ԻՆՉ ՏԱՐԲԵՐՈՒԹՅՈՒՆ ԿԱ ԱԴՐԲԵՋԱՆՑԻՆԵՐԻ ՈՒ ՀԱՅԵՐԻ ՄԻՋԵՎ

Այս վերնագիրը դնելուց առաջ երկար եմ  մտածել, նույնիսկ  անհարմար զգացել` մանավանդ համեմատության եզրեր էլ չկան, մեր ինտելեկտուալ կարողություններն անգամ քննարկման ենթակա չեն, բայց թողեցի այդպես` անփոփոխ, շեշտադրելու, համեմատելու  մեր ու  նրանց գործունեության դաշտի տարբերությունները:

  Սկզբում եղանք ֆրանսիայի Նիցցա (#Nice)  քաղաքում, հետո  նոր  միայն այցելեցինք Կան (#Cannes), բայց սկզբում պատմելու եմ Կանի մասին, քանի որ հենց այստեղ  ականատեսը եղանք ադրբեջանցիների  ''ջանքերով'' բացված ցուցահանդեսին,  ու  իմ  մեջ միտք առաջացավ  մեր ու  նրանց միջև եղած տարբերության մասին խոսելու:

Այսպես` այցելության 3-րդ օրը, Հուլիսի 29-ին (2019), եղանք Նիցցայից մոտ 35 կմ հեռավորության վրա գտնվող, բավական հայտնի՝  կինոփառատոնային,  առողջարանային համբավ ունեցող Կան քաղաքում: Ընդհանրապես աշխարհին հայտնի այս քաղաքը փառատոնների անցկացման պակաս չի զգում: Հանրահայտ կինոփառատոնից բացի, 75 հազ. բնակչություն ունեցող այս քաղաքում անց է կացվում  առյուծների (Lions) միջազգային գովազդային ամենահեղինակավոր փառատոնը` կրճատ IAF,  որը տևում է 5-ից 7 օր, անցկացվում է ամեն տարի ՝ սովորաբար հունիսի երրորդ շաբաթվա ընթացքում: Գործում են ամենամյա ցուցահանդեսներ, ինչպիսիք են` MipTV / Milia հեռուստատեսային հեռարձակման, աուդիո-վիդեո տեխնոլոգիաների ոլորտում արտադրողների, գնորդների և դիստրիբյուտորների առաջատար ամենամյա համաշխարհային ֆորում-ցուցահանդեսը, այն առաջարկում է ծանոթանալ թվային բովանդակության և ինտերակտիվ տեխնոլոգիաների հետ կապված վերջին զարգացումներին: Հաջորդը` MIDEM երաժշտական աուդիո արտադրանքի և MAPIC  անշարժ գույքի միջազգային ցուցահանդեսներն  են: Ահա հենց այս քչից-շատե  հայտնի քաղաքում, ամեն գնով` ինչպես հետո պարզեցի, դեռ տարեսկզբից բնավորվել-տնավորվել է ադրբեջանական Գեյդարիչի ֆոնդը: 

 ի՞նչ ունեն Կաննում ցուցադրելու ադրբեջանցիները

 «Հեյդար Ալիև» Հիմնադրամը   դեռ այս տարվա սկզբից  վարձակալել է Gare maritime (Ծովային կայան) սրահը:  Ազերիները ամենուր փորձում են երևալ, աչքի ընկնել: Սրանք ուշադրության ահռելի պակաս ունեն ու  նաև այդ էր պատճառը, որ չթաքցնող ուրախությամբ, ինչպես պարզվեց, իր օգնականի հետ մեզ դիմավորեց  հիմնադրամի գործադիր տնօրեն Անար Ալակբարովը և մեզ ուղեկցելու իր օգնությունն առաջարկեց, որից քաղաքավարությամբ հրաժարվեցինք` թողնելով սառած դեմքի կեղծ ժպիտը: Ցուցահանդեսն ուներ այսպիսի խորագիր` «Նոր բացահայտումներ.  ադրբեջանական գորգագործության նոր մոտեցումները»:  Իբր, իրենց մեկ դար հասնող պատմությամբ հինն  են ունեցել,  հիմա էլ նորն են  բացահայտում 🙂: Ցուցադրվում էր 13 գորգ: Ներսում միակ այցելու էինք, կռվող քոչվոր հեծյալներ, նոր, անճաշակ ձևավորումով գորգեր ու էսքիզներ, ահա այսպիսի անորոշ պատկերներով ադրբեջանական գորգեր` Կանի ցուցահանդես սրահում:

Ադրբեջանի ներկայացրած քարտեզն ու ցուցադրած գորգերը

Անմարդաշատ դատարկ սրահում արժեքավոր ու անսովոր բան չգտանք,  բացի քոչվորի, զենքի, մեկ էլ նռան պատկերով անհետաքրքիր ու անիմաստ ձևավորված գորգերից, մեկ էլ իրենց հատուկ գաղտնի ծածկագրերից, օրինակ` պատկերված քարտեզին Արցախի մայրաքաղաքը այլ անունով,  գորգերի պատկերներում քրիստոնեության խորհրդանիշ ձուկը ոտնակոխ եղած, Թուրքիայի դրոշ և նման  բաներ: Շնչահեղձ լինելով դուրս եկանք այս նավթաբույր տարածքից: Պարզեցինք, որ ցուցահանդեսի ամենամարդաշատ օրը բացումն է եղել` Կաննի քաղաքապետի տեղակալն  ու նրա հետ մոտ 2 տասնյակ մարդիկ:

 Զարմացա, երբ երեկոյան  Gare maritime-ի մոտ հերթ կանգնած մարդկանց տեսա: Երբ ինքս ինձ մտածում էի. «ախր ի՞նչ են  նայելու այս  մարդիկ այստեղ», երբ աչքիս զարնեց ցուցասրահի  այս  մասում  կանանց և տղամարդկանց զուգարանների տարբերանշաները: Հասկանալի էր, մարդիկ հերթ էին կանգնել զուգարան մտնելու և իրենց կարիքները հոգալու, քան այս անհրապույր ցուցահանդեսը դիտելու:

Երեկոյան Կանում հրավառության փառատոն էր, որին մասնակցում է տարեկան 200 հազ. մարդ, իսկ կարպետների, կամ գորգերի ցուցադրման սրահն այդպես էլ դատարկ մնաց` այդպես հավանաբար մինչև տարևերջյան  օրեր: Ադրբեջանական ժողովրդի նավթային դոլարները հենց այսպես էլ շռայլվում են:

Ադրբեջանը  հենց այսպես պետականորեն, մեծ գումարներ ծախսելով քարոզչություն է իրականացնում Եվրոպայում և ամբողջ աշխարհում: Հիշու՞մ եք Ալիևի արձանների տեղադրման բումը` աշխարհով մեկ, որն ավարտվեց ձախողմամբ, կամ արհեստականորեն, պետական ֆինանսավորմամբ ստեղծված ու քարոզչամեքենային հարմարեցված «Քարաբախ» ֆուտբոլային թիմը, որի վերջերս Լյուքսեմբուրգում ունեցած խաղին  օդում կախվեց ԻՍԿԱԿԱՆ Ղարաբաղի դրոշը: Ահա հենց այստեղ էլ ուզում եմ ընդգծել  հայերի ու ադրբեջանցիների տարբերությունը: Եթե վերջիններս ամենուրեք հակահայ քարոզչություն են  ծավալում ՊԵՏԱԿԱՆ  մակարդակով ու միջոցներով, հայերն այն չեզոքացնում են` զուտ անհատապես գործելով, սեփական անձնական նախաձեռնությունների հաշվին: Բայց այդպես մինչև ե՞րբ կարող ենք դիմակայել մի ամբողջ պետության քարոզչամեքենային:

  Նորից գանք Կանում Ադրբեջանի ցուցահանդեսին: Շուտով տարևերջին Կանի Gare maritime (Ծովային կայան) սրահի  դիրեկցիան Ադրբեջանի «Գեյդար Ալիև» ֆոնդից կկորզի մի  կլորիկ գումար ու կասի` ՑՏԵՍՈՒԹՅՈՒՆ, գնաք բարով ու կրկին ''բարով'' հանդիպենք:  ԴՐԱ   փոխարեն ֆրանսիայի այս տարածաշրջանում բնակվող  մեր հայրենակից Ալբերտ Մխիթարյանի 1999 թվականին Նիցցայի եկեղեցական խորհրդի պատվերով ստեղծած 2 մետր բարձրություն ունեցող խաչքարն ու Նիցցայի Աստվածամոր տաճարի գլխավոր շքամուտքի հարթաքանդակը, ինչպես նաև հենց նույն  Կանում Կրուազետի պողոտայի  «Հայկական այգում»  Օսմանյան Թուրքիայում 1915 թվականի Հայոց ցեղասպանության զոհերի եւ երկու աշխարհամարտերի ընթացքում հանուն Ֆրանսիայի զոհված հայերի հիշատակին նվիրված հուշարձանը ՄՇՏԱՊԵՍ ցուցադրություն Է Նիցցայի ու Կանի բնակիչներին, զբոսաշրջիկների ուշադրության կենտրոնում է:

Իրոք համեմատության եզրերն այս առումով հայերի ու ադրբեջանցիների միջև անտեղի է: Բայց այնուամենայնիվ ձգտում են իրենց ներկայացնել: Մեր անելիքն էլ  ՀԱՅԿԱԿԱՆ ՆԵՐՈՒԺԸ ՊԵՏԱԿԱՆ ՏԱՆԻՔԻ ՏԱԿ ՆԵՐԱՌԵԼՆ Է, միավորված ու  միասնական ջանքերով ավելի  ուժեղ կլինենք: Մտածել է պետք...

