քաղաքացիական ենթակառուցվածքներ, ճանապարհներ, կամուրջներ, ջրագծեր, դպրոցներ, մանկապատեզներ,
8. հռթիռակոծվում և թիրախավորում են մշակութային հուշարձաններ, եկեղեցիներ, հիվանդանոցներ, գերեզմանոցներ․․․,
9. Արցախից 90․000 անձ՝ երեխա, կին, տարեց քաղաքացիներ տարհանվել են, շատերը գտնվում են ապաստարաններում, ծանր պայմաններում, խախտվում են նրանց առողջության պահպանման, կրթության, աշխատանքի, ազատ տեղաշարժման և մյուս իրավունքները,
10. դիվերսիոն խմբերը, ներթափանցելով գյուղական բնակավայրեր, սպանում են երեխաների, հաշմանդամների, կանանց,
11. խոչընդոտում են օտարերկրյա լրագրողների աշխատանքին, անօդաչու թռչող սարքերով ռմբակոծում նրանց գտնվելու վայրերը։ Այս ընթացքում վիրավորվել են տասնյակ հայ, ֆրանսիացի, ռուս լրագրողներ,
12. ոտնձգություն են կատարում Հայաստանի Հանրապետության տարածքային ամբողջականության դեմ, ռմբակոծում սահմանամերձ, ինչպես նաև խորքերում գտնվող  բնակավայրեր, որի հետևանքով զոհվում և վիրավորվում են Հայաստանի Հանրապետության   քաղաքացիներ,
13. փաստենք, որ թշնամին ագրեսիվ պատերազմ է հրահրել և լայնածավալ ռազմական գործողություններ է իրականացնում համավարակի պայմաններում,
14. ըստ ադրբեջանական ղեկավարության՝ իրենք իբր արդեն գրավել են Արցախի հիմնական մասը,  սակայն ճշմարտությունն այն է, որ Արցախը հերոսաբար դիմակայում է թուրքական-ադրբեջանական-վարձու ահաբեկչական ուժերին,
15. Ադրբեջանը ոտնահարում է ազգային փոքրամասնությունների իրավունքները, վարձկանների հետ հիմնականում նրանց է ուղարկում առաջնագիծ։ Այդ են վկայում այն ծանր կորուստները (զոհվածների 40 տոկոսից ավելին ազգային փոքրամասնությունների ներկայացուցիչներ են), որ կրում են ազգային փոքրամասնությունները,
16. Ադրբեջանում խախտվում են մարդու իրավունքներն ու ազատությունները, բնակչությունը զրկված է օբյեկտիվ տեղեկատվություն ստանալու հնարավորությունից, ամբողջությամբ կեղծվում են տեղեկությունները,
17. Թուրքիայի նախագահը սպառնում է բոլորին և, խախտելով միջազգային բարեվարքության կանոններն ու դիվանագիտական էթիկայի բոլոր նորմերը, վիրավորում է Ֆրանսիայի նախագահին, հոխորտում ԱՄՆ-ի և այլ պետությունների հասցեին,
18. Հայաստանի Հանրապետությունը, Արցախը համաձայնվում են միջազգային խաղաղապահ զորքի տեղակայման, ռազմական փորձագետների ներկայության հարցում, իսկ ադրբեջանական կողմը չի համաձայնվում, ժխտում է բոլոր առաջարկները,
19. այս ծանր իրավիճակում անգամ կան երկրներ և հատկապես եվրոպական պետություններ, որոնք չեն հրաժարվում Ադրբեջանին ռազմական տեխնիկա և զենք վաճառելուց, տնտեսական շահը բարձր են դասում իրենց իսկ հռչակած մարդու իրավունքներից ու ազատություններից, անգամ՝ մարդու կյանքի իրավունքի և իր հայրենիքում ժողովրդի ապրելու (գոյության) իրավունքի պաշտպանության  անհրաժեշտությունից։

Միաժամանակ, դիմում եմ բարի կամքի տեր մարդկանց և խնդրում՝ մեր համայնքների հետ համագործակցությամբ ազդել իրենց կառավարությունների վրա և արգելել զենքի վաճառքը ահաբեկչության օջախին։  

20. Ադրբեջանը Թուրքիայի աջակցությամբ և հանցակցությամբ կատարում է պատերազմական հանցագործություններ, որոնք պետք է համարժեք միջազգային-իրավական գնահատականներ ստանան՝ որակվելով որպես խաղաղության և մարդկության անվտանգության դեմ ուղղված հանցագործություններ, և ռազմական հանցագործները  պետք է կանգնեն Նոր Նյուրնբերգյան դատարանի   առջև։

Այս ողբերգությունն ու միջազգային հանցագործությունները հնարավոր է տեղի չունենային, եթե ժամանակին․

• Արևմուտքն անտարբեր չմնար Հայոց ցեղասպանության նկատմամբ, ժամանակին բռներ թուրք ոճրագործների ձեռքը, որոնք ամենաստոր, արյունարբու, բարբարոսական ձևերով, մարդկությանը  հայտնի և անհայտ միջոցներով  զազրելի սպանություններ էին կատարում՝ սրախողխող անում հղի կանանց, իսկ պտուղը սրի ծայրին՝ հրճվում, բռնաբարում էին կանանց, ապա սպանում, հոր ծնկների վրա մորթում էին որդիներին, մարդկանց  գլխիվայր կախում ծառերից և մաշկազերծ անում, կացնով ու մուրճով անդամահատում, մարդկային ամեն մի երևակայությունից դուրս ոճրագործություններ կատարում․․․