Մյուս անգամ կդիտենք Նիցցայի տեսարժան վայրերը:

#Նիդ_օրագիր

Ալբերտ Մխիթարյանի 1999 թվականին Նիցցայի եկեղեցական խորհրդի պատվերով ստեղծած 2 մետր բարձրություն ունեցող խաչքարն ու Նիցցայի Աստվածամոր տաճարի գլխավոր շքամուտքի հարթաքանդակը

Կանում Կրուազետի պողոտայի «Հայկական այգում» :

Կանում Կրուազետի պողոտայի «Հայկական այգում» Օսմանյան Թուրքիայում 1915 թվականի Հայոց ցեղասպանության զոհերի եւ երկու աշխարհամարտերի ընթացքում հանուն Ֆրանսիայի զոհված հայերի հիշատակին նվիրված հուշարձանը

Հաագայի «Դեսպանատան փառատոնին» Հայաստանը ևս մասնակցելու է

Համաշխարհային մշակույթի ալիքը`  «Դեսպանատան փառատոնի» շրջանակում երկու օր կթևածի Հաագայում: Այն անցկացվելու է արդեն 7-րդ անգամ, այս տարվա սեպտեմբերի 6-ին`  շաբաթ, և սեպտեմբերի 7-ի կիրակի օրերին, գեղատեսիլ Լանգ Վորհաութում  (Lange Voorhout): Փառատոնը նշանակալի  դարձավ 2018 թվականից, երբ ավելի քան 60 դեսպանատներ միացան մշակութային  այս տոնին եւ իրենց երկրների փորձով ու ավանդույթով կիսվեցին ներկա բոլոր հյուրերին ու այցելուներին:

 Մշակույթների  փառատոնում ներկայացվելու են փոփ, ջազ, ժողովրդական եւ դասական   երաժշտություն,  խոհանոցի հարուստ ուտեստներ, թատրոն, գրականություն, նորարարական արվեստ: Մի  խոսքով բոլոր  ներկա գտնվողները  մշակույթի ուսումնասիրության միջոցով  կօգտվեն տարբեր, անվճար ծրագրերից, այն հետաքրքիր կլինի բոլոր տարիքային խմբերի մասնակիցներին:  Երկու օր զբոսնելով Lange Voorhout-ի ծառապատ  այգու երկայնքով ու շրջագայելով տարբեր երկրների տաղավարներով  մասնակիցները կծանոթանան աշխարհի տարբեր անկյուններում արարված գեղեցիկի և մարդկայինի ներդաշնակությանը:


Ի թիվս այլ երկրների, փառատոնին իր  ներկայությունն է ապահովվելու  Հայաստանը: «Դեսպանատան փառատոնին» մեր  դեսպանության կազմակերպությամբ ներկայացվելու  են Հայաստանի մշակույթն ու խոհանոցը, ձեռագործ աշխատանքները, հուշանվերներ, մետաքսե վզկապեր, խեցեղեն, լեռնային բուսաթեյ,  հայկական տարբեր տեսակի ապրանքանմուշներ:

Խոհարարական մասում հայկական կողմը իր այցելուներին  մատուցել, ներկայացնելու  է հայտնի հայկական խորոված ու այլ ուտեստներ` ավանդական լավաշով, հայկական քաղցրավենիք եւ չոր միրգ:
Հայ  երգն  ու պարը ներկայացնելու են Հաագայի «Աբովյան» մշակութային միության սաները:
«Դեսպանատան փառատոնում» հայկական տաղավարը նույնպես կազմ ու պատրաստ  ընդունելու և ողջունելու  է բոլոր այցելուներին, նրանց հետ  կիսելու է զարմանահրաշ հայկական  մշակույթի ու խոհանոցի նմուշներով` անկրկնելի պահեր պարգևելով բոլորին:
Nid.oragir

 Փառատոնի  մասին` դեսպանության էջում
https://www.facebook.com/events/338480427084737/

Կիպրոսում «Մելքոնյան Վարժարանը» պետք է վերաբացվի

Եվրոպայի հայերի համագումարի հայտարարությունը

Միանալով աշխարհով մեկ սփռված «Մելքոնյան» վարժարանի շրջանավարտ մեր հայրենակիցների բողոքին՝ Եվրոպայի Հայերի Համագումարը իր անվերապահ զորակցությունն է հայտնում իրենց ինքնությունը եւ մայրենի լեզուն պահելու համար ոտքի ելած մեր պայքարող հայրենակիցներին, որոնք բողոքում են Հայ Բարեգործական Ընդհանուր Միության (ՀԲԸՄ)  կողմից դպրոցի փակման որոշման դեմ եւ պահանջում այս հույժ կարեւոր կրթական օջախի վերաբացումը:

Միանալով Մելքոնյանցիների արդարացի բողոքին՝ կրկնում ենք, որ Հայաստանում թավշյա հեղափոխությունից հետո ակնկալում ենք նաև արմատական փոփոխություններ Սփյուռքում, և չի կարելի թույլ տալ սպիտակ եղեռնի իրականացումը:

Ականատես ենք լինում, թե ինչպես է օրինակ Սպահանի Հայոց թեմի թեմական խորհրդի որոշումով փակվում Շահինշահր քաղաքի հայոց միակ՝ «Սրբոց վարդանանց» դպրոցը, մինչդեռ մեծ գումարներ է հատկացվում Սպահանի դաշնակցության ենթակա միության բազմահարկ նոր կենտրոնատեղի կառուցելու համար:

Անհիմն պատճառաբանություններով մեկը մյուսի ետեւից տարբեր տեղերում փակվում են հայկական կրթական օջախները:

Ականատես ենք լինում, թե ինչպես, սփյուռքում ավանդական որոշակի  կառույցներ, թավշյա հեղափոխությունից դասեր քաղելու փոխարեն, մտածում են միայն իրենց կուսակցական նեղ շահերի համար եւ համայնքին ու ընդհանուրին պատկանող հարստությունը ծառայեցնում իրենց խմբակային նեղ շահերին:

Օրինակները ամենուրեք են եւ բազմաթիվ:

Տասնյակ տարիներ է ինչ սփյուռքի տարբեր երկրներում եւ համայնքներում  քարոզվում է եւ գործում, ոչ թե' ազգային ու հայրենական ոգին, այլ՝ ազգայինի քողի տակ կուսակցական եւ հատվածապաշտական գաղափարախոսությունը:

Թավշյա հեղափոխությունը մեծ հույսեր է արթնացրել սփյուռքի բազմամիլիոնանոց հայության սրտերում եւ ժամանակն է, որ միահամուռ եւ միասնական ուժերով վերակազմակերպվելու եւ թավշյա հեղափոխության շնչով, ո'չ ասելու սփյուռքյան մենաշնորհին, անարդարությանը, պառակտումին, արատավոր երեւույթներին եւ կուսակցամոլությանը:

Սփյուռքում աշխատող բոլոր կառույցները պետք է աշխատեն համահայկական և համազգային համընդհանուր շահերի շրջանակներում:

Եվրոպայի հայերի համագումար

09  հուլիսի 2019 թ.

Ուփսալա – Շվեդիա

Փնտրում են Հայրենականում զոհվածների հարազատներին

Նիդերլանդների Թագավորությունում Հայաստանի Հանրապետության դեսպան Տիգրան Բալայանին է դիմել Լեյսդենում  Խորհրդային զինվորների հիշատակի (Stichting Russisch Ereveld)    հիմնադրամը:  Այդ հիմնադրամի քարտուղար Ռեմկո Ռեյդինգը (Remco Reiding)  դեսպանին առաջարկ է արել, որպեսզի հոլանդահայ համայնքի ներկայացուցիչներն իրենց խնամակալության ներքո  վերցնեն Լեյսդենի եղբայրական գերեզմանոցում գտնվող հայ զինվորների  գերեզմանները ։  Հիմնադրամին փոխանցվող օգնությունը նախատեսում է  գերեզմանների բարեկարգման,վերանորոգման աշխատանքներ՝  այն պատշաճ մակարդակին պահել, պահպանելու համար: Այստեղ  գերեզմաններին հոգ տանելուց զատ մեծ աշխատանք է տարվում հայտնաբերելու անհայտ զինվորին, պարզելու  նրա  ինքնությունը, կապ  հաստատելու նրա հարազատների հետ, կազմակերպելու  նրանց այցելությունը զինվորի շիրիմին:
Ինչպես պարզեցինք` Նիդերլանդների Ամերսֆորտ քաղաքի մոտ «Խորհրդային փառքի դաշտում» թաղված են և տարբեր ժամանակներում վերահուղարկավորված են 865 նախկին Խորհրդային Միության զինվորներ: Գերիներն հիմնականում եղել են կենտրոնական Ասիայի Խորհրդային հանրապետություններից, որոնց այստեղ են տեղափոխել 1941թ  հենց պատերազմի սկզբից: Առաջին 77 հոգու մասսայական գնդակահարությունը տեղի է  ունեցել 1942 թ. Ապրիլի 9-ին:  Դա Երկրորդ համաշխարհային պատերազմի ժամանակ Նիդերլանդներում ամենախոշոր մահապատիժներից մեկն էր: Հենց այս տեղանքում  ավելի ուշ  տեղադրվել է հուշարձան: Սկսած 2012թ. «Խորհրդային փառքի դաշտ»  հիմնադրամը անցկացնում է ամենամյա հիշատակի արարողություն:
Պատերազմից հետո իշխանությունները որոշեցին  Մարգրեթենում ստեղծել ամերիկյան զինվորների մշտական ​​հուշահամալիր, այդ պատճառով ևս 101 խորհրդային զինվորի աճյուն այնտեղից տեղափոխվել է «Խորհրդային փառքի դաշտ»: 1948 թ. Նոյեմբերի 18-ին  «Խորհրդային փառքի դաշտը» պաշտոնապես բացվել է Նիդերլանդների պաշտպանության նախարար Վ.Ֆ. Սխոկինգի կողմից:  Այսպիսով, Ամերսֆորտը դարձավ Խորհրդային Միության  զոհված զինվորների  հավաքատեղի: Այստեղ  է տեղափոխվել ևս 73 մարդու մասունքներ, որոնք  ստիպված ծառայել  են գերմանացիներին: Հիմնականում հենց այս մարդկանց մեջ են եղել հայեր ու  նաև վրացիներ: Շատերի ինքնությունը պարզված չէ: Մեր ընթերցողին հիշեցնենք, որ  ֆաշիստների կողմից գնդակահարված 7 հայերի մի գերեզման էլ կա Միդելհարնիսում, որտեղ ամեն  տարի տեղի իշխանավորների հետ հիշատակի  տուրք են մատուցում հայոց դեսպանն ու հայկական համագործակցող կազմակերպությունների ներկայացուցիչները:
 Փորձեցինք հիմնադրամի կայքից փնտրել և առանձնացնել հայազգի զինվորների:

 Այսպես  Հիմնադրամն այս պահին փնտրում է 1907 թ. Արմավիրի (Հոկտեմբերյան) մարզում ծնված ԲԱԲԿԵՆ ՀԱՐՈՒԹՅՈՒՆՅԱՆԻ հարազատներին: Նշված է նաև 1918թ ծնված ՀՄԱՅԱԿ ՍՏԵՓԱՆԻ ԶԱԽԱՐՅԱՆԻ (ЗАХАРЬЯН Амаяк Степанович (?)) անունը:
Անհրաժեշտ տեղեկություններ ունենալու դեպքում, խնդրեմ, կարող եք հայտնել  Հայաստանի դեսպանությանը, ՆԻԴԵՐԼԱՆԴԱԿԱՆ ՕՐԱԳՐԻՆ, կամ էլ ստորև նշված հասցեներով:

Դեսպանի նամակին`  Լեյսդենում  Խորհրդային զինվորների հիշատակի (Stichting Russisch Ereveld)  հիմնադրամին, առաջիններից մեկը  արձագանքեց Ամստերդամի Սբ.Գրիգոր Նարեկացի հիմնադրամը` ի  դեմս  նախագահ Վահան Ավագյանի, նա ողջունել է  առաջարկը և պատրաստակամություն հայտնել համագործակցել հիմնադրամի հետ:

 Լեյսդենում  Խորհրդային զինվորների հիշատակի (Stichting Russisch Ereveld)    հիմնադրամի գործունեությանն ավելի մոտիկից ծանոթանալու համար կարող եք  այցելել կազմակերպության կայք`  http://sovjet-ereveld.nl/ , կամ գրել info@russisch-ereveld.nl էլ.փոստին
«Նիդ.օրագիր »

 Ռեմկո Ռեյդինգի նամակն 
ուղղված դեսպան Տիգրան Բալայանին։

Dear Mr. Ambassador,

Thank you for your sincere interest in the Soviet Field of Honour in 
Leusden and the Armenian World War II casualties who have been buried 
there.

Our Foundation is trying to keep the memory of these soldiers alive. We 
have been identifying soldiers, tracing relatives and organizing visits 
to the graves since 1998. We are organizing memorial days, yearly we 
place flowers and photos of soldiers in May and candles on Christmas 
Eve.

We are hoping to find 865 people who want to adopt a soldier and his 
grave, so that all soldiers will no longer be forgotten. More than 500 
soldiers have now become sponsors, but still xx Armenian soldiers can be 
adopted. The yearly contribution of 50 euros is used for all the goals 
mentioned above.

We would be very grateful if you could find such sponsors among the 
Armenian diaspora, Armenian companies or others who are willing to 

support our humanitarian goals.

Նիդերլանդների կիրակնօրյա հայկական դպրոցներում ամառային արձակուրդներ են

Նիդերլանդների հայ  համայնքների  կիրակնօրյա դպրոցներում հիմնականում ավարտվել են տարևերջյան դասերը և  մեկնարկելու են ամառային  արձակուրդները: ՈՒսումնական  տարին վերջինը փակողների թվում են Ամստերդամի  և Հաագայի  հայկական դպրոցները: Եթե անցած կիրակի, հուլիսի 7-ին,  Սբ. Գրիգոր Նարեկացի կիրակնօրյա դպրոցի 150-ից ավելի անձնակազմը` աշակերտներ, ծնողներ, մանկավարժներ, եկեղեցու անդամներ, հյուրեր, արդեն հինգերորդ անգամ բացօդյա հանդուպում-հավաք էին կազմակերպել , ապա  Հաագայի Աբովյան մշակութային միության սաների նմանօրինակ միջոցառումը կայանալու է հաջորդ կիրակի` հուլիսի 14-ին  ժամը 16-ին:  Աբովյանցիներն  այդ օրը  կանդրադառնան 2018–2019 ուսումնական տարվա աշխատանքներին, կունենան ազատ բեմի հնարավորություն` երգ, պար, աշխույժ երաժշտություն։ Միջոցառումից հետո Աբովյան միության կենտրոնը փակ կլինի 2019 թ. հուլիսի 15-ից մինչև օգոստոսի 24-ը, իսկ սբ. Գրիգոր Նարեկացի կիրակնօրյա դպրոցի հերթական` նոր ուսումնական տարվա դասերը կսկսեն սեպտեմբերի 8-ին: Հավելենք, որ Սբ. Գրիգոր Նարեկացի հիմնադրամի սաների կատարած մյուս լավ գործերի ու  նախաձեռնությունների մասին  շուտով ավելի մանրամասը տեղյակ կպահի www.narekatsi.nl կայքը:

Թումանյանը հոլանդերենով

Ինչպես հայտնի է Ամենայն Հայոց բանաստեղծ  Հովհաննես Թումանյանի և Մեծն Կոմիտասի  150-ամյակները ՅՈՒՆԵՍԿՕ-ն ներառել է հռչակավոր մարդկանց 2018-2019 թթ. օրացույցում: Նիդերլանդների հայկական համայնքներն  այս  կապակցությամբ  զգալի աշխատանքներ են կատարել` տարբեր քաղաքներում կազմակերպելով  մեր մշակութային մեծերին նվիրված տարբեր միջոցառումներ: Գլխավորն  այնուհանդերձ Նիդերլանդացի գրասեր հասարակայնությանը մեր մեծերին ներկայացնելու խնդիրն էր կարևոր, որն էլ  պատվով նախաձեռնեց Նիդերլանդների Թագավորությունում Հայաստանի  դեսպանությունը: Դեռ տարեսկզբին դեսպան Տիգրան Բալայանը` հայ համայնքի ներկայացուցիչների հետ  մշակութային և կրթական հարցերի քննարկման ժամանակ խոստացավ այս ուղղությամբ գործնական քայլեր անել:
Ինչպես հիմա տեղեկանում ենք`  Թումանյանի հեքիաթների հոլանդերեն հրատարակության  նախագիծը իրականացման փուլում է։ Թարգմանությունն արդեն կատարվել է նիդերլանդացի հայագետ Anna Maria Mattaar-ի կողմից , գիրքը ներառված է Rubinstein հրատարակության աշնանային հրատարակությունների ցանկում։ Նախագծի հովանավորն է Ամստերդամում ՀՀ պատվավոր հյուպատոս Ռոբերտ Զիկը։ Թարգմանությունն իրականացվել է ՀՀ Կրթության, գիտության, մշակույթի, երիտասարդության և սպորտի Նախարարության օժանդակությամբ։
 Թումանյանի հեքիաթների հոլանդերեն տարբերակը հասանելի կլինի Նիդերլանդների գրախանութներում և գրադարաններում: Այսպիսով Թումանյանի ստեղծագործությունները ի թիվս այլ լեզուների շուտով լույս կնծայվի նաև հոլանդերենով:

Մեկնարկեց ՀԵՀԵՄ համահայկական երիտասարդական ուխտագնացությունը

Մայր Աթոռ Սուրբ Էջմիածնից Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ մեկնարկեց Հայ Եկեղեցու Համաշխարհային Երիտասարդական Միավորման (ՀԵՀԵՄ) «Դեպի Սուրբ Էջմիածին, դեպի սրբազան Արցախ» ուխտագնացությունը, որին մասնակցում է Հայաստանի, Արցախի և Սփյուռքի թեմերից ժամանած շուրջ 250 եկեղեցասեր երիտասարդ:
ՀԵՀԵՄ հոգևոր տեսուչ և Կենտրոնական գրասենյակի տնօրեն Հոգեշնորհ Տ. Թովմա վարդապետ Խաչատրյանը, մասնակիցների անունից ողջունելով և իր որդիական սերն ու խոնարհումը բերելով Վեհափառ Հորը, նշեց,որ աշխարհասփյուռ թեմական կառույցներից երիտասարդները ուխտավորաբար եկել են Մայր Աթոռ՝ ստանալու Հայոց Հովվապետի օրհնությունն իրենց ուխտի ճանապարհը սկսելուց առաջ:
Երիտասարդներին ողջունեց ՀՀ սփյուռքի գործերի գլխավոր հանձնակատար Զարեհ Սինանյանը` նշելով. «Հայ Եկեղեցու Համաշխարհային Երիտասարդական Միավորումը համախմբում է աշխարհասփյուռ հայկական եկեղեցիներն և համայնքային երիտասարդական կառույցներին, մեկտեղում հայ երիտասարդության ներուժը նրա զարգացման, ազգային և հոգևոր արժեքների պահպանման նվիրական գործում: Ուրախալի է, որ 21-րդ դարի մարտահրավերներին ընդառաջ տարեցտարի ավելի ու ավելի է ընդլայնում իր գործունեության ասպարեզը, նպատակային ուղղվածությունը»:
Վեհափառ Հորն ու մասնակիցներին ողջունեց նաև ՀԵՀԵՄ հոգևոր պատասխանատու, ԱՄՆ Հայոց Արևմտյան թեմի առաջնորդ Գերաշնորհ Տ. Հովնան արքեպիսկոպոս Տերտերյանը` նշելով, որ ներկայի մեջ երիտասարդներն անցյալը գալիքի հետ կապող ոսկե կամուրջ են և այսօր եկել են վերամկրտվելու Սուրբ Էջմիածնի խորհրդի մեջ, որը հայության ինքնության արմատն է. «Ուխտագնացության այս օրերը յուրաքանչյուրի համար պիտի դառնան հիշարժան, հոգին լցնող, հոգին զորացնող ուխտավորության օրեր: Եկել ենք, Վեհափառ Տեր, հայցելու և խնդրելու ձեր հայրական օրհնությունները, որպեսզի մեր երիտասարդները այս պահից սկսած, Սուրբ էջմիածնի խորհրդի մեջ վերամկրտելով իրենց հոգևոր կյանքը»:
Իր հայրական օրհնությունն ու բարեմաղթանքները փոխանցելով երիտասարդներին` Վեհափառ Հայրն ուրախությամբ փաստեց, որ նման ուխտագնացությունները լավագույն հնարավորություն են Հայրենիքի ու Մայր Եկեղեցու հետ կապն առավել ամրապնդելու, Աստվածճանաչողության և ինքնաճանաչողության ճանապարհին:
Ամենայն Հայոց Կաթողիկոսը ընդգծեց նաև, որ դեպի Սուրբ էջմիածին և Արցախ ուխտագնացության կազմակերպումն ամենևին պատահական չէ:  «Սուրբ էջմիածնում է, որ մեր հայրերը ուխտեցին լինել Աստծո սեփական ժողովուրդը և պահել հավատարմությունը բոլոր ժամանակներում  դեպի մեր Տերը, դեպի մեր Երկնավոր Հայրը:  Այդ ուխտով մեր հայրերը կերտեցին մեր մշակույթը, մեր փառապանծ պատմությունն ու հաղթանակները: Հայրենիքից հարկադրված հեռանալով՝ նրանք ամենուր հաստատեցին մեր համայնքները՝ Հայոց Սփյուռքը, որը դարձավ հայրենիքի անքակտելի ու անբաժան մասը և շարունակեց ապրել իր հայացքը ուղղած դեպի Սուրբ Էջմիածին:
Սուրբ Էջմիածնից դուք ուղևորվելու եք դեպի Արցախ, ինչը նույնպես պատահական չէ: Այս տարի լրանում է Արցախի թեմի հաստատման 30-ամյակը: Երեսուն տարի առաջ էր, որ երանաշնորհ Վազգեն Ա. Կաթողիկոսը հռչակեց Արցախի թեմը: Այն օրերին, երբ մեր ժողովուրդը ոտքի էր ելել արցախյան ազատագրական պայքարի, երբ նաև ձեզ պես երիտասարդ հայորդիք մեկնում էին Արցախ` իրենց կյանքով պաշտպանելու արցախաբնակ մեր զավակների ազատ ու անկախ ապրելու իրավունքը, և այս իմաստով նույնպես Արցախն այն սրբազան տարածքն է, որտեղ դուք լիարժեքորեն և կատարյալ կերպով հնարավորություն կունենաք ձեր ուխտագնացությունն աստվածահաճո դարձնելու համար», – նշեց Վեհափառ Հայրը: 
Հանդիպման ավարտին ի հիշատակ գեղեցիկ ուխտագնացության
Հայր Թովման երիտասարդների անունից Ամենայն Հայոց Կաթողիկոսին և Հովնան սրբազանին նվիրեց ՀԵՀԵՄ անվանական շապիկներ:
Հավաքի առաջին օրը սկիզբ դրվեց նաև «20 տարի Վեհափառի հետ» ՀԵՀԵՄ երիտասարդական ծրագրի մեկնարկը: Մասնակիցները ծանոթացան Մայր Աթոռի նորակառույց շինությունների և վերջին 20 տարիների ընթացքում իրականացված աշխատանքների հետ:
Քառօրյա ուխտագնացության ընթացքում երիտասարդները կայցելեն Հայաստանի և Արցախի տեսարժան վայրեր, կհանդիպեն հոգևոր և պետական ավագանու հետ, կքննարկեն քույր թեմերի համագործակցության խթանմանը, ՀԵՀԵՄ տարածաշրջանային և միջտարածաշրջանային, ինչպես նաև համաերիտասարդական նոր ու կազմակերպված միջոցառումների նախագծմանը առնչվող հարցեր:

Հայ Եկեղեցու Համաշխարհային Երիտասարդական Միավորման մամլո դիվան

ՓԱԿՎԵՑ ԻՐԱՆԻ ՇԱՀԻՆՇԱՀՐ ՔԱՂԱՔԻ ՀԱՅՈՑ ՄԻԱԿ՝ «ՍՐԲՈՑ ՎԱՐԴԱՆԱՆՑ» ԴՊՐՈՑԸ

Ինչո՞վ են զբաղված Անթիլիասը, Թեհրանի ու Սպահանի Թեմական խորհուրդները:

Իրանում հերթով փակվում են հայկական դպրոցները։ Թեհրանի հայոց ազգային «Ռոստոմ» օրիորդաց դպրոցի փակվելուց և նույն անվան տղայոց դպրոցի երերուն վիճակում հայտնվելուց հետո, ահա Սպահանի հայոց թեմի Թեմական խորհրդի որոշումով, նույն ճակատագրին է ենթարկվում նաև Շահինշահր քաղաքի հայոց միակ՝ «Սրբոց Վարդանանց» դպրոցը:

Այս որոշումով, «Ս. Վարդանանց» դպրոցի աշակերտները հայկական դպրոց հասնելու համար պիտի ամեն օր նվազագույնը 40 կիլոմետր ճանապարհ կտրեն՝ մինչև Սպահան, այլապես պարտավոր են հաճախել ոչհայկական դպրոց, ինչը, բնականաբար, ավելի հավանական է:

Դպրոցը փակվում է, հակառակ այն փաստի, որ պետական կողմը, տեսնելով աշակերտության սակավ թիվը, թույլ էր տվել այն դարձնել երկսեռ։ Սա բացառիկ արտոնություն էր դպրոցը բաց պահելու համար:

Թվում է թե Թեհրանի ու Սպահանի Թեմական խորհուրդները հայտնվել են լրիվ անճարակ վիճակում: Նրանք, հակառակ համայնքի պահանջին, հարցերին լուծում գտնելու փոխարեն, միանգամայն ջնջում են բուն հարցն ու «առաջ» անցնում:

Ընդամենը օրեր առաջ նույն հոգեբանությամբ Թեհրանի ՀԹ Կրթական խորհուրդը, դեմ գնալով հայոց ազգային «Արաքս» օրիորդաց դպրոցի ուսուցչական կազմի, Ծնողական խորհրդի ու աշակերտության ու նրանց ծնողների պահանջին, այդ դպրոցին զրկեց հայ տեսչուհուց:

Իրանահայ թեմերն իր զավթարար ճանգերում բռնած ՀՅԴ կուսակցությունը, բարեխիղճ և բանիմաց անձնավորություններին համայնքի կառավարման կյանքին մասնակից չդարձնելով շարունակում է իր շահերը գերադասել ազգի և համայնքի շահերին։



Հերթով փակվում և ծախվում են կրթադաստիարակչական օջախներն ու հաստատությունները, փոխարենը զարկ տալով կուսակցական կառույցներին:

Հայոց դպրոցը ծախսատար լինելու անհեթեթ պատճառաբանությամբ փակող Սպահանի ՀԹ Թեմական խորհուրդն ահռելի գումար է տրամադրում ՀՅԴ-ին ենթակա նույն Շահինշահր քաղաքի «Արարատ» միությանը բազմահարկ նոր կենտրոնատեղի կառուցելու համար, մինչ վաճառքի է հանել Ահվազ քաղաքի հայոց ազգային «Րաֆֆի» դպրոցի շենքը:

Իսկ այս անհուսալի պայմաններում ցավալի է, որ Մայր Աթոռից խլված Իրանահայ թեմերին տիրություն անելու, և ԴՊՐՈՒԹՅԱՆ տարի հայտարարելու փոխարեն, Անթիլիասի գահակալ Արամ Ա կաթողիկոսը մամուլի տարի է հայտարարել ու «համահայկականության» անվան տակ, խտրական վերաբերմունք է ցույց տալիս հայ մամուլի և գրի նկատմաբ, ինչպես միշտ զոհի կարգավիճակում դնելով ոչ կուսակցական մամուլը։

Մովսես Քեշիշյան

«Արաքս» շաբաթաթերթի գլխավոր խմբագիր

Թեհրան, 4 հուլիսի 2019թ.

Հ.Գ- (Նիդ.օրագիր) Հիշեցնենք, որ հուլիսի 2-4-ը Անթիլիասում, Մեծի տանն Կիլիկիո կաթողիկոսարանում, տեղի ունեցավ հայ մամուլին նվիրված առաջին համաժողովը, նախաձեռնությամբ Տանն Կիլիկիո կաթողիկոսության, Արամ Ա կաթողիկոսի հռչակմամբ 2019 թվականը «Հայ մամուլի տարվա» շրջանակներում: Թեև  համաժողովն անվանվում է «համահայկական», սակայն  այն իրականում այդպիսին չես բնութագրի, մեծ թվով սփյուռքյան հատկապես անկախ լրատվամիջոցների ներկայացուցիչներ` դժգոհ են, որ իրենց այդ մասին տեղյակ չի պահվել` մանավանդ, երբ խոսքը գնում է մասնագիտական հավաքի մասին:

«Պետք է ամեն գնով փրկել սփյուռքի հայ մամուլը»` Այսպես է համաժողովին արտահայտվել  Արամ Ա կաթողիկոսը` լրատվական գործն համարելով առաքելություն, իսկ լրագրողներին` առաքյալներ: Այդ դեպքում նման մասնագիտական համաժողովներ կազմակերպելուց  առաջ մանրազնին պետք է ուսումնասիրել լրատվական քարտեզը, որ բացթողումներ քիչ լինեն, միջոցներն ու  նպատակներն արդարացնեն, որպեսզի, իրոք սփյուռքի հայ մամուլն  իրեն կենսունակ ու կարևոր առաքելություն կատարողի դերում զգա, իսկ նման  միջոցառումները համախմբիչ դեր կատարեն  :

Բացառիկ արխիվային փաստաթուղթ

Հասմիկ Հարությունյան

Յասմիկ Գեւորգի Յարութիւնեանը ծնուել է 1991 թ. մայիսի 9-ին, ՀՀ Արագածոտնի մարզի Ներքին Սասունաշէն գիւղում: 1999-2008 թթ. սովորել միջնակարգ դպրոցում, 2008-2012 թթ.՝ Երեւանի պետական համալսարանի պատմութեան ֆակուլտետում՝ ստանալով բակալավրի կոչում: 2012 թ. ընդունվել է ՀՀ Գիտությունների ազգային ակադեմիայի գիտակրթական միջազգային կենտրոն, ստացել մագիստրոսի կոչում:  2012 թ.-ից աշխատում է Հայաստանի Ազգային արխիւում՝ որպէս առաջատար արխիւագետ: Մասնակցել է հանրապետական եւ միջազգային գիտաժողովների, հանդէս եկել Հայոց ցեղասպանութեանը, Սփիւռքին եւ հայագիտութեանը նուիրուած զեկուցումներով: 2014 թ.-ից  անդամակցում է Երիտասարդ պատմագետների ասոցիացիային: Կամաւորական աշխատանք է կատարել Երիտասարդ վերլուծաբանների հայաստանեան կազմակերպութիւնում՝ մասնակցելով խմբագրական աշխատանքներին: 2018 թ. գիտահետազոտական աշխատանք է կատարել Փարիզի Նուբարեան գրադարանում: Տիրապետում է  ռուսերէն, անգլերէն լեզուներին:


Կիլիկյան Հայաստանի արտոնությունները՝ ֆրանսիացի առևտրականներին

Ներկայացնենք ևս մի բացառիկ արխիվային փաստաթուղթ՝ այս անգամ 1321 թվականով թվագրված Կիլիկյան Հայաստանի թագավոր Օշին Ա Հեթումյանին փոխարինած նրա որդի Լևոն Ե Հեթումյանի հրամանագիրը, որով վերահաստատվում է Ֆրանսիայի Մոնպելյե քաղաքի առևտրականներին մաքսային արտոնություններ տրամադրելու վերաբերյալ նրա հոր՝ Օշինի Ա-ի 1314 թվականի հրամանագիրը, ըստ որի ֆրանսիացի առևտրականները Կիլիկյան Հայաստանի թագավորության նավահանգիստներն ազատ մուտքի և այնտեղ առևտրի իրավունք էին ստանում:

Ուշագրավ է, որ հրամանագրի հաստատման պահին Լևոն Ե-ն տակավին 11 տարեկան է եղել, և ներկայացվող փաստաթղթում առկա են պատանի թագավորի և նրա երկու խնամակալ իշխանների ստորագրությունները: Փաստաթուղթը պահվում է Մոնպելյեի քաղաքային արխիվում:

THE WORST CULTURAL GENOCIDE OF THE 21ST CENTURY

THE WORST CULTURAL GENOCIDE OF THE 21ST CENTURY

CRIME AGAINST EVERYONE

On February 2019, researchers Simon Maghakyan and Sarah Pickman published a report on the destruction of tens of thousands of medieval Armenian monuments in Azerbaijan. 89 medieval churches, 5,840 intricate cross-stones, and 22,000 tombstones are said to be destroyed by the Azerbaijani government. The original investigation in Hyperallergic art media outlet was followed by another article in The Guardian, which triggered international reaction. Regional Post spoke to Simon Maghakyan about the investigation.

Interview: Karina Ghazaryan

The Guardian article initiated considerable media coverage of the topic, as well as reaction from general public. Where did it all start from? How did you become interested in this matter?

I have worked on this topic for over a decade now. I was a student in political science when I found out that the largest Armenian cemetery in the world, Djulfa (or Jugha in Armenian), had just been destroyed. I was shocked and I thought that the video footage was not enough for the international community to at least criticize that act of destruction.

I had heard of that cemetery from my father who visited it during Soviet times. I grew up with stories of Djulfa, and I decided to raise awareness about the crime happening there. This effort resulted in a film that I made with Sarah Pickman in 2006. I also launched a website djulfa.com.