Արդարամտություն, ազատամտություն, բազմակարծություն, ժողովրդավարություն, հանդուրժողականություն՝ այս արժեքներն ու վեհ գաղափարները մեր  ժողովրդի հավատամքն են, սակայն ժամանակին   հայերը շատ թանկ են վճարել եվրոպական  այս արժեքներին ու գաղափարներին դավանելու համար, քանզի դրանք խորթ, անհասկանալի ու անընդունելի էին թուրքական բռնապետերի համար, ուստի և լռեցվեցին ամենաբիրտ ու սահմռկեցուցիչ եղանակով՝ ցեղասպանությամբ:

Դեռևս համիդյան կոտորածների ժամանակ  թուրքերի էությունը և գործունեությունը դիպուկ է բնութագրել չորս անգամ  Մեծ Բրիտանիայի վարչապետ դարձած Ուիլյամ Գլադսթոնը. «Թուրքերը ուր որ գնացին՝ արյան մի լայն հետք թողեցին իրենց հետևից, և որքան տարածվեց նրանց տիրապետությունը, այնքան անհետացավ քաղաքակրթությունը։ Ծառայել Հայաստանին՝ նշանակում է ծառայել քաղաքակրթությանը...» ։

Ցավում եմ, որ դեռ կան պետություններ, որոնք  գնահատական չեն տվել 20-րդ դարի այս հրեշավոր եղեռնագործությանը՝ հայ ժողովրդի ցեղասպանությանն ու հայրենազրկմանը՝ գենոցիդին և պատրիոցիդին։

• Աշխարհն անհաղորդ մնաց Սումգայիթի, Բաքվի ջարդերին, երբ կատարվեցին էթնիկ զտումներ, և 400 000 հայ բնավեր դարձավ, երբ ՆԱՏՕ-ի՝ «Գործընկերություն հանուն խաղաղության» ուսումնական ծրագրի շրջանակներում Հունգարիայի մայրաքաղաք Բուդապեշտում ադրբեջանցի ստահակը կացնի 16 հարվածով սպանեց քնած հայ սպային՝ 26-ամյա Գուրգեն Մարգարյանին։ Իսկ իրեն Եվրամիության անդամ հորջորջող Հունգարիան մարդասպանին հանձնեց Ադրբեջանին, որն էլ հերոսացրեց ոճրագործին։ Միայն վերջերս եվրոպական դատարանն ընդունեց արդարացի որոշում, որը պետք է իրականացվի Ադրբեջանի կողմից (թեև դժվար է հավատալ, որ այդ պետությունն ունակ է կատարելու միջազգային դատական ատյանի որոշումները)։
• Մշակութային եղեռն իրականացվեց Ջուղայում, և ադրբեջանական զորքի կողմից հայ ժողորդի դարավոր հուշարձաններն ու տապանաքարերը ոչնչացվեցին, տաս հազար կոթողից բաղկացած բացառիկ խաչքարադաշտը գետնին հավասարեցվեց։  Ի հեճուկս ՅՈՒՆԵՍԿՕ-ի բազում խնդրանք-պահանջների՝ վայրագները կանգ չառան և թույլ չտվեցին, որ որևէ դիտորդ կամ փորձագետ մուտք գործի սպանդի ենթարկված և ռազմական հրաձգարանի վերածված նախկին խաչքարերի անտառ։
• 2016 թվականի ապրիլին և 2020 թվականի հուլիսին թշնամին սանձազերծեց ռազմական ագրեսիա ոչ միայն Ղարաբաղի, այլև Հայաստանի դեմ և ստացավ արժանի հակահարված։ Զինադադարից հետո  կրկին ու կրկին չկատարեց Ժնևի և Սանկտ-Պետերբուրգի պայմանավորվածություններն ու դարձյալ մնաց անպատիժ։
• Միջազգային իրավունքի կոպիտ խախտումներով մոտ 30 տարի փակ է հայ-թուրքական սահմանը, և որևէ միջազգային կառույց, որևէ երկիր չի անդրադառնում այս խնդրին։
•   Փորձագետների հաշվարկներով Թուրքիայում 2-3 միլիոն իսլամացած հայ է ապրում, ինչպես նաև ապրում են այլազգիներ, որոնք վախենում են իրենց ազգային ինքնությունը բարձրաձայնել, ինչը մարդու իրավունքների  և ազատությունների կոպիտ ոտնահարում է։
• Թուրքիան անարգել գրավել է Կիպրոսի մի մասը, Միջերկրական ծովում խախտում է բոլոր միջազգային նորմերը և անպատիժ շարունակում իր ‹‹առաքելությունը››՝ չնայած Հունաստանը (որը Եվրամիության անդամ է) տևական ժամանակ բողոքում է, բարձրաձայնում Էրդողանի անօրինականությունների մասին, սակայն Եվրոպան որևէ  սանկցիա դեռևս չի կիրառել Թուրքիայի նկատմամբ։  Նա իր քայքայիչ գործունեությունն է շարունակում Սիրիայում, Լիբիայում՝  իր պանթուրքիստական նկրտումներին հագուրդ տալու համար։

  Հարգելի՛ գործընկերներ, սիրելի՛ ընթերցողներ,

այսօր Արցախի ժողովուրդն ունի ազգերի ինքնորոշման միջազգային հիմնարար իրավունքը իրացնելու խնդիր: Աշխարհը վաղուց դատապարտել և չեղարկել է ստալինյան բոլոր որոշումները, սակայն Լեռնային Ղարաբաղի  բռնակցման որոշումը, չգիտես ինչու, դեռևս ադրբեջանցիների համար ուժ ունի, և այդ է պատճառը, որ  Ադրբեջանը շարունակում է իր  հոխորտանքները: Սակայն, Արցախը  երբեք չի կարող լինել Ադրբեջանի կազմում։ Հազարամյակների պատմություն, մշակույթ ունեցող Արցախ աշխարհում ապրող բնիկ ժողովրդին փորձում են նվաճել քոչվոր ցեղերից ձևավորված և ընդամենը հարյուր տարվա պատմություն ունեցող  երկրները։

 Եթե Բեռլինի պատի անկումն ազդարարեց Եվրոպայում բաժանարար գծերի վերացումը, ապա ինչու՞ դրանից տասնամյակներ անց հայկական հանրապետությունները շրջափակված են հարևան երկու պետությունների կողմից, որոնք  սահմանափակում են մարդկանց ազատ տեղաշարժվելու իրավունքը:     

  Եթե Ադրբեջանը կարող է հպարտանալ իր միջազգային պարտավորությունները խախտելով, ռազմական հանցագործություններ կատարելով, հայկական մշակութային արժեքները ոչնչացնելով, նավթի ու գազի պաշարներով, տխրահռչակ ‹‹խավիարային›› դիվանագիտությամբ, Եվրոպայում կոռուպցիա ու կեղծիք տարածելով՝ դրանով իսկ  անջնջելի սև բծեր  թողնելով եվրոպական արժեքների վրա,  ապա մեր հպարտության առարկան հայ մարդն է՝ իր հզոր ներուժով, մեր անգնահատելի կապիտալը հայ ժողովրդի զավակներն են, որոնք ցեղասպանության հետևանքով աշխարհասփյուռ են դարձել, հասել օվկիանոսից՝ օվկիանոս, մայրցամաքից՝ մայրցամաք, ձևավորել Հայկական Սփյուռք և իրենց առաջադեմ մտքով ու խաղաղ, ստեղծագործ աշխատանքով կենսահաստատ արժեքներ են արարում, գիտության,  մշակույթի սքանչացնող լույս   և ոգեղեն ուժ  տարածում, ծառայում քաղաքակրթության զարգացմանն ու առաջընթացին:  

Դուք ականատես եք, թե Հայկական սփյուռքի բոլոր հատվածներն ինչպես են ալեկոծվում, ամեն օր իրենց բնակության վայրի իշխանություններից, լրատվության միջոցներից  ճշմարտության բարձրաձայնում են պահանջում, արյունահեղության դադարեցում են տենչում, արդարություն են փափագում՝ իրենց խաղաղ ցույցերով, եռագույնով,  քայլերթերով ու  ավտոշարասյուններով, նստացույցերով, ելույթներով ու կոչերով, երգերով, սահմռկեցուցիչ, ‹‹աղաղակող›› լռությամբ ու գրառումներով․․․

Ուզում եմ հավատալ, որ հայ ժողովրդի արդարացի պահանջներին պիտի միանան օտարազգի արվեստագետներ ու գրողներ, քաղաքագետներ ու պառլամենտականներ, գիտնականներ ու մանկավարժներ, վերլուծաբաններ ու լրագրողներ։ Պիտի միանան երիտասարդներ ու  համատեղ դատապարտեն  Արցախի դեմ արյունահեղ պատերազմը,  ձայն բարձրացնեն միջազգային տեռորիզմը հովանավորող, իրենց նենգ ու դավադիր նպատակների համար վարձկաններ օգտագործող թուրքական երկու ահաբեկիչ պետությունների դեմ։

Այս օրերին իրենց ճշմարիտ խոսքով, մարդկային և մասնագիտական  բարձր որակներով պայքարի են ելել ռուս, ֆրանսիացի, ամերիկացի պառլամենտականներ, վերլուծաբաններ, հեռուստամեկնաբաններ, լրագրողներ, քաղաքագետներ, ում շնորհակալ ենք և երախտապարտ։ Արդարամիտ մարդիկ չեն կարող անտարբեր մնալ, լռել և իրենց լռությամբ խրախուսել ահաբեկչությունը։

Սիրելի՛ բարեկամ, որոշում կայացնող գործիչ, հասարակության, պառլամենտի անաչառ անդամներ,

սփյուռքահայերը ձեր պետություններում ապրող բարեխիղճ և օրինապաշտ քաղաքացիներն են,  ձեր ընկերները, բարեկամները, ձեր ընտրողները, ովքեր հավատում ու վստահում են ձեզ և մեծ ակնկալիք ունեն, որ դուք ձեր երկրների պառլամենտներում,  այն միջազգային կազմակերպություններում, որտեղ անդամ եք, ամենատարբեր ատյաններում կնախաձեռնեք և կընդունեք արդարացի որոշումներ՝ հիմք ընդունելով հետևյալ անբեկանելի ճշմարտությունները․

1․ Տարածաշրջանում հրե ճարակը կանգնեցնելու և վիճակը կայունացնելու միակ ուղին, փրկության ճանապարհը Լեռնային Ղարաբաղի Հանրապետության ինքնիշխանության՝ Արցախի Հանրապետության անկախության ճանաչումն է՝ հենվելով ազգերի ինքնորոշման հիմնարար իրավունքի վրա, որին համահունչ արդեն երեսուն տարի   սահմանված կարգով՝ հանրաքվեով անկախացած Արցախը կառուցում է ժողովրդավարական, սոցիալական, իրավական պետություն։

2․ Բոլոր ձևերով նպաստել հրադադարի ու զինադադարի հաստատմանը և արյունահեղության դադարեցմանը՝ վերադառնալով բանակցային գործընթացին։