I was working at Amnesty International as a pro bono specialist on the Caucasus, through which I got to know American Association for the Advancement of Science (AAAS). Together with them, we were able to document the destruction of Djulfa by satellite imagery. Another major achievement was an article in 2007 in History Today which was widely cited in academic circles.

How did this investigation start?

I realized I was myself in a denial about the extent to which the Armenian heritage of Nakhichevan had been destroyed. I thought maybe they had left something here and there. But the more I looked into it, the more I realized that this was an unparalleled cultural genocide. Any trace of an entire civilization had been eradicated; nothing like that had happened in our lifetime.

So, on Armenian Christmas in January 2018, I was having a hard time falling asleep because I felt like this story was going to be ignored. So, I decided to conduct a major investigation that would show the outcome of this destruction and tell the story in a comprehensive manner.

You are also a part of Hay Dat Armenian lobby group. Do you think this affected the investigation and also made you vulnerable to criticism for being bias?

Anyone who reads it can see that it is written not by activists but by scholars. Sarah Pickman, a Yale University PhD candidate, and I had many peer reviewers including Thomas de Waal, who is considered the most objective and knowledgeable scholar of Armenian-Azerbaijani conflict. We also had an anonymous Azerbaijani reviewer on board to be sure that this was not going to be criticized as an activist piece. Furthermore, Netherlands-based independent Azerbaijani historian and human rights defender Arif Yunus cooperated with us.  

So, the article does not have a black and white perspective; it provides as much context about the Nagorno-Karabakh conflict as possible.   

What was the reaction from Azerbaijani state officials and media?

Official Azerbaijan seems to be in a state of shock: for weeks they were completely silent, and then on Twitter the Consulate General of Azerbaijan in Los Angeles started responding to many tweets from the readers of the investigation. Azerbaijan’s response on Twitter was “whataboutism” concerning the supposed vandalism against Azerbaijani monuments in Karabakh.

The Azerbaijani government also has a person named Peter Tase, who either writes an article for them, or just signs anything that they write. Supposedly, Tase is a resident in the US state of Wisconsin. He wrote a very aggressive piece about it in the Nakhichevan government official periodical. His article contained many insults (like fascist propaganda, fake news, fabrication, etc.) but it did not question the investigation itself. The only criticism was that we did not use the official toponyms, but we actually had used both historic Armenian names and current official Azerbaijani names.
Years ago, the official Baku said those were Caucasian Albanian monuments. But now, when all the Christian heritage is eradicated, they just say those monuments never existed.

Was there any reaction on non-official level?

On Azerbaijani side, there were many private reactions from very significant individuals, but I don’t want to endanger their well-being by giving you details. 

These individuals - and I am sure many more – were devastated by the destruction in Nakhichevan, and the investigation gave them the same sense of satisfaction that the truth about the destruction was finally told in a comprehensive and contextualized method.

Khachkars are protected by UNESCO. What feedback did the organization give to the report?

They had known about the destruction of Djulfa long before, perhaps not to this extent. And I had told them about the investigation ahead of time, they knew it was coming up, and when it was published I send it to them and got a short note of thanking for having shared the information. I have sent them a list of recommendations which I think UNESCO should do, including the canceling of upcoming World Heritage Committee session which is to be held in Baku in early July. At the very least, they have acknowledged it. However, I don’t have much hope regarding UNESCO, I really don’t think they are going to do much unless the Armenian government brings this up at every international gathering on culture heritage.  

Do you think the preservation of Armenian cultural heritage should have any importance for Azerbaijan? 

Our article has finally taken out this topic from a “he said/she said” dialogue. Until now, Azerbaijan has been able to, sort of, portrait reports of this destruction as just tit for tat. Now we proved that this is an international crime that has been committed by the government against the very monuments they were supposed to protect and in an area that was never a war zone. Armenians are not the only ones that have been impacted by this: heritage belongs to everyone, not to one ethnic group or culture. We should have deep knowledge and objective information about past and present, and that information should be transferred to others: it is good for democracy, it is good for tourism.

Besides, I think Armenians have always felt that their monuments are targeted by Azerbaijan, and unfortunately, Azerbaijan has confirmed the worst fears that Armenians have had. And this action has made the long-term peace much harder. But in the investigation we made sure not to blame the entire Azerbaijan or Azerbaijani people for this destruction. We want to highlight that there are two Azerbaijans: the Azerbaijan of Aliyev family and the Azerbaijan of Akram Aylisli, who loved, adored Armenian monuments probably as much as any Armenian. By telling this story of devastation people like Akram Aylisli can find a common pain from the destruction of the cultural heritage. Instead of using this to boost our own anger we should try to understand that this is a crime that was committed against everyone, including Azerbaijani people.

Simon Maghakyan

Denwer-based educator, researcher and activist. Lecturer of International relations at the  University of Colorado.

Sarah Pickman

Ph.D. candidate in History at Yale University. She has been published in a number of academic periodicals, including Cosmologics and Archaeology magazines.

REGIONAL POST

Նիդերլանդների Թագավորությունում Հայաստանի Հանրապետության դեսպանության ֆեյսբուքյան էջի օրագիր/ ՀՈՒՆԻՍ

ՈՒՇԱԴՐՈՒԹՅՈՒՆ. Դեսպանատան կայքի  Հունիս ամսվա ոչ բոլոր նյութերն ու լուսանկարներն են տեղադրվել մեր ամփոփագրում :

Embassy of Armenia in The Netherlands/ Նիդերլանդներում ՀՀ դեսպանություն с Tigran Balayan.

5 июня в 12:37 

 Դեսպան Տիգրան Բալայանը Միջազգային կրթական համագործակցության հոլանդական կազմակերպության՝ NUFFIC-ի գլխավոր տնօրենի հետ քննարկել է կրթության և գիտության բնագավառում Հայաստանի ու Նիդերլանդների միջև համագործակցության ընդլայնման հնարավորությունները։

Promotion of Armenian-Dutch cooperation in education and science were the topics of discussion between Ambassador Tigran Balayan and Freddy Weima, Director General of Nuffic

6 июня в 12:11 · 

ՀԱՅՏԱՐԱՐՈՒԹՅՈՒՆ

Երիտասարդ հոլանդահայերը հնարավորություն ունեն մասնակցելու օգոստոսի 4-15-ն Արցախի Վալեքս Գարդեն հյուրանոցում անցկացվելիք Slice Consulting ընկերության կողմից կազմակերպված Summer School 2019 համահայկական նախագծին, որի շրջանակներում մոտ 100 երիտասարդներ կուսումնասիրեն բիզնես, բիզնես անգլերեն և ՏՏ ոլորտների գործունեությունը։

Հարցերի կամ հավելյալ տեղեկատվության համար կարելի է կապ հաստատել Slice Consulting ընկերության հետ․
էլ․փոստ՝ info@sliceconsulting.org

www.sliceconsulting.org

6 июня в 16:10 · 

FAON: Federation of Armenian Organisations in The NetherlandsՆիդերլանդների Հայկական կազմապերպությունների ֆեդերացիայի Մամլո հաղորդագրությունը

Լայն աջակցություն Հոլանդիայի խորհրդարանում Հայոց ցեղասպանության մասին Էրդողանի ատելությամբ լի ելույթի դեմ բանաձևին

Հաագա, 6 հունիսի 2019 թ. - Այսօր Նիդերլանդների խորհրդարանում բանաձև է ներկայացվել, որտեղ խորհրդարանը նողկանք է արտահայտում Թուրքիայի նախագահ Էրդողանի հայոց ցեղասպանությանը վերաբերող խոսքերի հանդեպ։ FA կազմակերպությունների ֆեդերացիան (FAON) համառորեն պնդել էր, որ խորհրդարանը միջոցներ ձեռնարկի այդ անընդունելի արտահայտությունների կապակցությամբ։

Միության միության (CU) խմբակցության անդամ, պատգամավոր Ջոել Վորդեվինդի ներկայացրած բանաձևում, զզվանք է արտահայտվում Էրդողանի խոսքերի հանդեպ։ Այդ բանաձևի տակ ստորագրել են նաև պատգամավորներ Կեես Վան Դեր Ստայը (Քաղաքական Բարեփոխված Կուսակցություն - SGP), Սադետ Կարաբուլուտը (Սոցիալիստական ​​կուսակցություն - SP), Պիտեր Օմտզիգտը (Քրիստոնյա դեմոկրատական ​​Կոչ - CDA), Ռոնալդ դե Ռոն (Ազատության համար Կուսակցություն - PVV) և Բրամ վան Օյիկը (Կանաչ Ձախ կուսակցություն - Green Left)։ Կատարելով կատարելով 2004 թ. Բանաձևին բանաձևին, խորհրդարանը դիմում է կառավարությանը նույնպես մերժել Էրդողանի խոսքերը և այդ տեսակետը փոխանցել Թուրքիայի կառավարությանը։