3․Սանկցիաներ կիրառել  Թուրքիայի և Ադրբեջանի նկատմամբ․

• բոլոր միջազգային կազմակերպություններում սառեցնել նրանց անդամակցությունը,
• չեղյալ հայտարարել ռազմական-տեխնիկական մատակարարմանը վերաբերող բոլոր պայմանագրերը,
• թերևս ժամանակավորապես դադարեցնել տնտեսական, առևտրային բոլոր կապերն ու հարաբերությունները,
• հետ կանչել այդտեղ հավատարմագրված դեսպաններին, դիվանագիտական ներկայացուցչությունների ղեկավարներին։

Հավատացած եմ, որ միայն համատեղ ուժերով, համալիր միջոցների ձեռնարկմանարդյունքում հնարավոր կլինի սանձել թուրք-ադրբեջանական-ահաբեկչական տանդեմի՝ տարածաշրջանին տիրելու և նորօսմանականության խելացնոր գաղափարներն իրականացնելու ձգտումները։

 

Հրանուշ  Հակոբյան

Իրավաբանական գիտությունների դոկտոր, պրոֆեսոր,

Հայաստանի խորհրդարանի նախկին անդամ

ՀՀ արտակարգ և լիազոր դեսպան,

ՀՀ սփյուռքի նախկին (հիմնադիր) նախարար,

Հայ կանանց միության նախագահ

Նիդ.օրագրի կողմից.- Հոդվածում  հեղինակի կողմից բարձրացված հարցերն ու դիտարկումները, կամ դրա մի  մասը, տեղին են ներկայացնելու տեղի հասարակայնության, հասարակական, քաղաքական գործիչների, խորհրդականների ուշադրությանը:

«Ո՞ւր են հայերը» Տասնյակ թուրքերի պատժիչ արշավախումբը Դեզինի փողոցներում

29.10.2020/Nid.oragir

Lyonmag կայքը հետևյալն է հայտնել (կրճատ)

«Ո՞ւր են հայերը» Տասնյակ թուրքերի պատժիչ արշավախումբը Դեզինի փողոցներում

Այս չորեքշաբթի երեկոյան, ամբողջ պարետային ժամի ընթացքում, թուրքական համայնքի տասնյակ անդամներ Քաղաքի կենտրոնի փողոցներում վանկարկում էին Էրդողանամետ կարգախոսներ ու սպառնալիքներ հայերի հասցեին: «Ալլահ Աքբար», «Ո՞ւր են հայերը»: կամ «Fuck Armenia, we will fuck you» - այս ամենը արտահայտություններ են, որոնք լսվում են սոցիալական ցանցերում տարածված բազմաթիվ տեսանյութերի վրա:

Ըստ մեր տեղեկությունների, ոստիկանության ուժեղ ներկայություն է ուղարկվել Լիոնի արևելք ՝ երկու համայնքների միջև որևէ բախումից խուսափելու համար:

Գորշ գայլերի կողմից ակնհայտորեն կազմակերպված այս պատժիչ արշավախումբը պատասխան է հայկական ցույցին այս չորեքշաբթի առավոտյան A7- ում, որը վերածվեց թեժ պատերազմի մի քանի թուրք քաղաքացիների հետ մայրուղու մեջտեղում: Նրանցից մեկը թեթեւ վնասվածք էր ստացել և հոգ էր տարվել փրկարարների կողմից:

-------------------

Նմանատիպ վանկարկումների համար (հուլիսի 24-ին Դեզինում հայկական ցույցը ապակայունացնելու փորձի ժամանակ, երիտասարդ ֆրանսիացի թուրք Ահմեթ Չեթինը դատվեց սեպտեմբերի կեսերին «ատելության հրահրման» համար: Գորշ գայլերի այս ենթադրյալ անդամի դատավճիռը կհնչի նոյեմբերի սկզբին, մեղադրող կողմը պահանջել էր 6 ամսվա պայմանական ազատազրկում, 5 տարվա պայմանական պատիժ և 2000 եվրո տուգանք:

Ce mercredi soir, en plein couvre-feu, des dizaines de membres de la communauté turque se sont rendues à Décines.

Dans les rues du centre-ville, ils ont scandé des slogans pro-Erdogan et des menaces en direction des Arméniens. "Allah Akbar", "Vous êtes où les Arméniens ?!" ou encore "Nique l’Arménie, on va vous baiser" sont autant de phrases entendues sur les nombreuses vidéos relayées sur les réseaux sociaux.

 Selon nos informations, une forte présence policière a été dépêchée dans l’Est lyonnais pour éviter tout affrontement entre les deux communautés. Des CRS notamment sont sur place à Décines. Les lignes de bus TCL 16 et 67 ont été déviées. Une centaine de véhicules tournerait en ville.

Cette expédition punitive visiblement organisée par les Loups Gris est une réponse à la manifestation arménienne de ce mercredi matin sur l'A7, qui a tourné à la bataille rangée en pleine autoroute avec quelques ressortissants turcs. L'un d'entre eux avait été légèrement blessé et pris en charge par les pompiers.

Il semblerait, en se basant sur des échanges sur les réseaux sociaux, que les deux camps se soient donnés plus ou moins rendez-vous à Vienne puis à Décines pour en découdre à nouveau.

Le cortège turc a finalement quitté les lieux avant 23h. Aucun blessé n'est à déplorer selon les pompiers.

Pour des faits similaires (une tentative musclée de déstabiliser un rassemblement arménien à Décines le 24 juillet dernier ndlr), le jeune franco-turc Ahmet Çetin avait été jugé mi septembre pour "incitation à la haine". Ce membre assumé des Loups Gris sera fixé sur son sort début novembre, le parquet avait requis 6 mois de prison avec sursis, une peine d’inéligibilité de 5 ans et 2000 euros d’amende

Այս պահերին Լիոնում թուրքական խառնամբոխը հակահայկական լոզունգներով լցվել է փողոցները:
Սրանց դեմն առնելու համար Ֆրանսիան երևի օրենք պետք է ունենա սրանց արտաքսել երկրից :
Ֆրանսիացիներն էլ են այս երևույթից դժգոհ.
Ֆիլիպ Վարդոն թվիտերում գրել է.
«Տասնամյակների ինքնասպանության հասնող մեր ձախ քաղաքականության արդյունքը. Թուրքերը հետապնդում են հայերին Ֆրանսիայի փողոցներում Ալլահ Աքբարի ճղճղոցով»:

«Kapsalon Bianco» գեղեցկության սրահը հայտարարել էր բարեգործական օր

Դրամահավաքին նվիրված ակցիաները շարունակվում են մեր նիդերլանդահայ գործարարների կողմից։

Օրերս Ամստերդամի «Kapsalon Bianco» գեղեցկության սրահը հայտարարել էր բարեգործական օր. հավաքվել էին Նիդերլանդներում գեղեցկության ոլորտում աշխատող մեր հայազգի մի շարք մասնագետները, համախմբվել և մեկ օր սպասարկել հաճախորդներին՝ բոլորովին բարեգործական նպատակներով։ Այս մասին հայտնում է Նիդերլանդական Օրագիրը։

Օրվա վերջում հավաքվել է 3,287 եվրո, որն էլ անիմջապես փոխանցվել է «Հայաստան» համահայկական հիմնադրամի Նիդերլանդների հաշվեհամարին։

Շնորհակալ ենք ակցիայի բոլոր մասինակիցներին։ Առանձնահատուկ շնորհակալություն Ամստերդամի «Kapsalon Bianco» գեղեցկության սրահի տնօրեն Հասմիկ Արմոտային՝ նման նախաձեռնության համար։

Ընդամենը երեք միլիոն մարդ ենք և պայքարում ենք երեք երկրների ՝ Թուրքիայի, Ադրբեջանի և Սիրիայի ահաբեկիչների դեմ

 Ինչ է իրականում տեղի ունեցել , երբ մուրճով հարվածել են հայ երիտասարդին:

Մանրամասնություններ

Ֆրանսիայում տեղի ունեցած այսօրվա դեպքերին անդրադարձել են ֆրանսիական լրատվամիջոցները, մասնավորապես  Ֆրանսիայի հարավային տարածաշրջանային  Le Dauphiné Libéré-ն, Lyonmag կայք ամսագիրը և այլը

Նրանք, ովքեր տուժվել են թուրքերի հարձակումներից, տեսել են թե ինչպես են մուրճով հարվածել հայ երիտասարդին հայտնում ենք, որ Օվրեն-Ռոն-Ալպեր ավտոճանապարհի CRS- ի քննիչները վկաներին հրավիրում են ցուցմունքներ տալու, եթե կան այլ իրեր ու ապացույցներ ապա կապ հաստատել 04 72 47 20 60 հեռախոսահամարով:

Ֆրանսիական Lyonmag.կայքը նշել է, որ Լիոն-Վալանս ավտոմայրուղու խափանման պատճառը Հայաստանին աջակցող ցույցն է եղել: Ըստ Bison Futé- ի, երթևեկության երկու ուղղություններում Reventin վճարովի ավտոմայրուղուց կտրվել է դեպի A7 ճանապարհը  Լիոն- Վալանս ուղղությամբ:

 «Երկրորդ ցեղասպանության» վախը հանրահավաքի հիմքում է, ասել է  ցուցարար Արթուրը AFP մեդիա գործակալությանը:Դեպքի վայրում ներկա է եղել 300-ից 400 մարդ: Բացի այդ, պարզապես բախումներ են սկսվել թուրքական և հայկական համայնքների ներկայացուցիչների միջև: Ըստ Isère-ի փրկարարները, շտապ օգնության ծառայությունները հոգ են տարել վիրավորներին:  Le Dauphiné Libéré-ի հաղորդման,համաձայն, երեք այլ մարդիկ շատ թեթեւ վնասվածքներ են ստացել: Օվերն-Ռոն-Ալպեր մայրուղու CRS-ի կողմից սկսվել է հետաքննություն: «Մեր ուզածը պատերազմի դադարեցումն է: Մենք խաղաղություն ենք ուզում (…) Հայաստանում մենք ընդամենը երեք միլիոն մարդ ենք և պայքարում ենք երեք երկրների ՝ Թուրքիայի, Ադրբեջանի և Սիրիայի ահաբեկիչների դեմ. հաև Իսրայելի, որ անօդաչու թռչող սարքեր է մատակարարում », - հավելել է նա:

Lyonmag.կայքում կա նաև մեկնաբանությունների ընդարձակ սյունակ, որտեղ մեր ֆրանսերեն իմացող հայրենակիցները կարող են իրենց ճիշտ խոսքն ասել:

Au sud de Lyon : des affrontements avec des Turcs lors d’une manifestation pro-Arménie sur l’A7

Les difficultés se situaient au niveau du péage de Vienne.