Արտաքին գործերի նախարար Բլոկի կարծիքը բացասական չէր բանաձևի նկատմամբ և դրա ընդունումը թողեց խորհրդարանի հայեցողությանը: Բանաձևի քվեարկությունը տեղի կունենա հաջորդ շաբաթ։ Հաշվի առնելով պատգամավորների մեծամասնության աջակցությունը, վստահորեն բանաձևը կհաստատվի։

Ապրիլի 24-ին, Հայոց ցեղասպանության հիշատակի օրը, Էրդողանը իր ելույթում ասել է. «Հայ հրոսակախմբերի և նրանց աջակիցների վերաբնակեցումը, որոնք կոտորում էին մուսուլման ժողովրդին, ամենաողջամիտ գործողությունն էր, որ կարելի էր նախաձեռնել այդ ժամանակ»։

2019 մայիսի մայիսի 15-ին Նիդերլանդների խորհրդարանում տեղի ունեցած Թուրքիայի իրավիճակի մասին քննարկումների ժամանակ, տարբեր խմբակցությունների պատգամավորներ դիմեցին արտգործ նախարար Ստեֆ Բլոկին կոչ անելով `դատապարտել Թուրքիայի անթույլատրելի ժխտողական քաղաքականությունը։

Հոլանդահայ կազմակերպությունների ֆեդերացիայի (FAON) 2019 թ. մայիսի 20-ի մանրամասն մամլո հաղորդագրությունը:

7 июня в 09:53
На The Global Entrepreneurship Summit Ванесса Эккер пообщалась с одним из 2000 участников Глобального Саммита Предпринимателей – Светой Джагацпанян из Армении. Что делает её проект #ForestGuard уникальным, и каковы её впечатления о Саммите – в нашем интервью из Гааги.
U.S. Embassy Yerevan

7 июня в 17:01 · 

Ուրախությամբ տեղեկացնում ենք, որ Ամստերդամում ավազակային հարձակման ժամանակ հանցագործներին դիմադրություն ցույց տալու հետևանքով վիրավորում ստացած ՀՀ քաղաքացի Մել Դալուզյանը դուրս է գրվել հիվանդոցից։

 · 8 июня · 

Դեսպան Տիգրան Բալայանը հանդիպեց Նիդերլանդների հայ իրավաբանների միության վարչության անդամներին։ 

Ambassador Tigran Balayan had a meeting with the members of the board of Armenian lawyer's Association in the Netherlands. — с Tigran Balayan.

Embassy of Armenia in The Netherlands/ Նիդերլանդներում ՀՀ դեսպանություն

10 июня в 14:33 · 

Արտագնա հյուպատոսական ընդունելություն ս․թ․ հունիսի 19-ին, ք․ Ալմելո

10 июня в 15:46 · 

Հունիսի 9-ին Դեսպան Տիգրան Բալայանը Ամստերդամի Սուրբ Հոգի եկեղեցում ներկա գտնվել Արևմտյան Եվրոպայում Հայ առաքելական եկեղեցու Հայրապետական պատվիրակ Խաժակ արքեպիսկոպոս Բարսամյանի հանդիսապետությամբ մատուցված պատարագին։

Պատարագի ավարտին դիմելով պատարագին ներկա հայրենակիցներին՝ դեսպան Բալայանը շնորհավորել է նոր ձեռնադրված դպիրներին, կիսասարկավագներին և սարկավագներին, մաղթել նրանց արգասաբեր գործունեություն հոլանդահայության ազգային ինքնության և մշակույթի պահպանման բնագավառներում, ներկայացրել այդ ուղղությամբ դեսպանության գործունեությունը,
շնորհակալություն հայտել Խաժակ Արքեպիսկոպոսին Նիդերլանդներ հաճախակի այցելությունների և հոլանդահայության հանդեպ մշտական ուշադրության համար։

Armeens Apostolische Kerk - SURP HOKI - Amsterdam
Ter Taron Tadevosyan

 10 июня · 

Mr. Movses Abelian of #Armenia – Under-Secretary-General of the #UnitedNations for General Assembly of the and Conference Management

United Nations Secretary-General António Guterres has appointed Movses Abelian of Armenia (as well as a national of Georgia), as the next Under-Secretary-General for General Assembly and Conference Management. He will succeed Catherine Pollard of Guyana who has been appointed as the Under-Secretary-General for Management Strategy, Policy and Compliance.

Mr. Abelian is currently Assistant Secretary-General for General Assembly and Conference Management. Prior to assuming this position in 2016, he was Director of the Security Council Affairs Division in the Department of Political Affairs.

He brings to the position over 25 years of experience in conference and management affairs, coupled with experience in peace and security issues, conflict resolution as well as extensive expertise leading, supporting and managing complex portfolios and intergovernmental processes in the United Nations system. Mr. Abelian also has extensive experience in management, including programme planning and budget, having previously worked as Secretary of the Administrative and Budgetary Committee of the General Assembly (Fifth Committee) and the Committee on Programme and Coordination at the United Nations.

Prior to joining the United Nations, Mr. Abelian was the Ambassador and Permanent Representative of the Republic of Armenia to the United Nations (1998-2003) and Deputy Permanent Representative (1996 to 1998). Prior to joining the Foreign Service of Armenia in 1992, Mr. Abelian worked in academia as an Associate Professor at Yerevan State University.

Mr. Abelian was educated in Armenia, the Russian Federation and the United States. He is married and has two children.

11 июня в 17:05 · 

Dutch Parliament passed motion Joël Voordewind condemning hate speech Erdogan about Armenian Genocide. FAON thanks the MPs. The Federation of Armenian Organisations in the Netherlands (FAON) had urged the Parliament to take action in response to these unacceptable remarks.
Tweede Kamer heeft de motie van Joel Voordewind aangenomen. De motie spreekt afkeer uit over de uitlatingen van de Turkse president Erdogan inzake de Armeense genocide. De Federatie Armeense Organisaties Nederland (FAON) had bij de Kamer aangedrongen op actie naar aanleiding van de onaanvaardbare uitspraken.

Հոլանդիայի խորհրդարանը համարյա միաձայն ընդունեց Ջոել Վորդեվինդի ներկայացրած բանաձևը։ Այդ բանաձևում խորհրդարանը նողկանք է արտահայտում Թուրքիայի նախագահ Էրդողանի հայոց ցեղասպանությանը վերաբերող խոսքերի հանդեպ։ Հոլանդահայ կազմակերպությունների ֆեդերացիան (FAON) համառորեն պնդել էր, որ խորհրդարանը միջոցներ ձեռնարկի այդ անընդունելի արտահայտությունների կապակցությամբ։

Alen Simonyan

11 июня в 16:33

Ուրախութայմ տեղեկացա, որ Նիդերլանդների Ներկայացուցիչների պալատը քիչ առաջ գրեթե միաձայն բանաձև է ընդունել՝ դատապարտելով Թուրքիայի նախագահի կողմից ս.թ. ապրլի 24-ի Հայոց ցեղասպապանության զոհերի պիտակավորումը՝ միաժամանակ պարտավորեցնելով կառավարությանը այդ դիրքորոշման մասին տեղեկացնել Թուրքիայի իշխանություններին։ Հատուկ շնորհակալություն բանաձևը նախաձեռնած քաղաքական տարբեր ուժեր ներկայացնող պատգամավորներին և «Աբովյան» միության անդամներ Ինգե Դրոստին և Մաթո Հախվերդյանին՝ եռանդուն և արգասաբեր ջանքերի համար։

I am glad to learn and inform you that the House of Representatives of the Netherlands adopted a resolution with predominant majority: document condemns the Turkish President labelling the victims of the Armenian Genocide on April 24, at the same time obliging the government to inform the Turkish authorities on that stance. Special thanks to MPs representing various political forces and members of "Abovyan" Union Inge Drost and Mato Hakhverdyan for their enthusiastic work and productive efforts.

Ruben Rubinyan

11 июня в 16:52

Նիդերլանդների Ներկայացուցիչների պալատն այսօր բանաձև/հայտարարություն է ընդունել՝ դատապարտելով Թուրքիայի նախագահի կողմից ս.թ. ապրլի 24-ի Հայոց ցեղասպանության զոհերի պիտակավորումը՝ միաժամանակ կոչ անելով կառավարությանը այդ դիրքորոշման մասին տեղեկացնել Թուրքիայի իշխանություններին։ Միշտ հաճելի է տեսնել, որ քաղաքակիրթ աշխարհը մեր և ճշմարտության կողքին է:

Հոլանդացի պատգամավորները քվեարկությամբ ընդունել են հետևյալ տեքստը՝ ստորագրված 6 կուսակցությունների ներկայացուցիչների կողմից՝ որպես համահեղինակների.