WWW.LYONMAG.COM

Այժմ ժամանակագրական նշումները ledauphine.com կայքում

Ինչ է իրականում տեղի ունեցել այն  բանից  հետո, երբ մուրճով հարվածել են հայ երիտասարդի գլխին:

Isère. Manifestation pro-Arménie sur l'A7 : des membres de la communauté turque réunis à Vienne

En début de soirée, 200 membres de la communauté turque, provenant essentiellement de l’agglomération de Roussillon, ont mené une contre-manifestation, et ce malgré l’appel au calme du consulat général de Turquie à Lyon.

WWW.LEDAUPHINE.COM

Առավոտյան 7: 45-ին. Այս չորեքշաբթի, հոկտեմբերի 28-ին, առավոտյան 7: 15-ից A7 մայրուղու վրա գտնվող Reventin-Vaugris վճարային մուտքի մոտ ցույցը արգելափակում է երթևեկությունը երկու ուղղությունները:

Առավոտյան 8: 18-ին. Ասում են, որ դեպքի վայրում ներկա են նաև թուրքական համայնքի անդամներ: Երկու համայնքների միջեւ պարզապես բախումներ են սկսվել: Առկա են վիրավորներ: Ոստիկանությունը զգալի ռեսուրսներ է հավաքում:

Առավոտյան 8: 17-ին. Dauphiné Libéré- ի տեղեկատվության համաձայն, դա կլինի հայ համայնքի նախաձեռնած ցույց: Առավոտյան ժամը 7-ի սահմաններում Reventin-Vaugris վճարահաշվարկի մոտ մի քանի տասնյակ տրանսպորտային միջոցներ էին հավաքվել ՝ մեքենաների ուղեւորները Հայաստանի  դրոշներ ծածանելով:

Առավոտյան ժամը 8: 30-ին.Մի ցուցարար, օգտագործելով միայն Արթուր անունը, բացատրեց, որ հանրահավաքը պայմանավորված է նրանով, որ Հայաստանում տեղի է ունենում «երկրորդ ցեղասպանություն»: Նա տեղում գնահատեց ցուցարարների թիվը 300-ից 400 մարդու միջև: «Մենք ուզում ենք, որ պատերազմը դադարեցվի: Մենք խաղաղություն ենք ուզում», - ասաց նա:

«Հայաստանում ընդամենը երեք միլիոն մարդ կա, և մենք պայքարում ենք երեք երկրների ՝ Թուրքիայի, Ադրբեջանի և Սիրիայի դեմ. Էլ չեմ ասում անօդաչու թռչող սարքեր արտադրող Իսրայելին, որոնց դրոններով ռմբակոծում են հայկական դիրքերը»: Նրա ետևում մյուս ցուցարարները վանկարկում էին «Արցախին ճանաչում»: Հայ համայնքը պահանջում է միջազգային ճանաչում հայերով բնակեցված, բայց Ադրբեջանին կցված Լեռնային Ղարաբաղին (կամ Արցախին):

Առավոտյան 8: 42-ին.Բիսոն Ֆուտեի շրջակայքում ազդարարվում է 5 կիլոմետր խցանում Լիոն-Վիեն և 3 կիլոմետր Մարսել-Լիոն ուղղությամբ: 

Մեծ թվով ոստիկաններ ու ժանդարմ են  ժամանում: Dauphine թերթի լրագրողի խոսքով ՝ վիրավորը հենց նոր տարհանվել է Սմուրի և Վիեննի փրկարարների կողմից, ուղեկցվում է ոստիկանության մեքենայով: Ըստ նույն աղբյուրի ժ.9-ի կողմերը մի  քանի տասնյակ մարդիկ են բախվել Ռեվենտին-Վագրիս քաղաքից դեպի հյուսիս ՝ մայրուղու ճանապարհի երթևեկելի մասում: Դեպքի վայր են հաճախել փրկարարական նշանակության միջոցներ և ժանդարմերիա: Մի քանի դանակահարված վիրավորներ կային: 9.29-ին ոստիկանական ուղղաթիռ է օդում  եղել: 9.40-ին մեքենաները կարողացել են խցանումներից դուրս գալ: Նշվում է նաև, որ 30 փրկարարներ են եղել դեպքի  վայրում: 4 մասնակից պետք է դատապարտվի օրենքով, այդ թվում գետնին ծեծի ենթարկված մուրճ օգտագործողը: 

9: 55-ին Դեպքը տեղի ունեցավ հայ համայնքի ցույցից հետո, երբ առաջին 15 ավտոմեքենաներից հանվեցին հայկական դրոշները:   Թուրքական համայնքի անդամներից մեկը զայրույթ հայտնեց ու կոչ արեց մյուսներին իրեն օժանդակել : Հենց այդ ժամանակ իրավիճակը սրվեց, մուրճերն ու դանակները դուրս եկան:

10:14 Բախումների  թեժ պահին մասնակցել են մի քանի տասնյակ մարդիկ և ոչ թե հարյուրավոր ցուցարարներ`ինչպես գրել են հայկական ու թուրքական քարոզչական մի քանի կայքեր:

Առավոտյան 10: 18-ին.Երթևեկությունն աստիճանաբար վերականգնում է  A7 մայրուղում երկու ուղղություններով, ինչպես և ազգային 7-ում, որը գերբեռնված էր առավոտյան հենց սկզբին:

10:37 Միայն մեկ  տուժող ում կյանքին համեմատաբար վտանգ է սպառնացել` տեղափոխվել է հիվանդանոց: Հաղորդվում է, որ եւս երեք մարդ  շատ թեթեւ վնասվածքներ են ստացել, որոնք հրաժարվել են նախնական բժշկական օգնությունից: Հետաքննությունը, հետևաբար, պետք է պարզի՝ նրանք ինչ հանգամանքներում են վիրավորվել:

Առավոտյան 11: 31-ին. Հայանպաստ այս ցույցերը տեղի են ունենում հոկտեմբերի 16-ից: Առաջինը Ֆրանս-Շվեյցարական սահմանին  էր, ավելի ճիշտ `Բարդոննեքս մաքսակետում,  մեկուկես ժամ արգելափակված էր երթևեկությունը:

Իշխանություններն այժմ մտավախություն ունեն, որ առաջիկա օրերին կկատարվեն նման բնույթի այլ գործողություններ ՝ հասարակության կարծիքը Լեռնային Ղարաբաղում ընթացող հակամարտությանն ուղղելու համար:

14: 17-ին. Reventin-Vaugris հատվածում այս առավոտյան տեղի ունեցած միջադեպից հետո, Օվրեն-Ռոն-Ալպեր ավտոճանապարհի CRS- ի քննիչները վկաներին հրավիրում են, որպեսզի հայտնաբերեն բռնության հեղինակներին, նաև խնդրել  են տուժողներին  այդ մասին հայտնել, եթե կան այլ իրեր ու ապացույցներ զեկուցել իրենց, հրավիրվում է կապ հաստատել 04 72 47 20 60 հեռախոսահամարով:

16:00:  Ըստ ավտոմայրուղուց օգտվող ու ցույցից զարմացած հաճախորդների նկարահանած տեսանյութերի հաշվել են շուրջ 80 հայ ցուցարարների: Ցուցանիշ, որը շատ ավելի բարձր է, քան հայտարարվել է պրեֆեկտուրայի կողմից, բայց նույնքան ցածր է, քան քարոզչական կայքերն են փոխանցել:

Առաջին կես ժամվա ընթացքում հայկական համայնքից տասնյակ մարդիկ արգելափակել են երթևեկությունը երկու ուղղություններով ՝ շատ դրոշներով, ծխային ռումբերով և Էրդողանի դեմ ուղղված կարգախոսներով: Իրենց վիրավորված զգալով  թուրքական համայնքի մի քանի անդամներ, հիմնականում բանվորներ, ովքեր նույնպես մնացել էին բողոքի ցույցի խցանումներում, կապ հաստատեցին մյուս անդամների հետ: Սրանք տեղ հասան որպես օժանդակողներ իրենց ֆուրգոններից մուրճանման  գործիքներ հանեցին ու Հենց այդ ժամանակ էլ սկսվեցին բախումները:

17: 40-ին. Առավոտ վաղ  երկու համայնքների միջև լարվածությունը փոխոխության ենթարկվեց Վիեննի հիվանդանոցում, որտեղ մուրճի հարված ընդունած հայ համայնքի  երիտասարդը  հոսպիտալացվել էր: Երբ թուրքական համայնքից ինչ-որ մեկը այստեղ եկավ բուժման, հայացքներ փոխանակվեցին հայկական կողմում գտնվող տասնհինգ հոգու հետ: «Ոչ մի կռիվ, ոչ մի խոսք չի փոխանակվել, թեև լարված  էր մթնոլորտը», - հայտնել է ոստիկանությունը, որը հրավիրել է բոլորին, բացի տուժողի ծնողներից ու քրոջից հեռանալ այդ վայրից:

«Նիդերլանդական օրագիր»

Le Dauphiné Libéré Ֆրանսիայի հարավային տարածաշրջանային թերթ է: Թերթը հիմնադրվել է 1945 թվականին Թերթի տպաքանակը մոտավորապես 303.500 օրինակ է, կենտրոնակայանը տեղակայված է Գրենոբլ քաղաքում

Օգնում ենք Հայաստանին «Հայաստան» համահայկական հիմնադրամի միջոցով

Հանգանակեք 300եվրո Armeniefonds Nederland և պատմեք ձեր ընկերության մասին հոլանդահայությանը՝ «Նիդերլանդական Օրագրի» էջերում։

Վճարման մանրամասները՝ կից պաստառում։

Նիդերլանդահայ LEKKER IJSJE ընկերությունը` Հայաստանին և երեխաներին

«Նիդերլանդական Օրագիրը», համագործակցելով Նիդերլանդներում «Հայաստան» համահայկական հիմնադրամի հետ, շարունակում է իր՝ «ՆԻԴԵՐԼԱՆԴԱՀԱՅ ԳՈՐԾԱՐԱՐՆԵՐԸ» խորագրով էջը։ Նպատակն է նիդերլանդահայ համայնքին տեղեկացնել Նիդերլադներում գործող մեր հայրենակիցների ղեկավարած ընկերությունների, պատմել նրանց գործունեության մասին և միավորել նրանց՝ տրամադրելով տեղեկատվական օգնություն օնլայն հարթակում։

Նիդերլանդահայ LEKKER IJSJE ընկերությունն ուրախություն է պարգևում Նիդերլանդների փողոցներում թե՛ մեծերին, և թե՛ փոքրերին։ Շարժական ուրախ և երաժշտական ավտոբուսը իտալական համեղ պաղպաղակ է վաճառում։ Ընկերությունը գործում է արդն երեք տարի։ Ֆոտոռեպորտաժից կարելի է պատրեկացնել, թե ինչ խանդավառությամբ և հնարամտությամբ են մոտենում իրենց գործին մեր հայրենակիցները։

«Համեղ» ավտոբուսը դիմավորեք Volendam-ում, Purmerend-ում, Heerhugowaard-ում և մի շարք այլ գյուղերում և փոքր քաղաքներում։

Կոնտակտային ինֆորմացիա՝

Էլ. փոստ՝ Lekkerijsje37@gmail.com

Հեռ՝: 0684358405

Մեր երախտագիտությունն ենք հայտնում LEKKER IJSJE ընկերությունը «Հայաստան» համահայկական հիմնադրամի Նիդերլանդների գրասենյակին մասնաճյուղին 300 եվրո հանգանակելու և Նիդերլանդական Օրագրի «ՆԻԴԵՐԼԱՆԴԱՀԱՅ ԳՈՐԾԱՐԱՐՆԵՐԸ» բարեգործական տեղեկատվական նախաձեռնությանը մասնակցելու համար։

Հ.Գ. Հրավիրում եք Ձեզ դառնալ այս նախաձեռնության հաջորդ մասնակիցը, կատարել հանգանակություն Հայրենիքի համար և «Նիդերլանդական Օրագրի» բազմահազար ընթերցողներին պատմել Ձեր ընկերության մասին: Գովազդի պայմանների մասին` հոլանդերեն և հայերեն լեզուներով. https://www.facebook.com/NidOragir/posts/3558035420927836

https://www.facebook.com/NidOragir/posts/3541424582588920

Թուրքիան ապակայունացնող գործոն 28.10.2020

 Եվրոպա, աշխարհ, երկրներ որտե՞ղ եք նայում...

28.10.2020

Էրդողանը բացահայտ տեռորիստական ճնշումներ է գործադրում Ֆրանսիայի դեմ`ապրանքների բոյկոտ, իսլամիզմի տրամադրությունների բորբոքում: Սա մարտահրավեր է նաև Եվրամիությանը, քաղաքակիրթ աշխարհին ու առաջավոր մարդկությանը: Դեռ վաղուց էինք լսել, որ թուրք-խալիֆը ցուցումներ է տվել գորշ բաշիբոզուկներին անկարգություններ հրահրել Եվրոպայի հայկական համայնքներում: Ահա այսօր արդյունքը տեսանք: Հայ ցուցարարները, երբ Լեոնին մոտ մայրուղում իրենց խաղաղ բողոքն էին արտահայտում թուրք-ադրբեջանական ագրեսիայի դեմ հակառակ երթևեկության գոտուց դանակով, մուրճով և այլ զենքերով հարձակվում են հայերի վրա: Կասկած կա, որ նրանք Ֆրանսիայի թուրքեր էլ չեն:  Միառժամանակ Արցախում հրթիռակոծվում են ծննդատունն ու կենսապահովման օբեկտները:Միառժամանակ տեղեկանում ենք, որ թուրքալեզու երկրները ներքին պայմանավորվածություններ են ձեռք բերում` թեև սա նորություն չէ: Աքարը առաջին անգամ ժամանեց Ղազախստան, որտեղ բանակցություններից հետո ստորագրվեց ռшզմшկшն և ռшզմшտեխնիկական համագործակցության մասին համաձայնագիր:

Եվրոպա, աշխարհ, երկրներ որտե՞ղ եք նայում...

Hay Azian

[ARM] «Սմերչ» համազարկային կրակի ռեակտիվ համակարգով Ադրբեջանը հրետանակոծել է Շուշին և Ստեփանակերտը, թիրախավորվել է Արցախի մայրաքաղաքի ծննդատունը:[ENG] The city of Shushi after Azerbaijani attack with a Smerch multiple rocket launcher: there are 2 wounded and 1 casualty among peaceful civilians. Azerbaijan also targeted Stepanakert Maternity Hospital.[RUS] Город Шуши после обстрела реактивной системой залпового огня "Смерч". Среди гражданского населения есть один погибший и двое раненых. Роддом Степанкерта после целенаправленного обстрела со стороны Азербайджана.

This morning, during a rally organized by the Armenian community in France in favor of the recognition of Artsakh, a group of Turks attacked Armenian demonstrators with knives, batons and hammers. According to preliminary information, about 10 Armenians were injured, including a woman and a child. The condition of the young man who was hit by a hammer is assessed as severe.Сегодня утром во время акции армянской общины Франции, призывающей признать Арцах, группа турок с ножами, дубинками и молотками напала на армянских демонстрантов. По предварительным данным, ранения получили около 10 армян, в том числе женщина и ребенок. Состояние армянина, получившего удар молотком, оценивается как тяжелое.

Սփյուռքի Գլխավոր Հանձնակատարի Գրասենյակ Diaspora High Commissioner's Office

[ARM] Այսօր առավոտյան Ֆրանսիայում հանուն Արցախի ճանաչման ակցիայի ընթացքում հայ ցուցարարները հարձակման են ենթարկվել մի խումբ ազգությամբ թուրքերի կողմից: Նրանք հայերի նկատմամբ կիրառել են դանակներ, մահակներ և մուրճեր: Ըստ նախնական տեղեկությունների՝ վիրավորվել է մոտ 10 հայ, այդ թվում՝ կին և երեխա։ Մուրճի հարված ստացած հայ երիտասարդի վիճակը գնահատվում է ծանր:

[ENG] This morning, during a rally organized by the Armenian community in France in favor of the recognition of Artsakh, a group of Turks attacked Armenian demonstrators with knives, batons and hammers. According to preliminary information, about 10 Armenians were injured, including a woman and a child. The condition of the young man who was hit by a hammer is assessed as severe.

[RUS] Сегодня утром во время акции армянской общины Франции, призывающей признать Арцах, группа турок с ножами, дубинками и молотками напала на армянских демонстрантов. По предварительным данным, ранения получили около 10 армян, в том числе женщина и ребенок. Состояние армянина, получившего удар молотком, оценивается как тяжелое.