«Պալատը,

Լսելով քննարկումները,

Նկատի ունենալով, որ Թուրքիայի նախագահ Էրդողանը ս.թ. ապրիլի 24-ին Հայոց ցեղասպանության զոհերի ոգեկոչման առիթով հայտնել է, որ հայերի տեղահանումը եղել է ամենաողջամիտ որոշումը, քանի որ «հայկական հրոսակախմբերը կոտորում էին մուսուլմաններին»,

Նկատի ունենալով, որ սրանից բխում է, որ Թուրքիան շարունակում է հրաժարվել սեփական պատմությունը բաց աչքերով դիտել,

Նկատի ունենալով, որ Նիդերլանդների խորհրդարանը ճանաչել է Հայոց ցեղասպանությունը և Ռաուֆութի բանաձևի միաձայն ընդունմամբ հանձնարարել է կառավարությանը Թուրքիայի հետ երկխոսության ընթացքում մշտապես և շեշտակիորեն բարձրացնել Հայոց ցեղասպանության ճանաչումը,

Արտահայտում է իր նողկանքը Թուրքիայի նախագահի վերոհիշյալ հայտարարությունների նկատմամբ, կոչ է անում Կառավարությանը անհամաձայնություն հայտնել դրանց հետ և այդ մասին տեղեկացնել Թուրքիայի կառավարությանը։

Եվ անցնում է օրակարգին»

Ֆորդեվինդ
Կարաբուլուտ
Վան Դեր Ստայ
Օմտզիխտ
Վան Օյիկ
Դե Ռոոն

ՀՀ Արտաքին գործերի նախարարություն / Ministry of Foreign Affairs of Armenia

11 июня в 22:04 · 

❗️Մենք ողջունում ենք միջազգային արձագանքը Հայոց ցեղասպանության վերաբերյալ Ռեջեփ Թայիփ Էրդողանի ժխտողական կարծիքի դեմ: Այս որոշմամբ Նիդերլանդները և նրա խորհրդարանի անդամները մեկ անգամ ևս ցուցադրեցին իրենց սկզբունքային դիրքորոշումը մարդու իրավունքների և Ցեղասպանության կանխարգելման վերաբերյալ:

❗️We welcome international reaction against denialist remarks of Recep Tayyip Erdoğan on #ArmenianGenocide. By adopting this motion Netherlands and its parliamentarians once again demonstrated their principal stance on #humanrights and Genocide Prevention.
#AgendatoPerevent

 12 июня · 

Նիդերլանդներում Հայաստանի դեսպանը հանդիպեց Քրիստոնյա-դեմոկրատական կուսակցության արտաքին քաղաքական հարցերով խոսնակին

Հունիսի 12-ին դեսպան Տիգրան Բալայանը հանդիպեց Նիդերլանդների խորհրդարանի պատգամավոր, Քրիստոնյա-դեմոկրատական կուսակցության արտաքին քաղական հարցերով խոսնակ Մարտին վան Հելֆետին (Martijn van Helvert)։

Շնորհակալություն հայտնելով Հայաստանին առնչվող հարցերի նկատմամբ մշտական ուշադրության և հայ-հոլանդական հարաբերությունների ընդլայնմանն ուղղված նախաձեռնություններին սատարելու համար դեսպան Բալայանը նշեց, որ երեկ խորհրդարանի կողմից Թուրքիայի նախագահի Հայոց ցեղասպանության զոհերին պիտակավորող հայտարարությունները դատապարտող բանաձևի ընդունմամբ Նիդերլանդները և նրա խորհրդարանի անդամները մեկ անգամ ևս ցուցադրեցին իրենց սկզբունքային դիրքորոշումը մարդու իրավունքների և Ցեղասպանության կանխարգելման վերաբերյալ:

Տիգրան Բալայանը Մարտին վան Հելֆեթին ներկայացրեց Հայաստանի իշխանությունների կողմից իրականացվող լայնածավալ բարեփոխումները, կոռուպցիայի դեմ պայքարը, դատաիրավական բնագավառի փոփոխությունների, տնտեսական հավասար պայմանների խթանմանն ուղղված քայլերը։

Զրուցակիցները մտքեր փոխանակեցին Հայաստանի և Նիդերլանդների միջև համագործակցության ընդլայնմանն ուղղված նախաձեռնություններին և դրանց իրագործման համար խորհրդարանական աջակցության շուրջ։

— с Tigran Balayan.

14 июня в 10:15 · 

Diplomat Magazine the Netherlands and EU on
Charles #Aznavour 95’s Anniversary by the Embassy of #Armenia

http://www.diplomatmagazine.nl/…/aznavour-95s-anniversaire…/

14 июня в 16:27 · 

Զարեհ Սինանյանը նշանակվել է Սփյուռքի գործերի գլխավոր հանձնակատար

19 июня в 18:20 · 

Ambassadeur Tigran Balayan woonde het traditionele haring feest in #Pijnacker, georganiseerd door Stichting "Pijnackernaren Helpen #Armenië"

Դեպան Տիգրան Բալայանն այցելեց Պայնակեր, ուր մասնակցեց «Պայնակերցիները օգնում են Հայաստանին» հիմնադրամի կողմից կազմակերպված ավանդական Հարինգ փառատոնին։

24 июня в 19:58 · 

Նիդերլանդներում ՀՀ դեսպանը հանդիպեց Կանաչների կուսակցության արտաքին քաղաքական հարցերով խոսնակի հետ

Հունիսի 24-ին դեսպան Տիգրան Բալայանը հանդիպեց Նիդերլանդների խորհրդարանի պատգամավոր, Կանաչների կուսակցության արտաքին քաղաքական հարցերով խոսնակ Բրամ վան Օյիկին (Bram van Ojik)։
Հայաստանի դեսպանը Կանաչների կուսակցության խոսնակին ներկայացրեց Հայաստանում տեղի ունեցող լայնածավալ բարեփոխումները, բնապահապանության բնագավառում կառավարության քաղաքականությունը։
Հանդիպմանը քննարկվեցին Հայաստանի և Նիդերլանդների միջև միջխորհրդարանական համագործակցության, տնտեսական կապերի աշխուժացման, մշակութային փոխանակումների կազմակերպման ուղիները։
Զրուցակիցները մտքեր փոխանակեցին բազմակողմ խորհրդարանական հարթակներում փոխգործակցության շուրջ։

25 июня в 11:54 · 

Congratulations! We highly value PUM Netherlands senior expertsexemplary engagement in #Armenia and looking forward to more projects.

Jan Doeksen

Artak K. Kamalyan

-----------------------------------------------

30.06.2019

3 ч. · 

Օվեյասելի նահանգապետը այցելեց Ալմելոյի Armeens Apostolische Kerk AlmeloՍուրբ Գրիգոր Լուսավորիչ եկեղեցի

Հունիսի 30-ին Ալմելոյի Սուրբ Գրիգոր Լուսավորիչ եկեղեցի այցելեց Օվերայսել նահանգում Նիդերլանդների թագավորի հանձնակատար (նահանգապետ) Անդրեյս Հեյդեման (Andries Heidema), ուր նրան ողջունեցին դեսպան Տիգրան Բալայանը, Ալմելոյի եկեղեցական խորհրդի նախագահ Օնիկ Գելիջին, Սուրբ Գրիգոր Լուսավորիչ եկեղեցու հոգևոր հովից տեր Մաշտոց Բաղդասարյանը:

Հանձնակատար Հեյդեման ներկա գտնվեց եկեղեցում մատուցված պատարագին, ծանոթացավ Հայոց ցեղասպանության զոհերի հիշատակի հուշահամալիրին, զրուցեց Մեսրոպ Մաշտոց կիրակնօրյա դպրոցի ուսուցիչների և աշակերտների հետ, դիտեց իր այցելության պատվիր դպրոցի աշակերտների կողմից պատրաստված երաժշտական կատարումները։

Նահանգապետի հետ հանդիպմանը Տիգրան Բալայանը կարևորեց Օվերայսելի՝ որպես Նիդերլանդների ամենահայաշատ նահանգի և Հայաստանի միջև փոխգործակցության հաստատումը՝ ընդգծելով, որ բազմահազարանոց հայ համայնքը բնական կապող օղակի դերակատարություն ունի։ Դեսպան Բալայանը ներկայացրեց հայ-հոլանդական հարաբերությունների ընդլայնմանն ուղղված նախաձեռնությունները։

Սուրբ Գրիգոր Լուսավորիչ եկեղեցու խորհրդի նախագահ Օնիկ Գելիջին Թագավորի հանձնակատարին տեղեկացրեց համայնքային կյանքի և եկեցական խորհրդի գործունեության հետ՝ ընդգծելով, հոլանդահայ օրինակելի ինտերգվածությունը և հայկական ինքնության պահպանման ուղղված աշխատանքները։